Wɔrɔmi ye 10:2 - Cebaara Bible 2010

² Níì cán mii i nyɛ be séera ncan Kolocɔlɔɔ kéeli i nyɛ be fúnyi ni, kàjáa pe ga gi sícilimi cán í.

Wɔrɔmi ye 10:2 Iomraidhean Croise

2 Fànʔafɔbèle 10:16

A wi wi pye: «Pínɛ ní mii ní mi sa gi wéle kánmee na Yawe kéeli tàmaga kpɔ́ʔɔ mii ni n sɛ́ɛ lè.» A wi kári ní wi ní woro wòtorow ni.

Ŋúnuyi 14:4

Kakolobyebèle ga yarigaa cán wii ì, poro bele be mii syɛ́ɛnbèle káa àmɛɛ be búru káa lè? Pe o Yawe mɛ́ɛgi yiri í.

Kàseegèle 19:2

Bi lòmaana le keele kpéʔelele ni cánna fun ni, koro ga nyɔɔ syɔɔn faala ma í, wee tɔ́lɔyɔ yi wári lè, wi i tuun kapeele ni.

Ezayi 27:1

Cángi bee na Yawe ŋɔséew wi gbàn lè níì tɔnɔ níì nìri, wi a woro tɛ́ʔɛ bi Levyatanw kpúmɔn, wàbigi gi fé lè, Levyatanw, wi lè námara wàbigi. Wi a yaweekpɔɔgi kpóo, ki nyɛ lè sólomi lɔ̀ʔɔ ni.

Zyan 16:2

Pe a kɔ́ ra yele nɛnɛ be sérikpaayi na. Alí làlaa a kɔ́ ba pye syɔɔnwaa ga yele wàa taa n kpóo, wee bee a ra sɔ̀ngí Kolocɔlɔɔ fáli woro kpéʔele nya.

Kapyegèle 21:20

A pe ga syɛ́ɛnri bee lóʔo, a be Kolocɔlɔɔ kpɔ̀ʔɔrɔ ní náà Pɔli pye: «Wolo senyɛnw, wéle, Zyefu-syɛ́ɛnmi bi tága lè, pi n tɔ̀nɔ n nɛʔɛ n sirakamayɛ kánmaa kwɔ́ɔ, Mowizi làlwaw kéele si i nyɛ pe myɛ fúnyo ni.

Kapyegèle 21:28

ní i yákpogèle wáa níì jo: «Yele Isirayɛli ye, ye ba wolo dɛ̀ɛmɛ! Nǎnwee wi da ni nyuu lè syɛ́ɛnbèle myɛ ma tɛ́ɛyi myɛ ni ní i syɛɛnpeeri nyuu ni wáa wolo syɛ́ɛnbèle na, n fàra Mowizi làlwaw, ní tɛ́ɛgi naa na, woro wi wee. Alí wi maa wɔ́ɔ̀ Girɛkibèle pèle kɔ́ri n baa jée kpɔ̀ʔɔrɔli kpaʔa ni n tɛɛcǎngi naa nɔ́nʔɔ.»

Kapyegèle 22:22

Syɛ́ɛnbèle maa ni Pɔli syɛ́ɛnri lúro n taa n baa nan syɛɛnfeleyi kéele na. Lǎli ni wi syɛɛnfeleyi kéele joo lè, a be i yákpogèle wáa níì jo: «Nǎnw naa félege n yɛlɛ pe wi yirige tári ni! Wi ga yɛlɛ wi ní kòro sìi na í!»

Kapyegèle 22:3

«Mii i nyɛ Zyefuwaa, pe n mii see Tarisi ni, Silisii tári ni. Kěgi naa si ni mii baa lɛɛ, Gamaliyɛliwi mii tama wolo tóolɛɛbèle làlwa kpéʔelevorolo na. Mii fúngi myɛ maa pye Kolocɔlɔɔ kàbangi na àmɛɛ yele myɛ nyɛ lè níjanʔa.

Wɔrɔmi ye 10:1

Ni senyɛ̀nnɛ, gee mii caa lè mii fúngi ni gbanʔama, ní gee mii nyɛ́ɛri Kolocɔlɔɔ ma Isirayɛli ye kéeli na lè, koro gi nyɛ be taa syɔɔ.

Wɔrɔmi ye 10:3

Pe ga Kolocɔlɔɔ sínni cán í, ní i ŋàʔaná bi peyɛɛ gbéʔele syɛɛnsinbéle, gee bee na pe ga fɔ̀lɔ n peyɛɛ gaan Kolocɔlɔɔ ma wi poro sín í.

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

2 Korɛnti ye 8:3

Mii i nyɛ be séera bi gi tɛ̀ɛn yele na, ncan pe n kaan n yɛlɛ ní be taaganmi ní, àlí pe n kaan n sɔ̀lɔ gee bee na, àmɛɛ gi pye lè be tiimaa fúnyi ni bi kaan,

Galasi ye 1:14

Mii maa ni syée yɛʔɛ̀ ma Zyefubèle sérikologo ni n sɔ̀lɔ mii felegefɔ-nyɛ́nbèle saʔa na, be nyɛ lè mii kàdanbèle, níì cán mii maa niyɛɛ gaan mii tóolɛɛbèle kalɛɛgéle ma n sɔ̀lɔ.

Galasi ye 4:15

Sán si yele fundaanri bee nyɛ? Níì cán mii i gi séeraw kpéʔele yele kéeli na níì jo, kapye ki a dée gbǎn pye, yele mǎà dée yele tiimaa nyapiigèle wòlo bi kaan mii ma.

Filipikaʔa ye 1:9

Gee mii nyɛ́ɛri lè, koro gi gee naa, ki n yɛlɛ kàa í sèʔé ra taari yele tàmagi na kaa kpɔ́ʔɔgi gbanʔama kérigèle cánna ní sícilimi myɛ ni,

Filipikaʔa ye 3:6

Mii fúngi myɛ maa tɔ̀nɔ n pye Egiliziw wɔʔɔlɔ kurugo. Gee gi sínni taala kwɔ́ɔ lè n yɛlɛ ní làlwaw syɛ́ɛnrɛ ní, mii maa pye kajoolo fun.

Kɔlɔsi ye 4:13

Mii i nyɛ wi séera ncan yele kéeli n tɔ̀nɔ n wári wi na gbanʔama n fàra Lawodise ye, ní Hirapolisi ye kéeli na.