Wɔrɔmi ye 10:3 - Cebaara Bible 2010

³ Pe ga Kolocɔlɔɔ sínni cán í, ní i ŋàʔaná bi peyɛɛ gbéʔele syɛɛnsinbéle, gee bee na pe ga fɔ̀lɔ n peyɛɛ gaan Kolocɔlɔɔ ma wi poro sín í.

Wɔrɔmi ye 10:3 Iomraidhean Croise

Nehemii 9:33

Gee myɛ gi wolo taa lè, mɔ n sín gi ni. Níì cán mɔ n tánʔa kányɛɛgi na, á wolo si kapeʔe pye.

Zyɔbi 33:27

Wi i ŋúu syɛ́ɛnbèle nyɛ́nɛ na níì jo: ‹Mii n kapeele pye, mii n námara pye kútiisinw kéele na, Kolocɔlɔɔ si ga gi kpéʔele mii na n yɛlɛ ní mii kolomi ní í.

Ŋúnuyi 71:19

Ee Kolocɔlɔɔ, mɔ sínni kéele n yìri fwɔɔ n nan nyɛ̀ʔɛni na, mɔ n kakpoloyo kpéʔele, ee Kolocɔlɔɔ, wìí wi nyɛ mɔ félege?

Ezayi 51:1

«Yele bele ye yeyɛɛ daʔa sínni na lè, ní i Yawe caa, ye lóʔo mii ma! Yaa wéle fálagi ma gee ni yele tan n yirige lè, wéegee fúngo ni pe yele yirige lè, yaa wéle koro ma.

Ezayi 51:6

Ye nyapiigèle yìrige yaa nyɛ̀ʔɛni wéle, yé ní wéle táàma tári na! Níì cán nyɛ̀ʔɛni a cariga bi kwɔ́ɔ àmɛɛ wírige nyɛ lè, tári si yɛ́rɛ àmɛɛ burogo nyɛ lè, di tɛ́ɛnfɔbèle si kùu àmɛɛ sísyɔɔnrɔ nyɛ lè. Kàjáa syɔɔli mii kaangi lè, li a kòro beè bàngwɔɔ, mii sínni a tée kwɔ́ɔ í.

Ezayi 51:8

Níì cán káfyaanw a ba be kálagi bi kwɔ́ɔ àmɛɛ burogo nyɛ lè, dɔ́nw a be lìi àmɛɛ bàsiire nyɛ lè. Kàjáa mii sínni a pye bàngwɔɔ wólo, syɔɔli mii kaangi lè, li a kòro beè yìrigèle myɛ syɛ̀ɛnnɛ ma.»

Ezayi 56:1

Yawe wi syɛ́ɛnri naa joo níì jo: «Gee gi sín lè, yaa koro jàtée, yaa sínni kèlē kpéʔele. Níì cán cɛɛri ga pye syɔɔli mii kaangi lè, li a nan naa, mii sínni si liyɛɛ dɛ̀ɛn.

Ezayi 57:12

Mii a mɔ sínni, ní mɔ kapyegèle joo bi tɛ̀ɛn, ke si a yafyɛn nyɔɔ mɔ na í.

Ezayi 64:6

Syɔɔn faala o yaà, wee wi mɔ mɛ́ɛgi yiri lè í, wàlá wee wi yìri ŋúnɔmi na bi wiyɛɛ daʔa mɔ na lè í, níì cán mɔ n mɔ yɛ́ɛgi làriga wolo na, mɔ n wolo le wolo kolomi kèlē fanʔa kɔ́yɔ ni.

Kayaagi Nyɛnigɛ 3:22

Koro gi nyɛ àmɛɛ Yawe funjǎngi nyɛ lè ki ga kwɔ́ɔ í, wi nyinidaari si ga wɔ́ɔ̀ nan ti tɛɛ̀laʔali na í.

Danyɛli 9:24

Cégboʔolo togoye taanri ní kpɔrigɔ n tɛ́ʔɛ mɔ syɛ́ɛnbèle ní mɔ kecangi kéele na, bi làlwaw céele yérige, si kapeegèle kwɔ́ɔ, bi sìnzinmi kapeele kusulugo fáli kpéʔele, si pan ní bàngwɔɔ sínni ní, bi ba yanyaagi ní kanyaajoobèle syɛ́ɛnrɛ foro, si sǐnmi wo Tɛɛcàndelegi na.

Levii ye sáriga-wòlori 26:41

mii si a wɔ́ɔ ra cáan ní be ní, si be tórigo pe nigoobèle tára ma. Lǎli bee ni pe sìngɛ́nɛ fúnyi a yiyɛɛ jɛ́rɛ, pé be kolomi fwɔ́ɔlɔ tɔ́n.

Luki 10:29

Kàjáa nǎnw bee maa ni caa bi tànʔa kaan wiyɛɛ ma. Gee bee na wi Zyezu pye: «Wìí si wi déē nyɛ mii syɛɛnnyɛnw?»

Luki 16:15

A wi be pye: «Bele be tànʔa kaangi peyɛɛ ma syɛ́ɛnbèle nyɛ́nɛ na lè, poro be nyɛ yele. Kàjáa Kolocɔlɔɔ n yele fúnyi cán. Níì cán kéelee li líbe lè syɛ́ɛnbèle nyɛ́nɛ na, lee bee i Kolocɔlɔɔ níma.

Wɔrɔmi ye 1:17

Níì cán Syɛɛnjóocǎnri di sínni tèé, lee li taagi lè Kolocɔlɔɔ ma, ní i taagi tágali yagana báriga ni, àmɛɛ Kolocɔlɔɔ syɛɛnsɛbɛri gi joo lè níì jo: «Syɛɛnsinw a sìi taa tágali báriga ni.»

Wɔrɔmi ye 10:2

Níì cán mii i nyɛ be séera ncan Kolocɔlɔɔ kéeli i nyɛ be fúnyi ni, kàjáa pe ga gi sícilimi cán í.

Wɔrɔmi ye 10:20

Ezayi maa tɔ̀nɔ n soro n gi joo níì jo: «Bele be lè pe da ni mii caa í, bele bee n mii nyaa, bele be lè pe da ni mii kéeli yíbe í, mii n niyɛɛ dɛ̀ɛn bele bee na.»

Wɔrɔmi ye 11:7

Mɛ̀ɛ́ si gi nyɛ? Gee Isirayɛli ye da ni caa lè, pe ga gi taa í, á Kolocɔlɔɔ wonyɛnɛ-wòlobèle si gi taa, á wozanbèle fúnyo tɔ́n be na.

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

Wɔrɔmi ye 3:26

koro ga pye bi woro sínni tɛ̀ɛn tɔ́ɔliw naa ni àmɛɛ woro tiimaa sín lè ní i sínni kaangi bele ma be tági Zyezu na lè.

Wɔrɔmi ye 5:19

Níì cán àmɛɛ syɔɔn nibin sìnloʔomɔ syɛ̀ɛnnɛ saʔa kaan lè a be baa pye kapeebyebèlē, kánmi bee wonijanma na syɔɔn nibin lóʔolo a syɛ̀ɛnnɛ saʔa kaan pe ba pye syɛɛnsinbéle.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Làlwaw Kaanziin 6:25

Gee ki a pye wolo ma lè sínni, koro gi nyɛ wolo í kajoodɛɛngèle bee myɛ sámaga cò sáā ge kpéʔele Yawe wolo Kolocɔlɔw yɛ́ʔɛ ma, bi yɛlɛ ní gi ní àmɛɛ wi gi joo n gbàn wolo ma lè.›

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.