Wɔrɔmi ye 10:16 - Cebaara Bible 2010

¹⁶ Kàjáa syɛ́ɛnbèle myɛ ga fɔ̀lɔ Syɛɛnjóocǎnri na í. Gee bee na Ezayi da gi sɛ́bɛ níì jo: «Kàfɔw, dee wolo joo lè, wìí wi di lóʔo wolo ma níì tága di na?»

Wɔrɔmi ye 10:16 Iomraidhean Croise

Ezayi 50:10

Wìí syɔ́ɔn wi fɛ̀ɛgí yele ni Yawe na, ní i lúro wi falipyew ma? Wee wi táanri yébilimi ni lè, gbɛ̀ɛnmɛ si o nyɛ wi ma í, ki n yɛlɛ wi wiyɛɛ daʔa Yawe mɛ́ɛgi na, wi wiyɛɛ zígi wi Kolocɔlɔw na.

Ezayi 53:1

Gee ki da joo wolo ma lè, wìí wi tága gi na? Ba wìí syɔ́ɔn na Yawe kɔ́gi kiyɛɛ dɛ̀ɛn?

Matye 13:14

Ezayi kanyaajoori n foro be na, dee wi da joo lè níì jo: ‹Yele a kɔ́ ba ra gi lúro, yele si a ra gi kɔ́rɔw cángi í. Yele a kɔ́ ba ra wéle, yele si a ra nyaagi í.

Zyan 10:26

Yele si ga sèʔê tága í, níì cán yele o nyɛ mii bàala í.

Kapyegèle 28:24

A be pèle tága wi syɛ́ɛnri joolo báriga ni, pèle si ga tága í.

Wɔrɔmi ye 1:5

Woro bárigaw ni Kolocɔlɔɔ kpɔ́ʔɔri kaan wolo ma, ní wɔ́ɔ̀ wolo kpéʔele pìitunbéle wi mɛ́ɛgi kéele na, koro ga pye syɛ́ɛnbèle pèle í da tági syɛɛnfeleyi myɛ ni sáā lúro wi ma,

Wɔrɔmi ye 11:17

Amɛɛ si gi nyɛ lè mɔ a jo pe n káganyaa cɛnɛ n láʔala olivyew tiicɔ́rɔgɔ na, mɔ wee wi nyɛ lè sìnbirigi olivye tíige káganga, á be mɔ pwɔɔ n táriga tiicɔ́rɔgi káganya nínge ni, a mɔ baa taa ni gbo ki nǐnri lɔ̀ʔɔ na,

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

Wɔrɔmi ye 2:8

Kàjáa bele fundaaya yi be kíle ni syée pe nyɛnɛ kérigèle kurugo lè, pe si tée o yèré kányɛɛgi ni lè í, níì kòro pe kakolobyeri na ni kpéʔele lè, Kolocɔlɔɔ fundanʔari ní wi kayaagi a ba too bele bee na.

Wɔrɔmi ye 3:3

Ki ga pye poro pèle o nyɛ tágala syɛɛnnɛ í, a gee bee a gbǎn Kolocɔlɔɔ kàriga lé wi a ní pye tágala syɔ́ɔn í?

Wɔrɔmi ye 6:17

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní.

Galasi ye 3:1

Ee, Galasi ye, yele n labala n tóro! Wìí wi yele fáana n pùuni nya? Bi gi taa wolo maa Zyezu Kirisi kéeli fílige n tɛ̀ɛn yele na, mɔ a jo pe n wi kóri tiiparigi na yele nyɛ́nɛ na.

Galasi ye 5:7

Yele maa ni fé cama, wìí si wi baa yele yérige kányɛɛgi lóʔolo na?

2 Tesaloniki ye 1:8

pe a tìgi ní naanyìnge ní bi ba Kolocɔlɔɔ téefɔbèle ní wo Kàfɔw Zyezu Syɛɛnjóocǎnri céefɔɔlɔ wɔʔɔ.

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Heburubèle 4:2

Níì cán àmɛɛ bele bee da Syɛɛnjóocǎnri lóʔo lè, kánmi bee na wolo wɔ́ɔ̄ di lúro. Kàjáa ti lóʔoli da pye ní tɔ̀nɔ ní be ma í, níì cán ti lóʔofɔbèle da tága di na í.

Heburubèle 5:9

Amɛɛ si Kolocɔlɔɔ wi sámaga n foro lè, a wi baa pye bàngwɔɔ syɔɔlɔ sábabu bele myɛ ma be lúro wi ma lè.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Pyɛri 2:8

ní i nyɛ: «Kàdɛnɛgɛ, gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè.» Amɛɛ gi nyɛ lè pe ga fɔ̀lɔ ni yèré Kolocɔlɔɔ syɛ́ɛnri ni í, koro na be kpírigi, gee bee si ki da kɔ̀rirɔ n kpéʔele be kánmi na.

1 Pyɛri 3:1

Kánmi bee na, yele cébèle, ki n yɛlɛ yaa lúro yele nǎnbèle ma, jàngó yele wàa nàɔn ga pye wi ga fɔ̀lɔ bi yére Kolocɔlɔɔ syɛ́ɛnri ni í, wi céw nàʔama í pye sábabu wí taa syɔɔ, àlí syɛɛnrɛ sinjoo ni wi ma,