Wɔrɔmi ye 10:5 - Cebaara Bible 2010

⁵ Mowizi maa gi sɛ́bɛ níì jo: «Syɔ́ɔnwee wi làlwaw kasingéle myɛ kpéʔele lè, wi a sìi taa ke bárigaw ni.»

Wɔrɔmi ye 10:5 Iomraidhean Croise

Nehemii 9:29

Mɔ n be sàmi jàngó pe ní lúru pan mɔ làlwaw ma, kàjáa a be nɛ̀ɛnyɛnɛgɛ kpéʔele, pe ga fɔ̀lɔ mɔ kajoodɛɛngèle na í. Pe n kapeele pye mɔ làlwaw kajoogéle na, koro gele ge sìi kaangi bele ma pe ge có lè. Pe n bòʔogèle nyɛ́ʔɛ níì céemɛ kpéʔele, pe ga fɔ̀lɔ n lóʔo í.

Ezayi 55:3

Ye líiyi cáan, yáā maa mii ma, ye lóʔo, yele pìígèle a sìi taa. Mii a bàngwɔɔ joogaanna kpéʔele ní yele ní, kacǎnyi nyɔ́ɔ mii fàli Davidi ma lè, mii a yi foro.

Ezekyɛli 20:11

A mii mii làlwaw kèlē kaan be ma, ní wɔ́ɔ̀ mii kajoodɛɛngèle tɛ̀ɛn be na, gele syɔɔn yɛlɛ bàā kpéʔele lè, koro ga pye bi kòro sìi na ke bárigaw ni.

Ezekyɛli 20:13

Kàjáa Isirayɛli kpáagi wòolo n céemɛ le peyɛɛ ni mii kánmi na fìími tára ni. Pe ga taʔa mii làlwaw kèlē na í, pe n mii kajoodɛɛngèle cée, gele syɔɔn yɛlɛ bàā kpéʔele lè si kòro sìi na ke bárigaw ni, níì kòro ni mii cândɛnɛyi kálagi sìnlaʔa ni. A gi si jée mii sɔ̀nguri ni bi mii fundanʔagbɔɔri yàli be na fìími tára ni bi be kálagi kwɔ́ɔ.

Ezekyɛli 20:21

Kàjáa a jaafɔbèle peyɛɛ bye niceebéle mii kàbangi na. Pe ga peyɛɛ daʔa mii làlwaw kèlē na í, pe ga mii kajoodɛɛngèle cò í, pe wɔ́ɔ o ge kpéʔele í, gele syɔɔn yɛlɛ bàā kpéʔele lè jàngó bi kòro sìi na ke bárigaw ni. Pe i mii cândɛnɛyi kálagi. A gi si jée mii sɔ̀nguri ni bi mii fundanʔagbɔɔri yàli be na, bi mii fundanʔari kpéʔele foro be na fìími tára ni.

Levii ye sáriga-wòlori 18:5

Ye mii kakɔrirɔgèle, ní mii làlwaw kajoogéle sámaga ye cò. Syɔ́ɔnwee wi ga ni gele bee kpéʔele lè, wi a sìi taa ke bárigaw ni. Mii wi nyɛ Yawe.

Wɔrɔmi ye 7:10

Tundunri ti da kaan lè sìíw kéele na, a dee bee si baa pye mii ma kùúw sábabu.

Galasi ye 3:12

Làlwaw nyúngo si ban gi nyɛ tágali í, àmɛɛ gi jo lè: «Wee wi làlwaw kapyegèlē forogi lè woro a sìi taa ke bárigaw ni.»

Làlwaw Kaanziin 4:1

«Tɔ́ɔliw ni, Isirayɛli, làlwaw kèlē ní kajoodɛɛngèle lóʔo, gele na mii a mɔ tama lè, máā ge kpéʔele, jàngó yele í kòro sìi na si jée tári ni bi di syɔɔ taa, dee Yawe yele tóolɛɛbèle Kolocɔlɔɔ kaan yele ma lè.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.