Wɔrɔmi ye 1:8 - Cebaara Bible 2010

⁸ Mii i bariga kaangi mii Kolocɔlɔw ma gbɛnʔɛnɛ yele myɛ kéeli na Zyezu Kirisi bárigaw ni, àmɛɛ pe yele tágali kéele nyuu lè dulunyanw tɛ́ɛyɛ myɛ ni.

Wɔrɔmi ye 1:8 Iomraidhean Croise

Matye 24:14

Syɛɛnjóocǎnri naa di nyɛ lè fǎngi wóro, ti a kɔ́ ba joo dulunyanw tɛ́ɛyɛ myɛ ni bi pye syɛɛnfeleyi myɛ ma séera, gi kwɔ́ɔmi si náa ba nan.

Luki 2:1

Lǎli bee ni a Sezari Ogusiti tundunro tun wi tári tɛ́ɛyɛ myɛ ni níì jo be syɛ́ɛnbèle myɛ córo.

Kapyegèle 11:28

Pe maa ni bele bee wàa yiri Agabusi, a wee bee yìri n yére níì gi joo n tɛ̀ɛn Pìicǎnni báriga ni níì jo, kateekpɔʔɔ a kɔ́ ba too dulunyanw myɛ na. A gi wɔ́ɔ baa foro Kulodi lǎli ni.

Kapyegèle 28:22

Kàjáa gee gi lè mɔ fúngi ni, wolo i caa bi gee bee lóʔo mɔ nyɔ́ɔgi na, níì cán gee gi kólogi naa kwɔ́ɔ lè, wolo n gi cán syɛ́ɛnbèle tɔ̀nɔ́ i syɛɛnpeeri nyuu gi kéeli na tɛ́ɛyi myɛ ni.»

Wɔrɔmi ye 10:18

Kàjáa mii n jo, a gi i nyɛ lé pe ga di lóʔo wii í láà? Eʔe, koro ban í! «Níì cán kanyaajoobèle joomɔ n yiri n nan tári tɛ́ɛyɛ myɛ na. Pe syɛ́ɛnri n nan fwɔɔ dulunyanw láʔagéle na.»

Wɔrɔmi ye 16:19

Amɛɛ yele lúro lè Kàfɔw ma, syɛ́ɛnbèle myɛ n gee bee cán. Gee bee na mii i fundaanra kpéʔele yele kéeli na, ní si i caa yele í pye sícilimɛ fɔ̀ɔlɔ kacànbyeri kàbaan na, si pye tɛɛkolobile fun kapeebyeri kàbaan na.

Wɔrɔmi ye 6:17

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní.

1 Korɛnti ye 1:4

Mii i bariga kaangi Kolocɔlɔɔ ma làla o làla yele kéeli na, Kolocɔlɔɔ kpɔ́ʔɔri kéele na di kaan yele ma lè Kirisi Zyezu ni,

2 Korɛnti ye 2:14

Wolo i bariga kaangi Kolocɔlɔɔ ma, woro wee wi wolo kaan a wolo i fànʔa taagi lè kérigèle na làrigèle myɛ ni àmɛɛ wolo nyɛ lè Kirisi ni, ní i wolo téeri ni wi cánni nùngo caragi tɛ́ɛyi myɛ ni.

Efɛzi ye 1:15

Gee bee na nlaa mii gi lóʔo àmɛɛ yele tága Kàfɔw Zyezu na lè, ní àmɛɛ yele tàmaga le ní Kolocɔlɔɔ syɛɛncanbèle myɛ ní lè,

Efɛzi ye 1:16

a mii i bariga kaangi Kolocɔlɔɔ ma yele kéeli na làla o làla, koro gi nyɛ mii i yele kéeli nyuu mii nyɛ́ɛriyi ni,

Efɛzi ye 3:21

wee bee na nìjangbɔɔri yɛlɛ Egiliziw ni, ní wɔ́ɔ̀ yɛlɛ wi na Kirisi Zyezu ni làrigèle myɛ ni kwɔ́ɔmɔ fun. Amiina.

Efɛzi ye 5:20

Ki n yɛlɛ yaa bariga kaangi Tofɔw Kolocɔlɔɔ ma làrigèle myɛ ni kérigèle myɛ na wolo Kàfɔw Zyezu Kirisi mɛ́ɛgi na.

Filipikaʔa ye 1:11

Zyezu Kirisi si yele fúnyi nyìn kasinbyeri na, koro ga pye nìjanri ní kpɔ́ʔɔri sáā taari Kolocɔlɔɔ na.

Filipikaʔa ye 1:3

Mii ga tɛ́nɛ̀ sɔ̀ngi n taa yele kéeli na lǎlee myɛ ni lè, mii n fala n bariga kaan mii Kolocɔlɔw ma lǎli bee ni.

Kɔlɔsi ye 1:3

Wolo i bariga kaangi Kolocɔlɔɔ ma wi lè wolo Kàfɔw Zyezu Kirisi Tóow, ní i wi nyɛ́ɛri làla o làla yele kéeli na.

1 Tesaloniki ye 1:2

Wolo i bariga kaangi Kolocɔlɔɔ ma làla o làla yele myɛ kéeli na, wolo ga ni nyɛ́ɛri, wolo n sɔ̀ngi n taa n nyɛ́ɛri yele kéeli na.

1 Tesaloniki ye 2:13

Gee bee na wolo wɔ́ɔ i bariga kaangi Kolocɔlɔɔ ma sìnlaʔa ni, níì cán lǎli ni yele Kolocɔlɔɔ syɛ́ɛnri lóʔo wolo ma lè níì yére di ni, a yele di sámaga n cò, níì gi cán ti i nyɛ Kolocɔlɔɔ wóro kányɛʔɛ ni, syɔɔn wóro ban í, toro si di wɔ́ɔ̄ báara yele ni, yele bele ye tága lè.

2 Tesaloniki ye 1:3

Ni senyɛ̀nnɛ, àmɛɛ kàa fàrá yele tágali na lè gbanʔama, á yele tàmagi si wɔ́ɔ i kpɔ́ʔɔgi ni syée, gee yele myɛ nibin nibin le ní yeyɛɛ ní lè, koro na gi yɛlɛ wolo í da bariga kaangi Kolocɔlɔɔ ma làla o làla yele kéeli na, koro gi sín.

2 Timɔte 1:3

Mii i bariga kaangi Kolocɔlɔɔ ma, woro wee má mii tóolɛɛbèle da ni báara lè, á mii wɔ́ɔ ba ni báara wi ma ní funviire ní, mii i mɔ kéeli nyuu mii làrinyɛɛrigèle ni Kolocɔlɔɔ ma canʔa ní yébilige.

Filemɔn 1:4

Mii i bariga kaangi mii Kolocɔlɔw ma làla o làla, ní i mɔ mɛ́ɛgi yiri mii nyɛ́ɛriyi ni.

Heburubèle 13:15

Gee bee na gi yɛlɛ wolo í da Kolocɔlɔɔ kpɔ̀ʔɔrɔli sáriga wóo bàā kaangi wi ma làla o làla Zyezu bárigaw ni, sárigaw bee wi nyɛ wolo í da séeraw kpéʔele Kolocɔlɔɔ mɛ́ɛgi kéele na ní wolo nyɔɔsyɛɛnri ní.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

1 Pyɛri 4:11

Wàa ga ni nyuu, ki n yɛlɛ waa nyuu Kolocɔlɔɔ syɛ́ɛnrɛ jooganma na. Wàa ga ni pèle dɛ̀ɛmɛ́, ki n yɛlɛ waa gi kpéʔele ní bárigaw ní Kolocɔlɔɔ kaangi wi ma lè, koro ga pye nìjangbɔɔri í da taari Kolocɔlɔɔ na kérigèle myɛ ni, Zyezu Kirisi bárigaw ni, woro wee má nìjangbɔɔri, ní séekpɔɔw nyɛ lè làla o làla kwɔ́ɔmɔ fun. Amiina!