Wɔrɔmi ye 1:9 - Cebaara Bible 2010

⁹ Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.

Wɔrɔmi ye 1:9 Iomraidhean Croise

Zyɔbi 16:19

Alí tɔ́ɔliw ni, séerafɔlɔ i nyɛ mii ma nyɛ̀ʔɛni ni, mii táangi joofɔlɔ i nyɛ yaà ǹjoʔo ma tɛ́ɛyi ni.

Mariki 1:1

Kolocɔlɔɔ Jáaw wi nyɛ lè Zyezu Kirisi Syɛɛnjóocǎnri di joo lè wi kéeli na, di sélimi bi nyɛ bee naa.

Luki 18:1

A Zyezu kàseele wáa bi gi tɛ̀ɛn be na àmɛɛ be yɛlɛ paa nyɛ́ɛri lè làrigèle myɛ ni sìnvɔrɔ ni.

Kapyegèle 12:5

N Pyɛri yaʔa kàsow ni, a Egiliziw i Kolocɔlɔɔ nyɛ́ɛri wi kéeli na.

Kapyegèle 19:21

Kérigèle bee pyele kadoʔo ma a Pɔli gi kɔ̀rirɔ n tímana wi fúngi ni n jo woro a Maseduwani tári ní Akayi tári foro bi kári Zyerusalɛmi ma, ní níì jo: «Mii ga nan yaà, ŋàʔanaga gii fwɔɔ mii í wɔ́ɔ sa Wɔrɔmi kěgi nyaa.»

Kapyegèle 24:14

Mii si n yére kéeli naa ni mɔ yɛ́ʔɛ ma, loro li nyɛ mii i mii tóolɛɛbèle Kolocɔlɔɔ kpɔ̀ʔɔrɔ́ n yɛlɛ ní kólogee ní poro yiri lè jànvaa kólogi. Syɛ́ɛnree di sɛ́bɛ lè Mowizi làlwaw sɛ́bɛ, ní kanyaajoobèle sɛ́bɛ ni, mii n tága dee bee myɛ na.

Kapyegèle 27:23

Kolocɔlɔwee wóo mii nyɛ lè, woro wee mii kpɔ̀ʔɔrɔ́ lè, wee bee tundunwaa n pan mii ma yébiligi naa ni

Kapyegèle 3:26

Yele má Kolocɔlɔɔ da sélì wi falipyew tun, wee wi da nyɛ́nɛ n wòlo lè, koro ga pye wi ba dùbaw kpéʔele yele ma, si yele myɛ nibin nibin kàriga bi yirige yele kakolobyeri ni.»

Wɔrɔmi ye 9:1

Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni.

2 Korɛnti ye 1:23

Mii si n Kolocɔlɔɔ láa wi pye mii fúngi séera, ncan gee na mii da mii gàriw sàa lè yele Korɛnti ye ma, koro gi nyɛ jàngó ki a kɔ́ gbàn yele ma í.

2 Korɛnti ye 11:31

Kàfɔw Zyezu Kolocɔlɔw, wi lè wi Tóow, woro wee wi lè dùbanaa-bàngwɔɔw fɔ́lɔ, woro n gi cán mii o finɛ í!

Galasi ye 1:20

Syɛ́ɛnri naa mii sɛ́bɛ lè bi tórigo yele ma, Kolocɔlɔɔ n gi cán jànvaa o nyɛ di ni í.

Efɛzi ye 6:18

Ki n yɛlɛ yaa nyɛ́ɛrigboloyi féleye myɛ nyɛ́ɛri Kolocɔlɔɔ ma làrigèle myɛ ni Pìicǎnni ni. Ki n yɛlɛ ye kòro nyɛ̀nɛ na yáā nyɛ́ɛri ní lòmaana ní Kolocɔlɔɔ syɛɛncanbèle myɛ kéele na.

Filipikaʔa ye 1:3

Mii ga tɛ́nɛ̀ sɔ̀ngi n taa yele kéeli na lǎlee myɛ ni lè, mii n fala n bariga kaan mii Kolocɔlɔw ma lǎli bee ni.

Filipikaʔa ye 1:4

Mii i nyɛ́ɛri làla o làla ní fundaanra ní mii nyɛ́ɛriyi myɛ ni yele myɛ kéeli na,

Filipikaʔa ye 2:22

Yele si n gi cán Timɔte i nyɛ syɛɛnsɛʔɛgwɔɔɔ, wi maa ni báara ní mii ní Syɛɛnjóocǎnri kéele na àmɛɛ pyà báara lè ní wi toò ní.

Filipikaʔa ye 3:3

Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.

1 Tesaloniki ye 1:2

Wolo i bariga kaangi Kolocɔlɔɔ ma làla o làla yele myɛ kéeli na, wolo ga ni nyɛ́ɛri, wolo n sɔ̀ngi n taa n nyɛ́ɛri yele kéeli na.

1 Tesaloniki ye 3:10

Wolo i wi nyɛ́ɛri gbanʔama canʔa ní yébilige koro ga pye wolo í yele nyaa, jàngó kérigèle gele ge fɔ̀n yele tágali ni lè wolo í gele bee foro.

1 Tesaloniki ye 5:17

Ye a kɔ́ láʔa Kolocɔlɔɔ nyɛ́ɛrigi na í.

1 Timɔte 2:7

Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

2 Timɔte 1:3

Mii i bariga kaangi Kolocɔlɔɔ ma, woro wee má mii tóolɛɛbèle da ni báara lè, á mii wɔ́ɔ ba ni báara wi ma ní funviire ní, mii i mɔ kéeli nyuu mii làrinyɛɛrigèle ni Kolocɔlɔɔ ma canʔa ní yébilige.

Filemɔn 1:4

Mii i bariga kaangi mii Kolocɔlɔw ma làla o làla, ní i mɔ mɛ́ɛgi yiri mii nyɛ́ɛriyi ni.

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.