Wɔrɔmi ye 11:10 - Cebaara Bible 2010

¹⁰ Ki n yɛlɛ pe nyapiigèle í tɔ́n koro ga pye pe a kɔ́ ra nyaagi í, pe kàdoyi si kòro woguruyo ní làrigèle myɛ ni.»

Wɔrɔmi ye 11:10 Iomraidhean Croise

Ŋúnuyi 69:22

Pe n yasorogo le mii yaliiri ni, lògbaʔa maa pye mii na, a be vinɛgiri kaan mii ma mii í gbaa.

Ŋúnuyi 69:23

Ki n yɛlɛ be tàbaliw í pye karinyanga pe yɛʔɛ̀ ma, pe ŋɔ́ndaali làla ni gee bee í pye pe mɛɛncolo!

Ezayi 51:23

Mii a li le bele kɔ́yɔ ni pe da ni mɔ wɔʔɔ lè, poro bele pe da ni gi nyuu mɔ ma lè níì jo: ‹Sínɛ mi fàbiga, wolo si sɔ̀lɔ!› Mɔ maa mɔ kadogi pye lǎli bee ni àmɛɛ tára nyɛ, ní àmɛɛ kàlari-kólogo nyɛ bele má be sɔ̀lɔ́ gi ni lè.»

Ezayi 65:12

mii a yele tórigo ŋɔséew ma, yele myɛ a yégunri cáan, pé yele kɔnɔgi. Níì cán mii n yeri, yele si ga syɔɔ í, mii n joo, yele si ga lóʔo í. Kàjáa a yele gi kpéʔele, gee gi pee mii nyɛ́nɛ na lè, yele n gi nyɛ́nɛ n wòlo, gee ki mii bɛɛn lè.»

Zakarii 11:17

Wɔʔɔli a pye nyùngo fun bànaʔaw na, woro wee wi bǎbèle wáa ni yaari lè! Ki n yɛlɛ ŋɔséew í nan wi kɔ́gi, ní wi kàliige nyapili na! Ki n yɛlɛ wi kɔ́gi í waʔa péw, wi kàliige nyapili í fùn táari!»

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

Wɔrɔmi ye 11:8

Amɛɛ gi sɛ́bɛ lè níì jo: «Kolocɔlɔɔ n be fúnyi tɔ́n, ní wɔ́ɔ̀ nyapiigèlē kaan be ma, gele ge lè pe o nyaagi ge ni í, níì líiweegéle kaan be ma, gele ge lè pe o lúro ge ni í, fwɔɔ n baa nan níjanʔa na.»

Efɛzi ye 4:18

Pe fúnyi i nyɛ yébilimɛ, pe kanaa-sìnjánmi ní be zɔ̀nniribèle báriga ni be kòro nibɔɔnnɔ sìíw kàbaan na, wee Kolocɔlɔɔ kaangi lè.

2 Pyɛri 2:17

Nǎnbèle bee i nyɛ àmɛɛ lɔ̀ʔɔ fun pùnweegéle nyɛ lè, ní wɔ́ɔ i nyɛ àmɛɛ fàfaanya nyɛ yee káfalakpɔʔɔ ŋɔrɔgi ni syée lè. Yébiliwɔɔlɔ si i yaà wogɔnnɔ ní be kánmi na.

2 Pyɛri 2:4

Níì cán nyɛ̀ʔɛni tundunbéle pe da kapeegèle kpéʔele lè, Kolocɔlɔɔ da be yaʔa sìnwɔʔɔ ni í, wi maa be wáa tɛɛwɔʔɔgi ni n yaʔa yaà yébiliwɔɔli wéecuruyo ni, kútiiw kánma na.

Zyudi 1:13

pe i nyɛ àmɛɛ sólomi lòkpɔʔɔ kungurukpoloyo nyɛ lè, pe i peyɛɛ fɛ̀ɛfɔnmi yirigi kàfugi na àmɛɛ lǒgi kùnguruyo kpáriga nyɛ lè, ní i nyɛ àmɛɛ ŋɔripiigèlē nyɛ, gele ge curugu ni máari lè, yébiliwɔɔlɔ tɛ́ʔɛ n sámaga n kwɔ́ɔ be kánmi na, pe a ba pye nɛɛ bee làla o làla!

Zyudi 1:6

Nyɛ̀ʔɛni tundunbéle be pye lè pe da kòro pe fǎngi ni í, níì pe tiimaa tɛɛkòrogi cée, a Kolocɔlɔɔ bànzánʔa yapwɔɔrɔ tɛ́ʔɛ n bele bee pwɔɔ n kɔn táàma yébiliwɔɔlɔ tɛ́ʔɛ ni cângbɔɔgi kútii kánma na.