Wɔrɔmi ye 1:7 - Cebaara Bible 2010

⁷ Mii i sɛ́bɛw naa sɛ́bɛ bi tórigo yele myɛ ma, yele bele ye nyɛ lè Wɔrɔmi ni, Kolocɔlɔɔ syɛɛn-nidaanmabèle, yele bele wi yeri lè n kpéʔele woro tiimaa syɛ̀ɛnnɛ. Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma!

Wɔrɔmi ye 1:7 Iomraidhean Croise

Ŋúnuyi 60:5

Mɔ n kagbanya tɛ̀ɛn mɔ syɛ́ɛnbèle na, mɔ n yɛɛwɔɔ̀ dùvɛɛn kaan wolo ma a wo gbaa.

Ŋúnudaangi 5:1

Mii i jǐn mii nángwɔɔw ni, ni senyɛnjaà, ni pìcaa. Mii a cɔɔ mii míiriw, ní mii nùndaanni yárira ni, mii i mii ségbabigi líi ní mii sárigi ní, mii i mii dùvɛɛnw ní mii nɔ́nɔw gbo. Yaa líi, ni tàannyɛ̀nnɛ, yaa gbo, yaa tàmagi gbo kaa yele cáan!

Córolo 6:25

Ki n yɛlɛ Yawe í wi yɛ́ɛgi gbɛ̀ɛnmɛ yirige mɔ ma, si nyɔɔ mɔ na.

Matye 5:16

Kánmi bee na gi yɛlɛ yele í yele gbɛ̀ɛ́nmi yaʔa paa nyín paa yirigi syɛ́ɛnbèle ma, jàngó paa yele kapyejǎngèle nyaagi, sáā yele Tóow kpɔ̀ʔɔrɔ́, wi lè nyɛ̀ʔɛni na.

Zyan 20:17

A Zyezu wi yari: «Mɔ a kɔ́ mii cǒ yérige í, níì cán mii ga kɔ́ɔ̀ lúgu n kári Tofɔw ma í. Kàjáa da syée mi sa mii senyɛnbèle pye: Mii a lúgu kári mii Tóow ma, wi lè yele Tóow, woro wee wi lè mii Kolocɔlɔw, ní wɔ́ɔ i nyɛ yele Kolocɔlɔw.»

Kapyegèle 15:23

A be sɛ́bɛ kaan be ma, sɛ́bɛw bee syɛ́ɛnrɛ maa jo: «Wolo pìitunbèle, ní yɛɛ̀kinibèle, wolo wo nyɛ lè yele senyɛnbèle, wolo wo sɛ́bɛw naa tórigo yele ma, yele bele ye nyɛ lè wolo senyɛnbèle, ní si i nyɛ syɛɛnfeleyaa Antyɔsyi ni, Sirii tári, ní Silisii tári ni, wolo i yele syáanri!

Kapyegèle 9:13

A Ananyasi Kàfɔw yari: «Ni Kàfɔlɔ, mii n nǎnw bee kéele lóʔo syɛ̀ɛnnɛ saʔa ma àmɛɛ wi kapeeyi féleye saʔa kpéʔele lè mɔ syɛɛncanbèle na Zyerusalɛmi ni.

Wɔrɔmi ye 1:6

yele si wɔ́ɔ i nyɛ bele bee pèle, yele bele Kolocɔlɔɔ yeri lè n kpéʔele Zyezu Kirisi wòolo.

Wɔrɔmi ye 5:1

Amɛɛ wolo sínni taa lè tágali báriga ni, gee bee na wolo nyɛ bɛ̀ɛlɛ na ní Kolocɔlɔɔ ní wolo Kàfɔw Zyezu Kirisi bárigaw ni.

Wɔrɔmi ye 5:5

Sɔ̀ngumi bee tɛɛtaʔaga si a fɛ̀ɛrɛ wáa syɔɔn na í, níì cán Kolocɔlɔɔ n wi tàmagi tìrige, a gi baa wolo fúnyi nyìn Pìicǎnni báriga ni lee wi kaan wolo ma lè.

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Wɔrɔmi ye 8:39

ǹjoʔo ma fǎnyi yoo, táàma wóyi yoo, wàlá Kolocɔlɔɔ yakpéʔelegaa faala a gbǎn fànʔa taa bi wolo láʔa Kolocɔlɔɔ tàmagi na í, gee wolo taa lè wolo Kàfɔw Kirisi Zyezu bárigaw ni.

Wɔrɔmi ye 9:25

Anbée wi wɔ́ɔ̀ gi joo Oze sɛ́bɛw ni níì jo: «Bele be lè pe da pye mii syɛ̀ɛnnɛ í, mii a ra be yiri mii syɛ́ɛnbèle, ní bele be lè pe da pye mii syɛɛn-nidaanmabéle í, mii a ra be yiri mii syɛɛn-nidaanmabèle.

1 Korɛnti ye 1:24

kàjáa bele myɛ Kolocɔlɔɔ nyɛ́nɛ n wòlo lè Zyefubèle yoo, Girɛkibèle yoo, Kirisi i nyɛ bele bee ma Kolocɔlɔɔ séew ní Kolocɔlɔɔ sícilimi.

1 Korɛnti ye 16:23

Ki n yɛlɛ Kàfɔw Zyezu í wi kpɔ́ʔɔri kaan yele ma!

Galasi ye 6:18

Ni senyɛ̀nnɛ, ki n yɛlɛ wo Kàfɔw Zyezu Kirisi í wi kpɔ́ʔɔri le yele pìígèle ni! Amiina!

Efɛzi ye 1:2

Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri, ní fûnnyingi kaan yele ma.

Efɛzi ye 6:23

Ki n yɛlɛ Tofɔw Kolocɔlɔɔ ní Kàfɔw Zyezu Kirisi í fûnnyingi ní tàmagi kaan wolo senyɛnbèle ma bi fàra tágali na.

Làlwaw Kaanziin 33:12

Bɛnzyamɛ kéeli na, wi n jo: «Yawe syɛɛn-nidaanmaw wii, wi i tɛ̀ɛ́n yɛɛ̀nyinge na wi taana. Yawe i wi tɔ́ngi làla o làla. Wi i kòró wi fókaanyi láara ni.»

Filipikaʔa ye 1:2

Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma!

Filipikaʔa ye 4:13

Mii fánʔa i nyɛ kérigèle myɛ na bàā ge kpéʔele Kirisi bárigaw ni, woro wee wi fǎngi kaangi mii ma lè.

Filipikaʔa ye 4:20

Kolocɔlɔɔ wi lè wolo Tóow, woro na nìjangbɔɔri yɛlɛ làla o làla kwɔ́ɔmɔ fun. Amiina!

Filipikaʔa ye 4:23

Ki n yɛlɛ Kàfɔw Zyezu Kirisi í wi kpɔ́ʔɔri le yele pìígèle ni!

Kɔlɔsi ye 1:2

wolo a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛncanbéle Kɔlɔsi ni, ní i nyɛ wolo senyɛ̀nnɛ, ní wɔ́ɔ i nyɛ tágala syɛɛnnɛ Kirisi ni, ki n yɛlɛ wolo Tóow Kolocɔlɔɔ í kpɔ́ʔɔri ní fûnnyingi kaan yele ma!

Kɔlɔsi ye 3:12

Gee bee na, àmɛɛ yele nyɛ lè Kolocɔlɔɔ wonyɛnɛ-wòlobēle, ní wi syɛɛncanbéle, ní wi syɛɛn-nidaanmabéle, ki n yɛlɛ yele í dee naa le yeyɛɛ na, di nyɛ lè nyinidaari, ní funjǎngi, ní màabyeri, ní fûnnyingi, ní kpàracogi ní.

Kɔlɔsi ye 3:15

Fûnnyingi Kirisi kaangi lè, ye gee bee yaʔa kaa yele fúnyi kàragí, koro gee kéele na Kolocɔlɔɔ da yele yeri lè níì jo yele í pye cere nibin. Ki n yɛlɛ yaa bariga kaangi wi ma.

1 Tesaloniki ye 1:1

Mii Pɔli, ní Silivɛn, ní Timɔte, wolo a sɛ́bɛw naa tórigo yele Tesaloniki ye Egiliziw ma, yele bele ye nyɛ lè Tofɔw Kolocɔlɔɔ ní Kàfɔw Zyezu Kirisi ni, ki n yɛlɛ Kolocɔlɔɔ í kpɔ́ʔɔri ní fûnnyingi kaan yele ma!

1 Tesaloniki ye 1:3

Wolo i sɔ̀ngí ni taagi yele kéeli na làla o làla wolo Tóow Kolocɔlɔɔ nyɛ́nɛ na, àmɛɛ yele báara lè tágali ní tàmagi báriga ni, ní àmɛɛ yele kpàracogi kpéʔele lè yele sɔ̀ngumi taʔala báriga ni wo Kàfɔw Zyezu Kirisi na.

1 Tesaloniki ye 1:4

Ni senyɛ̀nnɛ, yele bele ye nyɛ lè Kolocɔlɔɔ syɛɛn-nidaanmabèle, wolo n gi cán wi n yele nyɛ́nɛ n wòlo.

1 Tesaloniki ye 4:7

Níì cán Kolocɔlɔɔ ga wolo yeri kanɔnʔɔri kánma na í, wi n wolo yeri jàngó wolo í pye fɔɔnrɔ fun.

1 Tesaloniki ye 5:28

Ki n yɛlɛ wo Kàfɔw Zyezu Kirisi í wi kpɔ́ʔɔri kaan yele ma!

2 Tesaloniki ye 1:2

Ki n yɛlɛ Tofɔw Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma.

2 Tesaloniki ye 3:16

Kàfɔw wi lè yɛɛ̀nyingi kaanfɔlɔ, ki n yɛlɛ woro tiimaa í da yɛɛ̀nyingi kaangi yele ma làla o làla, kánmi myɛ na! Kàfɔw í pye ní yele myɛ ní!

2 Tesaloniki ye 3:18

Ki n yɛlɛ wo Kàfɔw Zyezu Kirisi í wi kpɔ́ʔɔri kaan yele myɛ ma!

1 Timɔte 1:2

Mii a sɛ́bɛw naa tórigo mɔ ma, Timɔte, mɔ wi lè mii pìiseew tágali ni, ki n yɛlɛ Tofɔw Kolocɔlɔɔ ní wolo Kàfɔw Kirisi Zyezu í kpɔ́ʔɔri, ní nyínimi, ní fûnnyingi kaan mɔ ma.

1 Timɔte 6:2

Bele kàfɔɔlɔ be nyɛ lè tágafɔɔlɔ, ki ga yɛlɛ paa be faari si pwɔɔ pe i nyɛ senyɛnnɛgɛ í, kàjáa ki n yɛlɛ paa báara be ma gbanʔama, níì cán be tágafɔnyɛ̀nnɛ, ní be senyɛn-nidaanmabéle má be falicanw bee kpéʔele. Da be tama kérigèle bee ni, máā be kɛɛlɛ.

2 Timɔte 1:2

Mii a sɛ́bɛw naa tórigo mɔ ma, Timɔte, mɔ wi lè mii pìinidaanmaw, ki n yɛlɛ Tofɔw Kolocɔlɔɔ ní wolo Kàfɔw Kirisi Zyezu í kpɔ́ʔɔri, ní nyínimi, ní fûnnyingi kaan mɔ ma!

2 Timɔte 4:22

Kàfɔw í pye ní mɔ ní. Kolocɔlɔɔ í kpɔ́ʔɔri kaan yele ma.

Tiiti 1:4

Mii a sɛ́bɛw naa tórigo mɔ ma, Tiiti, mɔ wi lè mii pìiseew tágali ni li nyɛ wo myɛ siinw ma lè, ki n yɛlɛ Tofɔw Kolocɔlɔɔ ní wolo Syɔɔfɔw Kirisi Zyezu í kpɔ́ʔɔri ní fûnnyingi kaan mɔ ma!

Filemɔn 1:25

Ki n yɛlɛ Kàfɔw Zyezu Kirisi í wi kpɔ́ʔɔri le yele pìígèle ni.

Filemɔn 1:3

Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma.

Zyaki 1:1

Mii Zyaki wi nyɛ lè Kolocɔlɔɔ púlo ní wɔ́ɔ i nyɛ Kàfɔw Zyezu Kirisi wóo, mii a sɛ́bɛw naa tórigo yele ma, yele bele ye nyɛ lè Isirayɛli syɛɛnfeleyi kɛɛ ní siin yodaʔaya níì cariga dulunyanw tɛ́ɛyɛ myɛ ni lè, mii i yele syáanri!

1 Pyɛri 1:15

Kàjáa àmɛɛ yele Yerifɔw nyɛ lè wojaɔn ní, ki n yɛlɛ yele í wɔ́ɔ pye wojanbéle ní yele nàʔaganmi myɛ ni,

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.

2 Zyan 1:3

Ki n yɛlɛ Tofɔw Kolocɔlɔɔ ní Zyezu Kirisi wi lè Tofɔw Jáa, poro í kpɔ́ʔɔri, ní nyínimi, ní fûnnyingi kaan wo ma kányɛɛgi, ní tàmagi ni.

Tɛ̀ɛnnɛ 2:1

«Dee naa sɛ́bɛ mi tórigo Efɛzi Egiliziw tunduɔn ma, mí wi pye: ‹Wee wi ŋɔripiigèle kɔrɔsiin cò lè wi kàliige kɔ́gi ni, ní i táanri tɛ́ɛw fètindaʔagéle kɔrɔsiin nínge ni lè, woro wi kérigèle naa joo níì jo:

Tɛ̀ɛnnɛ 2:12

«Dee naa sɛ́bɛ mi tórigo Pɛrigami Egiliziw tunduɔn ma, mí wi pye: ‹Wee má yɛ́ɛyi siin ŋɔséetànʔa nyɛ lè, woro wi kérigèle naa joo níì jo:

Tɛ̀ɛnnɛ 2:18

«Dee naa sɛ́bɛ mi tórigo Tyatiiri Egiliziw tunduɔn ma, mí wi pye: ‹Kolocɔlɔɔ Jáaw wi kérigèle naa joo, woro wee nyapiigéle ge nyɛ àmɛɛ naanyìnge nyɛ lè, wi tɔ́lɔyi si i nyɛ àmɛɛ kanyɛɛnrɛ nyɛ lè, dee be gbàla lè naakpɔʔɔ ni a di nyɔɔ ni nyɛ́ʔɛnɛ, woro wi jo:

Tɛ̀ɛnnɛ 2:29

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

Tɛ̀ɛnnɛ 2:8

«Dee naa sɛ́bɛ mi tórigo Simiirini Egiliziw tunduɔn ma, mí wi pye: ‹Wee wi lè yɛɛ̀kiniw ní kàdotɔnw, woro wee wi baa kùu ní níì nyán n pye sìi na lè, woro wi kérigèle naa joo níì jo:

Tɛ̀ɛnnɛ 22:21

Ki n yɛlɛ Kàfɔw Zyezu í wi kpɔ́ʔɔri kaan syɛ́ɛnbèle myɛ ma!

Tɛ̀ɛnnɛ 3:14

«Dee naa sɛ́bɛ mi tórigo Lawodise Egiliziw tunduɔn ma, mí wi pye: ‹Wee be yiri lè Amiina, wi lè séerafɔjǎnw, woro wee wi nyɛ lè wodelew, ní i nyɛ Kolocɔlɔɔ yakpéʔeleri myɛ sélifɔlɔ, woro wi kérigèle naa joo níì jo:

Tɛ̀ɛnnɛ 3:22

Dee Pìicǎnni nyuu Egilizibèle ma lè, líiweele ga pye wee na lè, wi wi líiyi cáan waa di lúro.› »

Tɛ̀ɛnnɛ 3:7

«Dee naa sɛ́bɛ mi tórigo Filadelifii Egiliziw tunduɔn ma, mí wi pye: ‹Wee wi sín lè ní i nyɛ kányɛɛgi fɔ́lɔ, ní woro wee má Davidi làkilew nyɛ lè, wi ga kɔ̀rigi múgu wàa faala a gbǎn gi tɔ́n í, wi si ga wɔ́ɔ̀ gi tɔ́n wàa faala a gbǎn gi múgu í, woro wi kérigèle naa joo níì jo: