Wɔrɔmi ye 11:2 - Cebaara Bible 2010

² Syɛ́ɛnbèle Kolocɔlɔɔ da nyɛ́nɛ n wòlo lè booma ni be pye woro wòolo, wi ga be cée í. Gee wi syɛɛnsɛbɛri joo lè Elii kéeli na, yele ga gee bee cán ì? Wi maa Kolocɔlɔɔ nyɛ́ɛri Isirayɛli ye kánmi na níì jo:

Wɔrɔmi ye 11:2 Iomraidhean Croise

Sélimɛ 44:15

A Zyozɛfu be yari: «Nyàʔá na yele kéeli naa kpéʔele? Yele ga tɔ̀ʔɔ̂ gi cán ncan syɔɔn ga pye mii félege, wi n gbàn ni kérigèle nyaagi ni nyuu ì?»

Nehemii 9:30

Mɔ n be kpàraco yɛ̀ʔɛlɛ saʔa fúngo ni, níì mɔ kanyaajoobèle láa n mɔ Pili tɛ́ʔɛ n be kɛɛlɛ, kàjáa pe ga lóʔo í, lǎli bee ni a mɔ be le tátɛɛyaa syɛɛnfeleye kɔ́yɔ ni.

Ŋúnuyi 94:14

Níì cán Yawe a tée wi syɛ́ɛnbèle yaʔa í, wi a tée wi kɔ́rigi wáa bi yaʔa í.

Yirile 32:1

A syɛ́ɛnbèle ga gi nyaa Mowizi n mɔn sìndìgi ni nyanbelegi na, a be peyɛɛ gbóʔoro n kári Aarɔn ma n sáà wi pye: «Yìri mi kolocɔlɔbèlē sámaga wolo ma, bele bee í da kínigi wolo yɛ́ɛgi na. Níì cán nǎnw bee wi lè Mowizi, woro wee wi wolo yirige Ezyipiti tári ni lè, gee gi wi taa lè yoo, wolo ga gi cán í.»

Zyeremii 31:37

Yawe wi syɛ́ɛnri naa joo níì jo: «Nyɛ̀ʔɛgèle ge lè ǹjogi ni, kapye ke a gbǎn tímana, tári di lè táàma, kapye ti kàpɔɔnbèle a gbǎn sɛʔɛ bi cán, lǎli bee ni mii a Isirayɛli yòdaʔagi wòolo myɛ wáa, gee myɛ kéele na be kpéʔele mii na lè,» Yawe wi jo nya.

Córolo 16:15

A Mowizi fúngi tanʔa gbanʔama. A wi gi joo Yawe ma níì jo: «Mɔ a kɔ́ fɔ̀lɔ be sárigaw na í. Alí mii ga jòfani nibin syɔɔ be ma í, mii ga kolo pe wàa ma í.»

Mariki 12:26

Gee gi kúbèle nyán-yirile kéele kwɔ́ɔ lè, yele ga tɔ̀ʔɔ́ kɔ́ɔ̀ gee bee wéle Mowizi sɛ́bɛw ni wii ì? Kolocɔlɔɔ maa gi joo wi ma tiipiigi ni níì jo: ‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.›

Luki 4:1

Zyezu fúngi maa nyìn Pìicǎnni na, a wi yìri Zyuridɛnw ma n lúru n kári. A Pìicǎnni wi tórigo fìími tára ni ní sa ni wi kàragí.

Zyan 4:11

A céw wi pye: «Kàfɔw, kɔ̀lɔ́w naa wi cùru lè nya, kɔ̀lɔ́jɛnnɛ si o nyɛ mɔ ma í, sán mɔ a sìi lǒgi bee taa?

Kapyegèle 13:48

Amɛɛ syɛɛnfeleyi syɛ́ɛnri bee lóʔo lè, a be i fundaanra kpéʔele ní i Kàfɔw syɛ́ɛnrɛ kpɔ́ʔɔgi, bele Kolocɔlɔɔ da kɔ̀rirɔ n cɔɔnri lè sìibangwɔɔw kánma na, a bele bee tága.

Kapyegèle 15:18

ní i ge tèé nlaa yaà booma ni.

Kapyegèle 3:17

Ni senyɛ̀nnɛ, mii si n gi cán yele ní yele kùndigibèle maa gi kpéʔele kateemɛ na.

Kapyegèle 7:40

A be gi joo Aarɔn ma níì jo: ‹Mi kolocɔlɔbèle pèle sámaga wolo ma be pye wolo yɛɛ̀kinibèle. Níì cán Mowiziw bee wi wolo yirige lè Ezyipiti tári ni, gee gi wi taa lè, wolo ga gi cán í.›

Wɔrɔmi ye 6:16

Yele ga gi cán ncan yele ga yeyɛɛ gaan kàfɔwee ma lè n pye wi pulobèlē ni lúro wi ma, woro wee má yele lúro lè, yele i nyɛ wee bee púlobéle ì? Kapye kapeebyeri má yele lúro, gee bee kàdoʔo i nyɛ kùúw, ki si ga pye Kolocɔlɔɔ má yele lúro, gee bee kàdoʔo i nyɛ sínni.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

Wɔrɔmi ye 9:6

Gee bee ga jo Kolocɔlɔɔ syɛ́ɛnri n sàa wii í. Níì cán Isirayɛli yòdaʔayi myɛ o nyɛ Isirayɛli syɛ̀ɛnnɛ kányɛʔɛ ni í.

1 Korɛnti ye 6:2

Yele ga gi cán ncan Kolocɔlɔɔ syɛɛncanbèle a ba kútiiw kúun dulunyanw syɛ̀ɛnnɛ na ì? Ki si ga pye yele a ba kútiiw kúun dulunyanw syɛ̀ɛnnɛ na, yele ga yɛlɛ bi gbǎn ra kapiipiigèle cɔɔnri yeyɛɛ níngi ni ì?

1 Korɛnti ye 8:3

Wee si wi tàmaga le lè ní Kolocɔlɔɔ ní, Kolocɔlɔɔ n wee bee cán.

Filipikaʔa ye 1:22

Kàjáa mii ga kòro sìi na céri ni, kàa mii a ní da fàrá mii falicanw na. Koro na gee mii a nyɛ́nɛ wòlo lè, mii ga gi cán í.

Heburubèle 1:1

Booma ni Kolocɔlɔɔ maa ni wi syɛ́ɛnri nyuu kanyaajoobèle ma, a be i di nyuu wolo tóolɛɛbèle ma làrigēle saʔa ni jooganmi féleye saʔa na,

1 Pyɛri 1:2

Tofɔw Kolocɔlɔɔ maa téè yele nyɛ́nɛ n wòlo booma ni n yɛlɛ ní wi kakɔrirɔli ní jàngó Pìicǎnni í yele sámaga yaʔa woro ma, koro ga pye yele í da lúro Zyezu Kirisi ma, wi sìsyaanw nyari-nyarila sáā yele mùú. Ki n yɛlɛ Kolocɔlɔɔ í da kàa fàrá yele ma kpɔ́ʔɔri ní fûnnyingi na.