Wɔrɔmi ye 10:6 - Cebaara Bible 2010

⁶ Sínlee si li taagi tágali báriga ni lè, loro syɛ́ɛnri di nyɛ dee naa, ti n jo: «Mɔ a kɔ́ gi joo mɔ fúngi ni si jo, wìí wi a lúgu bi kári nyɛ̀ʔɛni na í?» Syɛ́ɛnri bee kɔ́rɔ wi nyɛ bi sa Kirisi tìrige naa.

Wɔrɔmi ye 10:6 Iomraidhean Croise

Kàseegèle 30:4

Wìí wi lúgu n kári nyɛ̀ʔɛni na níì yìri yaà n tìgi naa? Wìí syɔ́ɔn wi káfalagi kùru n cò wi kágungèle ni? Wìí wi lǒyi pwɔɔ wi búrogi ni? Wìí wi tári tɛɛ̀laʔagéle myɛ kúun? Mɛ̀ɛ́ pe wi mɛ́ɛgi yiri, ní mɛ̀ɛ́ pe wi jáaw mɛ́ʔɛ yiri, kapye mɔ n wi cán?

Zyan 6:33

Níì cán búruwee wi yìri nyɛ̀ʔɛni na lè n tìgi naa, wee bee wi nyɛ Kolocɔlɔɔ wów, woro si wi sìíw kaangi dulunyanw syɛ̀ɛnnɛ ma.»

Zyan 6:38

Níì cán mii ga yìri nyɛ̀ʔɛni na n tìgi naa tári na mii nyɛ́nɛ kéele na í, mii Tunvɔw nyɛ́nɛ kéele na mii tìgi naa.

Zyan 6:58

Búruwee wi yìri nyɛ̀ʔɛni na n tìgi naa lè woro wi nyɛ wee naa. Wi félegi o nyɛ àmɛɛ yele tóolɛɛbèle wóo da pye lè í, ncan pe maa ni wee bee líi ní sèʔé baa kùu. Kàjáa syɔ́ɔnwee wi ga búruw naa lìi lè, wee bee fɔ́lɔ a sìi taa, sìíwee wi nyɛ lè wi a kwɔ́ɔ bi nyaa í.»

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

Wɔrɔmi ye 3:25

Woro Kolocɔlɔɔ yirige n wòlo sáriga, koro ga pye bele pe ga tága wi na lè, bele bee kapeegéle kusulugo í gbǎn taa syɔɔ wi sìsyaanw wolo báriga ni, Kolocɔlɔɔ n gee bee kpéʔele bi woro sínni tɛ̀ɛn. Níì cán booma ni wi maa ni kpàracogo kpéʔele syɛ́ɛnbèle kapeegéle kéele na,

Wɔrɔmi ye 4:13

Kolocɔlɔɔ maa wi nyɔ́ɔgi fàli Abirahami ma ní wi yòdaʔayi ní níì jo wi a ba pye dulunyanw kɔriliio, Kolocɔlɔɔ ga nyɔɔfaligi bee kpéʔele Abirahami ma Mowizi làlwaw báriga ni í, wi n gi kpéʔele wi ma sínni báriga ni, lee wi córo wi ma lè wi tágali kéele na.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Heburubèle 1:3

Jaafɔw bee wi nyɛ lè Kolocɔlɔɔ nìjangbɔɔri darigala, ní wi niwiriw, wi bárigaw syɛ́ɛnrɛ n dulunyanw yárira myɛ tɔʔɔ n yérige. Lǎli ni wi kapeegèle jéemununɔ kpéʔele n kwɔ́ɔ lè, a wi sáà tɛ́ɛn nyɛ̀ʔɛni ni, Nìjangbɔɔri Fɔ́lɔ kàliige ma.

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.