Wɔrɔmi ye 10:10 - Cebaara Bible 2010

¹⁰ Níì cán syɔɔn ga tága wi fúngi ni, wi n sínni taa, wi ga ni gi fíligi ni nyuu wi nyɔ́ɔgi ni, wi n syɔɔli taa,

Wɔrɔmi ye 10:10 Iomraidhean Croise

Mariki 9:23

A Zyezu wi pye: «Mɔ fánʔa ga tɛ́nɛ̀ pye gi na, syɔ́ɔnwee wi ga tága lè, kérigèle myɛ a gbǎn kpéʔele wee bee ma.»

Luki 8:15

Dee si di too lè tácǎnri tɛ́ʔɛ ni, koro gi nyɛ bele be syɛ́ɛnri lóʔo lè níì di cò ní funviire, ní zɔ̀njàɔn ní, ní i sangi ní kpàracogo ní.

Kapyegèle 8:37

[A Filipi jo: «Mɔ ga tɛ́nɛ̀ tága ní mɔ fúngi myɛ ní, mɔ a gbǎn wi kpéʔele kɛ.» A wi jo: «Mii n tága gi na ncan Zyezu Kirisi* wi nyɛ Kolocɔlɔɔ Jáaw.»]

Wɔrɔmi ye 10:11

àmɛɛ syɛɛnsɛbɛri gi joo lè níì jo: «Syɔɔn o syɔɔn wi tága lè wi na, fɛ̀ɛrɛ a tée wee bee taa bi nyaa í.»

Wɔrɔmi ye 10:9

Ní mɔ ga ni gi fíligi ni nyuu mɔ nyɔ́ɔgi ni níì jo «Zyezu wi nyɛ Kàfɔw,» ní wɔ́ɔ̀ tága gi na mɔ fúngi ni ncan Kolocɔlɔɔ n wi nyán n yirige kúbèle nínge ni, mɔ a syɔɔ.

Galasi ye 2:16

Wolo si n gi cán ncan syɔɔn a gbǎn sínni taa Mowizi làlwaw kapyegèlē báriga ni í, fwɔɔ wi tága Kirisi Zyezu na, tágali bee báriga ni wi a sínni taa, a wolo tiimaa si wɔ́ɔ̀ tága Kirisi Zyezu na jàngó wolo í sínni taa tágali báriga ni Kirisi na, wolo a li taa làlwaw kapyegèlē báriga ni í, níì cán syɔɔn faala a sínni taa làlwaw kapyegèlē báriga ni í.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Heburubèle 10:22

Ki n yɛlɛ wolo í nùuni Kolocɔlɔɔ na ní funjànya ní, bi fàra tágala na, lee li sámaga n kpɔ́ʔɔ lè, wo nùuni wi na ní fúnyi ní, yee Kàfɔw nyari nyari ní wi sìsyaanw ní lè n sɔ̀ngubeeri yirige yi ni, ní céri ní be jée n mùnu ní lòcànga ní lè.

Heburubèle 3:12

Yaa kɔ̀rɔsíi, ni senyɛ̀nnɛ, koro ga pye sìndagali sɔ̀ngubeere a kɔ́ jée yele wàa faala ni bi wi láʔa Kolocɔlɔɔ woweew na í.

1 Zyan 4:15

Syɔ́ɔnwee ga gi fílige n joo lè níì jo Zyezu wi nyɛ Kolocɔlɔɔ Jáaw, Kolocɔlɔɔ i nyɛ wee bee ni, wee bee si wɔ́ɔ i nyɛ Kolocɔlɔɔ ni.

Tɛ̀ɛnnɛ 2:13

Mii n mɔ tɛɛkòrogi cán, nɛɛ bee Sutanaw fàngolo nyɛ. Mii n gi cán mɔ i mii mɛ́ɛgi córo, àlí lǎli ni mii séerafɔjǎnw Antipasi kùu lè, mɔ ga mii tágali cée í, woro wee pe da kpóo lè yele níngi ni, beè Sutanaw tɛɛkòrogo nyɛ lè.