Wɔrɔmi ye 11:12 - Cebaara Bible 2010

¹² Amɛɛ si Isirayɛli ye kapeebyeri ní be tooli pye lè sábabu, á dulunyanw syɛɛnfeleye tɔ̀nɔkpɔɔɔ taa, pe syɔɔli ga baa foro lǎlee ni lè, tɔ̀nɔw bee a ba kpɔ́ʔɔ bi sɔ̀lɔ syɛɛnfeleyi ma.

Wɔrɔmi ye 11:12 Iomraidhean Croise

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Misye 5:7

Zyakɔbi wogorobèle a pye syɛɛnfeleyi nínge ni, syɛɛnfele-nɛʔɛyɛ nínge ni àmɛɛ càaraɔ nyɛ kɔ́ligi yaweere nínge ni lè, ní àmɛɛ càarabɔ-yɛlɛɔ nyɛ yaweeyiligēle gboogéle ni lè, lǎli ni wi ga ni sɔ̀lɔ́ lè, wi n ni dee tánʔana, ní i dee sulugu, syɔɔn a taa bi di syɔɔ í.

Zakarii 2:11

«Ye boo kári! Siyɔn, fàn mi syɔɔ, mɔ wee wi nyɛ lè wodɛ́ɛɔn ní Babilɔni ni!

Kapyegèle 3:21

Ŋàʔanaga gii wi kòro nyɛ̀ʔɛni na fwɔɔ bi taa pe ba yáriri myɛ séli bi sámaga kàvɔn, àmɛɛ Kolocɔlɔɔ da gi le lè wi kanyaajoocǎnbèle nyɔ́ɔyɔ ni booma ni a be gi joo lè.

Wɔrɔmi ye 11:15

Níì cán àmɛɛ Kolocɔlɔɔ be yaʔa lè kɔlɔ̀ na, a gee bee pye sábabu, á dulunyanw syɛ̀ɛnnɛ baa bɛ̀ɛ ní woro ní, wi ga baa fɔ̀lɔ be na lǎlee ni lè, mɛ̀ɛ́ ki a pye be ma? Wi a be nyán yirige kúbèle nínge ni.

Wɔrɔmi ye 11:25

Ni senyɛ̀nnɛ, mii o caa yele í kòro kalarali naa sìnján ni í, kapye koro ban í, yele a kɔ́ ra yeyɛɛ jóro sícilibēle, kalarali bee li nyɛ ncan Kolocɔlɔɔ n Isirayɛli syɛ́ɛnbèle pèle fúnyo tɔ́n bi taa syɛɛnfeleyi wozanya nyɔ́ɔ í ba foro yee yi yɛlɛ bi syɔɔ lè.

Wɔrɔmi ye 11:33

Ee, Kolocɔlɔɔ lɔ́ri, ní wi sícilimi n tɔ̀nɔ n nɛʔɛ gbanʔama, gee wi cán lè, láʔala o nyɛ gi na í! Syɔɔn sícilimi a gbǎn wi kérigèle cɔɔnriganma ní wi kakɔrirɔgèle cán í.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

Efɛzi ye 3:8

Wi n kpɔ́ʔɔri bee kaan mii ma, mii wi lè Kolocɔlɔɔ syɛɛncanbèle myɛ wobile, koro ga pye mii í da Kirisi córomɔ fun lɔnɛʔɛri syɛɛnjóocànra nyuu syɛɛnfeleyi wozanya ma,

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.