Wɔrɔmi ye 10:12 - Cebaara Bible 2010

¹² Wàlima o nyɛ Zyefubèle ní syɛɛnfeleyi wozanya nínge ni í, níì cán Kàfɔlɔ nibin wi nyɛ pe myɛ nyúngo na, bele be wi mɛ́ɛgi yiri lè, wi i nyɛ yarigaa fɔ́lɔ bele bee myɛ kàbaan na.

Wɔrɔmi ye 10:12 Iomraidhean Croise

Ŋúnuyi 145:18

Yawe n nùuni wi mɛ́ɛgi yerifɔɔlɔ myɛ na, poro bele myɛ pe wi mɛ́ɛgi yiri kányɛʔɛ na lè.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Ezayi 55:6

Yaa Yawe caa wi làrinyaani ni, yaa wi mɛ́ɛgi yeri lǎli ni wi nyɛ lè tɔ́ɔnrɔ.

Kapyegèle 7:59

ní sa ni Etyɛni wábagi ní kàdɛnɛri ní, a Etyɛni i nyɛ́ɛri níì jo: «Kàfɔw Zyezu, mi mii pǐli syɔɔ!»

Kapyegèle 9:14

Sáriga-wòlobèle kàfɔɔlɔ n wɔ́ɔ̀ fànʔa kaan wi ma a wi pan nɛɛ naa koro ga pye bele myɛ be mɔ mɛ́ɛgi yiri lè kěgi naa ni, wi ba bele bee cò bi pwɔɔ.»

Wɔrɔmi ye 14:9

Níì cán Kirisi n kùu níì nyán n pye sìi na jàngó bi pye kúbèle ní niweebèle myɛ Kàfɔlɔ.

Wɔrɔmi ye 15:12

Ezayi n wɔ́ɔ níì jo: «Wee wi lè Izayi yòdaʔagi, wi a pan, woro wee wi a ba yìri lè bi tɛ́ɛn syɛɛnfeleyi nyúngo na. Syɛɛnfeleyi a ba yi sɔ̀ngumi taʔa wi na.»

Wɔrɔmi ye 2:4

Wàlá àmɛɛ Kolocɔlɔɔ fúngi tɔ̀nɔ n nyɔɔ lè gbanʔama, á wi nyínimi ní wi kpàracogi wɔ́ɔ̀ nɛʔɛ lè, a koro jo lé mɔ o gee bee córo wii í láà? Mɔ ga gi cán ncan wi funjǎngi a gbǎn mɔ kàriga mɔ í kàdoʔo wáa mɔ kapeegèle ma ì?

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.

1 Korɛnti ye 15:47

Syɛɛnseliw n yiri tári ni, wi i nyɛ tári wóo. Syɛɛnsiin wów si n yìri nyɛ̀ʔɛni na.

2 Korɛnti ye 8:9

Níì cán yele n wolo Kàfɔw Zyezu Kirisi kpɔ́ʔɔri kéele cán, woro wee wi da pye lè lɔrɔfɔlɔ, á wi baa wiyɛɛ gbéʔele foomɔfɔlɔ yele kéeli na, jàngó yele í ba pye lɔrɔfɔɔlɔ woro fóomi báriga ni.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Efɛzi ye 1:7

Woro ni wolo nyùnzyɔɔri taa wi sìsyaanw wolo báriga ni ti lè wolo kapeegèle kùsulugo syɔɔlɔ n yɛlɛ ní wi kpɔʔɔnɛʔɛri ní.

Efɛzi ye 2:4

Kàjáa àmɛɛ Kolocɔlɔɔ nyínimi tɔ̀nɔ n nɛʔɛ lè, a wi tàmaga le ní wolo ní, tàmagi bee n tɔ̀nɔ n kpɔ́ʔɔ.

Efɛzi ye 2:7

wi n wolo kpɔ́ʔɔ wi funjǎngi báriga ni, koro ga pye bi gi tɛ̀ɛn làrigèle gele ni ge maa lè, àmɛɛ woro kpɔ́ʔɔri nyɛ lè lɔnɛʔɛrɛ wóro Kirisi Zyezu ni.

Efɛzi ye 3:16

Mii i wi nyɛ́ɛri jàngó wi Pǐli í fànʔa kaan yele ma yele í nìri yele fúnyi ni bi yɛlɛ ní wi nìjangbɔɔri lɔnɛʔɛrɛ ní,

Efɛzi ye 3:6

kalarali bee li nyɛ ncan syɛɛnfeleyi wozanya n baa pye Zyefubèle kɔriliinyɛ̀nnɛ, níì cenijanra taa, ní wɔ́ɔ̀ pye be pínɛnyɛ̀nnɛ Kolocɔlɔɔ nyɔɔfaligi ni, gee gi taa lè Kirisi Zyezu ni Syɛɛnjóocǎnri báriga ni.

Efɛzi ye 3:8

Wi n kpɔ́ʔɔri bee kaan mii ma, mii wi lè Kolocɔlɔɔ syɛɛncanbèle myɛ wobile, koro ga pye mii í da Kirisi córomɔ fun lɔnɛʔɛri syɛɛnjóocànra nyuu syɛɛnfeleyi wozanya ma,

Filipikaʔa ye 2:11

pe myɛ si yére gi ni bi jo Zyezu Kirisi wi nyɛ Kàfɔw, gee bee a nìjangbɔɔri taʔa Tofɔw Kolocɔlɔɔ na.

Filipikaʔa ye 4:19

Mii Kolocɔlɔw si a ra yele màkow myɛ nyɔɔgi bi yɛlɛ ní wi nìjangbɔɔri lɔnɛʔɛrɛ ní ti nyɛ lè Kirisi Zyezu ni.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

Kɔlɔsi ye 3:11

Koro na láʔala o nyɛ Girɛkibèle ní Zyefubèle nínge ni í, láʔala o wɔ́ɔ̄ nyɛ kɛ́nɛkpeʔelebèle ní sìngɛnɛbèle nínge ni í, wàlá Girɛkinaa-sìnjánbèle, ní Sitii ye, ní púlobèle, ní wɔ́rɔbèle nínge ni í. Kirisi wi nyɛ pe myɛ nyúngo na, ní wɔ́ɔ i nyɛ pe myɛ ni.

1 Timɔte 2:5

Níì cán Kolocɔlɔɔ nibin wi yaà, kùsuluo nibin si wɔ́ɔ i yaà Kolocɔlɔɔ ní syɛ́ɛnbèle nínge ni, wi i nyɛ syɔɔn, woro wi nyɛ Kirisi Zyezu,

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»

Tɛ̀ɛnnɛ 19:16

Mɛ́ʔɛ maa pye wozɛbɛgɛ ní wi búrogi, ní wi cèsiinyungi na, pe i gi yiri: FANʔAFƆBELE FANʔAFƆLƆ, ní KAFƆBELE KAFƆLƆ.