Wɔrɔmi ye 11:1 - Cebaara Bible 2010

¹ A gee bee jo lé Kolocɔlɔɔ n Isirayɛli ye cée? Eʔe dɛ! Níì cán mii tiimaa i nyɛ Isirayɛli ye wówaa, mii i nyɛ Abirahami yòdaʔagaa, ní wɔ́ɔ i nyɛ Bɛnzyamɛ ye wówaa.

Wɔrɔmi ye 11:1 Iomraidhean Croise

2 Fànʔafɔbèle 23:27

A Yawe jo: «Mii a wɔ́ɔ Zyuda yirige yaà niyɛɛ yɛ́ʔɛ ma, àmɛɛ mii Isirayɛli yirige lè niyɛɛ yɛ́ʔɛ ma. Kěgee mii nyɛ́nɛ n wòlo lè gee, ki lè Zyerusalɛmi, ní kpáagee kéele na mii da gi joo lè níì jo: ‹Beè mii mɛ́ɛgi a pye,› mii a kěgi bee ní kpáagi bee wáa.»

Ŋúnuyi 77:7

Mii i sɔ̀ngí ni taagi mii tamani ŋúnugo na yébiligi ni, mii i sɔ̀ngí mii fúngi ni, mii pǐli i sɛʔɛwelele kpéʔele.

Ŋúnuyi 94:14

Níì cán Yawe a tée wi syɛ́ɛnbèle yaʔa í, wi a tée wi kɔ́rigi wáa bi yaʔa í.

Oze sɛ́bɛw 9:17

Mii Kolocɔlɔw a be cée, níì cán pe ga lóʔo wi ma í, pe a ra curugu da máari syɛɛnfeleyi nínge ni.

Luki 20:16

Wi a lúru pan ba ɛrɛzɛn sefalabèle bee kpóo si ségi kàlifáa pèle nikwɔɔlɔ ma.» Lǎli ni syɛ́ɛnbèle syɛ́ɛnri bee lóʔo lè, a be jo: «Gee bee ga yɛlɛ gi kpéʔele nyáana í.»

Kapyegèle 22:3

«Mii i nyɛ Zyefuwaa, pe n mii see Tarisi ni, Silisii tári ni. Kěgi naa si ni mii baa lɛɛ, Gamaliyɛliwi mii tama wolo tóolɛɛbèle làlwa kpéʔelevorolo na. Mii fúngi myɛ maa pye Kolocɔlɔɔ kàbangi na àmɛɛ yele myɛ nyɛ lè níjanʔa.

Kapyegèle 26:4

Nlaa mii yìri lè wojáriɔ ní Zyefubèle myɛ n mii tánʔaganmi cán, níì cán Zyerusalɛmi ni mii lɛɛ mii felegefɔ-nyɛ́nbèle nínge ni.

Wɔrɔmi ye 11:11

A gee bee jo lé Isirayɛli ye n kpírige n too bi kálagi wii láà? Eʔe dɛ! Kàjáa pe kapeebyeri di pye sábabu, á syɛɛnfeleyi wozanya baa syɔɔli taa, koro ga pye yi kayaagi í pye Isirayɛli ye na.

Wɔrɔmi ye 3:4

Eʔe dɛ! Alí syɛ́ɛnbèle myɛ ga pye jànvaafɔɔlɔ, ki n yɛlɛ pe gi cán Kolocɔlɔɔ a sèʔé pye kányɛɛgi joofɔlɔ làrigèle myɛ ni, àmɛɛ gi sɛ́bɛ lè níì jo: «Mɔ ga ni nyuu lǎlee ni lè, ki n yɛlɛ pe gi cán mɔ tánʔa i nyɛ poro na, ní pe ga ni kútiiw nyuu ní mɔ ní lǎlee ni lè, ki n yɛlɛ mɔ í joo bi be jáa.»

Wɔrɔmi ye 9:3

Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na.

2 Korɛnti ye 11:22

A be i nyɛ lé Heburubèle pèle? Mii wɔ́ɔ i nyɛ poro wàa. A be i nyɛ lé Isirayɛli ye wóbèle pèle? Mii wɔ́ɔ i nyɛ poro wàa. A be i nyɛ lé Abirahami yòdaʔaya? Anbée mii wɔ́ɔ̄ nyɛ.

Filipikaʔa ye 3:5

pe mii see lè, a ki ga pye canya kɔrɔtaanri wógi na, a be mii kɛ́nɛw kpéʔele, mii i nyɛ Isirayɛli syɛɛnfelegaa, Bɛnzyamɛ yòdaʔayi ni, mii i nyɛ Heburuseeo. Gee gi Mowizi làlwaw kôdanʔara kwɔ́ɔ lè, mii maa pye Farisio.

1 Samyɛli 12:22

Yawe a wi syɛ́ɛnbèle yaʔa í wi mɛ́ɛkpɔɔgi kéele na. Níì cán ki n Yawe dɛ́nɛ a wi yele kpéʔele woro syɛ̀ɛnnɛ.