Wɔrɔmi ye 10:1 - Cebaara Bible 2010

¹ Ni senyɛ̀nnɛ, gee mii caa lè mii fúngi ni gbanʔama, ní gee mii nyɛ́ɛri Kolocɔlɔɔ ma Isirayɛli ye kéeli na lè, koro gi nyɛ be taa syɔɔ.

Wɔrɔmi ye 10:1 Iomraidhean Croise

Yirile 32:10

Tɔ́ɔliw ni mii yaʔa sáan, mii fundanʔari a cò naà be kánmi na, mii a pe myɛ kálagi yirige yaà péw, si mɔ kpéʔele syɛɛnfele-nɛʔɛgɛ.»

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Zyeremii 17:16

Mii si na, bi pye bànaʔaɔ, mii ga gee bee cée mɔ ma í. Mii da ni wɔʔɔgi naa canʔa caa í, mɔ n koro cán. Gee gi yirigi mii nyɔ́ɔgi ni lè, ki i nyɛ mɔ yɛ́ʔɛ ma.

Zyeremii 18:20

A gi yɛlɛ lé be kapeʔe tɛ́ʔɛ bi kacànna sàra? Níì cán pe n weecurugo túgu bi mii bɔ̀nɔ mii sìíw ni. Sɔ̀ngi mi taa gi na àmɛɛ mii yére mɔ yɛ́ʔɛ ma lè níì joo ní mɔ ní pe nyɔɔmi kéele na, níì mɔ fundanʔagbɔɔri lúrugo be kurugo.

Luki 13:34

Zyerusalɛmi, Zyerusalɛmi, mɔ wee wi kanyaajoobèle kúu lè, ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.

Zyan 5:34

Mii si ga niyɛɛ yérige syɔɔn séera na í. A mii kérigèle naa nyuu yele ma wii, koro ga pye yele í taa syɔɔ.

Wɔrɔmi ye 10:2

Níì cán mii i nyɛ be séera ncan Kolocɔlɔɔ kéeli i nyɛ be fúnyi ni, kàjáa pe ga gi sícilimi cán í.

Wɔrɔmi ye 9:33

Amɛɛ gi sɛ́bɛ lè níì jo: «Ye wéle, mii n kàdɛnɛgɛ tɛ́ʔɛ Siyɔn kěgi fúngo ni gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè, syɔ́ɔnwee wi tága wi na lè, fɛ̀ɛrɛ a tée wee bee taa bi nyaa nyáana í.»

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.

1 Samyɛli 15:11

«Amɛɛ mii Sawuli kpéʔele lè fànʔafɔlɔ, ki ga níì mii dɛ́nɛ í. Níì cán wi n lúru mii kurugo, wi ga mii syɛ́ɛnri foro í.» A Samyɛli fúngi tanʔa, a wi i yákpoli wáa Yawe kurugo yébiligi myɛ ni.

1 Samyɛli 15:35

Samyɛli ga níì kári n sáà Sawuli wéle í fwɔɔ n taa n baa kùu. Níì cán Samyɛli maa pye kùu káyaʔa na Sawuli kéeli na, ncan ki maa Yawe bɛɛn àmɛɛ woro da Sawuli télege lè fǎngi na Isirayɛli ye nyúngi na.