Wɔrɔmi ye 10:9 - Cebaara Bible 2010

⁹ Ní mɔ ga ni gi fíligi ni nyuu mɔ nyɔ́ɔgi ni níì jo «Zyezu wi nyɛ Kàfɔw,» ní wɔ́ɔ̀ tága gi na mɔ fúngi ni ncan Kolocɔlɔɔ n wi nyán n yirige kúbèle nínge ni, mɔ a syɔɔ.

Wɔrɔmi ye 10:9 Iomraidhean Croise

Luki 12:8

«Mii a gi joo yele ma, syɔ́ɔnwee faala wi ga fɔ̀lɔ mii na lè syɛ́ɛnbèle nyɛ́nɛ na, Syɔɔn-pya a wɔ́ɔ fɔ̀lɔ wee bee na Kolocɔlɔɔ tundunbèle nyɛ́nɛ na.

Zyan 9:22

(Wi seefɔbèle maa fyáa Zyefubèle na koro na pe da dee bee joo, níì cán Zyefubèle maa joo n bɛ̀ɛ gi na níì jo, syɔ́ɔnwee wi ga gi joo lè níì jo Zyezu wi nyɛ Kirisi, pe a wee bee nɛnɛ sérikpaagi na.

Kapyegèle 16:31

A be wi pye: «Mi tága Kàfɔw Zyezu na, mɔ a syɔɔ ní mɔ kpáagi wòolo ní.»

Kapyegèle 2:24

Kàjáa Kolocɔlɔɔ n wi syɔɔ kùúw yáama ma àmɛɛ wi wi nyán n yirige lè. Níì cán kùúw da pye bi gbǎn fànʔa taa wi na í.

Kapyegèle 2:32

Kolocɔlɔɔ n Zyezuw bee nyán. Wolo myɛ i nyɛ gee bee séerabéle.

Kapyegèle 8:36

A pe ga ni syée kólogi na n sáà nan lògaa na, a nìgbɛɛnnanw jo: «Wéle, lògaa gi gee. Nyàʔá ki a ní mii yérige batɛmiw kpéʔelele na?»

Wɔrɔmi ye 10:10

Níì cán syɔɔn ga tága wi fúngi ni, wi n sínni taa, wi ga ni gi fíligi ni nyuu wi nyɔ́ɔgi ni, wi n syɔɔli taa,

Wɔrɔmi ye 14:11

Níì cán ki n sɛ́bɛ níì jo: «Kàfɔw n jo: ‹Amɛɛ gi nyɛ lè kányɛʔɛ mii i nyɛ sìi na, ànbée gi wɔ́ɔ̄ nyɛ kányɛʔɛ syɛ́ɛnbèle myɛ a ba kpùmɔnɔ mii taana. Pe myɛ a ra Kolocɔlɔɔ kpɔ̀ʔɔrɔ́ ní be nyɔ́ɔyi ní.› »

Wɔrɔmi ye 14:9

Níì cán Kirisi n kùu níì nyán n pye sìi na jàngó bi pye kúbèle ní niweebèle myɛ Kàfɔlɔ.

Wɔrɔmi ye 4:24

Ki maa wɔ́ɔ̀ sɛ́bɛ wolo kéeli na níì jo ki a wɔ́ɔ córo wolo ma, wolo bele wo tága wi na lè wee wi wolo Kàfɔw Zyezu nyán n yirige lè kúbèle nínge ni.

Wɔrɔmi ye 8:34

Ba wìí wi a kálagili kútii kúun be na? Níì cán Kirisi Zyezu wi kùu. Koro yagana si ban í, ncan wi n nyán n pye sìi na, ní sáà tɛ́ɛn Kolocɔlɔɔ kàliige ma, ní i nyɛ́ɛri wolo kéeli na!

1 Korɛnti ye 12:3

Gee bee na mii a gi joo fílige yele ma si yele pye syɔɔn o syɔɔn wi nyuu Kolocɔlɔɔ Pǐli báriga ni lè, wi a fɔ̀lɔ́ jo, «Zyezu n dánga» í. Wàa faala a wɔ́ɔ gbǎn jo, «Zyezu wi nyɛ Kàfɔw» í, kapye Pìicǎnni báriga ni ban í.

Filipikaʔa ye 2:11

pe myɛ si yére gi ni bi jo Zyezu Kirisi wi nyɛ Kàfɔw, gee bee a nìjangbɔɔri taʔa Tofɔw Kolocɔlɔɔ na.

1 Pyɛri 1:21

Woro bárigaw ni yele tága Kolocɔlɔɔ na, woro wee wi wi nyán n yirige kúbèle nínge ni lè, níì nìjangbɔɔri taʔa wi na, a koro gi kaan a yele tága Kolocɔlɔɔ na níì yele sɔ̀ngumi taʔa wi na.

1 Zyan 4:15

Syɔ́ɔnwee ga gi fílige n joo lè níì jo Zyezu wi nyɛ Kolocɔlɔɔ Jáaw, Kolocɔlɔɔ i nyɛ wee bee ni, wee bee si wɔ́ɔ i nyɛ Kolocɔlɔɔ ni.

2 Zyan 1:7

Jànvaafɔɔlɔ saʔa n cariga dulunyanw ni, poro bele be nyɛ lè pe ga yére gi ni n jo Zyezu Kirisi n pan cere ni lè í. Syɔ́ɔnwee wi ga pye ànbée lè, wee bee wi nyɛ jànvaafɔw, ní Kirisi nigoow.