Wɔrɔmi ye 10:4 - Cebaara Bible 2010

⁴ Níì cán Kirisi n baa pye Mowizi làlwaw kwɔ́ɔfɔlɔ, koro ga pye bele myɛ be tága woro na lè, poro í sínni taa.

Wɔrɔmi ye 10:4 Iomraidhean Croise

Ezayi 53:11

Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.

Córolo 7:15

ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

Matye 3:15

A Zyezu wi yari: «Mi fɔ̀lɔ gi na tɔ́ɔliw ni, níì cán kánmi bee na wolo yɛlɛ wolo í gi kpéʔele bi sínni kèlē myɛ foro.» A Zyan náà fɔ̀lɔ gi na.

Zyan 1:17

Níì cán Mowizi wi da làlwaw kaan wo ma, á Zyezu Kirisi si baa kpɔ́ʔɔri ní kányɛɛgi kaan wo ma.

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

Galasi ye 3:24

Kánmi bee na làlwaw bee da pye wolo tamafɔw bi wolo tórigo Kirisi ma koro ga pye wolo í sínni taa tágali báriga ni.

Galasi ye 4:5

koro ga pye bele pe da pye lè làlwaw kôdanʔabéle, wi be syɔɔ jàngó wolo í pye Kolocɔlɔɔ jàala.

Kɔlɔsi ye 2:10

Kirisi wi tɛ́ɛn lè fǎnyi, ní séew myɛ nyúngo na, Kolocɔlɔɔ n yele nyìn n foro wi ni.

Kɔlɔsi ye 2:17

Kérigèle bee i nyɛ gele kànyingéle gele ge maa lè, Kirisi kéeli si li nyɛ wodeeli.

Heburubèle 10:14

Níì cán bele wi jé ni mùú ni yaari Kolocɔlɔɔ ma lè, wi n bele bee sín n foro bàngwɔɔ yakaangi nibin báriga ni.