Wɔrɔmi ye 1:6 - Cebaara Bible 2010

⁶ yele si wɔ́ɔ i nyɛ bele bee pèle, yele bele Kolocɔlɔɔ yeri lè n kpéʔele Zyezu Kirisi wòolo.

Wɔrɔmi ye 1:6 Iomraidhean Croise

Wɔrɔmi ye 9:24

Poro si be nyɛ wolo, wolo bele wi yeri lè, Zyefubèle yagana nínge si ni ban wi wolo nyɛ́nɛ n wòlo í, kàjáa wi n wɔ́ɔ̀ wolo pèle nyɛ́nɛ n wòlo syɛɛnfeleyaa nínge ni.

1 Korɛnti ye 1:9

Kolocɔlɔɔ i nyɛ tágala syɔ́ɔn, woro wee wi yele yeri lè n baa pínɛ n pye nibin wi Jáaw Zyezu Kirisi ni, wi lè wolo Kàfɔw.

Galasi ye 1:6

Wee wi yele yeri lè Kirisi bárigaw ni, ki n mii fúngi wɔ́ɔ àmɛɛ yele fala ni lúrugu lè wi kurugo nya terire, ní i taari syɛɛnjóocànraa nikwɔɔ na.

Efɛzi ye 1:11

Kolocɔlɔɔ maa wɔ́ɔ̀ wolo nyɛ́nɛ n wòlo, wolo í pye Kirisi ni jàngó wolo í pye woro wòolo n yɛlɛ ní wi nyɛnɛ kakɔrirɔli ní, woro wee wi kérigèle myɛ kpéʔele lè n yɛlɛ ní wi kínidɛnɛgi sɔ̀ngurɔ ní,

Kɔlɔsi ye 1:21

Gee si gi yele kéeli kwɔ́ɔ lè, yele maa sélì pye Kolocɔlɔɔ téefɔɔlɔ ní wi nigoolo yele fúnyi ni kapeebyeri báriga ni.

Kɔlɔsi ye 1:6

Syɛɛnjóocǎnri bee n nan yele na, àmɛɛ di wɔ́ɔ̀ nan lè dulunyanw tɛ́ɛyɛ myɛ na. Ti i yasanra sangi ní i caragi dulunyanw tɛ́ɛyɛ myɛ ni, àmɛɛ di wɔ́ɔ̄ gi kpéʔele lè yele níngi ni, nlaa cángee na yele sélì Kolocɔlɔɔ kpɔ́ʔɔri kéele lóʔo lè níì di cán n fílige kányɛʔɛ ni.

1 Tesaloniki ye 2:12

Wolo maa ni yele kɛɛlɛ ní i yele kpɛʔɛlɛ ní i yele nyɛ́ɛri jàngó yele í da táanri da yɛlɛgi ní Kolocɔlɔɔ ní, woro wee wi yele yeri lè yele í pye wi fǎngi, ní wi nìjangbɔɔri ni.

2 Tesaloniki ye 2:14

Koro kéeli na Kolocɔlɔɔ wɔ́ɔ baa yele yeri Syɛɛnjóocǎnri báriga ni, dee wolo sáà joo yele ma lè, jàngó yele í wolo Kàfɔw Zyezu Kirisi nìjangbɔɔri taa.

2 Timɔte 1:9

Woro wi wolo syɔɔ níì wolo yeri jàngó wolo í pye woro syɛɛncanbéle, wolo kapyegèle kéele si na ban wi wolo syɔɔ í, fwɔɔ woro tiimaa kakɔrirɔli, ní wi kpɔ́ʔɔri kéele na, dee wi da kaan wolo ma lè Kirisi Zyezu ni sáni dulunyanw í séli lè.

Heburubèle 3:1

Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.

1 Pyɛri 2:21

Gee bee kánma na Kolocɔlɔɔ da yele yeri, níì cán Kirisi n wɔ́ɔ̀ wɔʔɔ yele sìndɛɛgi ni jàngó gee bee í pye yele ma fɛ̀ɛ, koro ga pye yele í da táanri wi tùluyi ni.

1 Pyɛri 2:9

Yele si i nyɛ syɛɛnfelegaa, gee Kolocɔlɔɔ nyɛ́nɛ n wòlo lè, ní i nyɛ wi fǎngi sáriga-wòlobēle, ní ní i nyɛ syɛɛncanbéle, bele Kolocɔlɔɔ sámaga n yaʔa wiyɛɛ ma lè, ní wɔ́ɔ i nyɛ wi tiimaa syɛ̀ɛnnɛ, koro ga pye yele í da woro nyɔɔ-mí-foroli kèlē nyuu, woro wee wi yele yeri n yirige lè yébilimi ni n lége wi bìngaari gbɛ̀ɛnmɛ ni lè.

2 Pyɛri 1:10

Koro na ni senyɛ̀nnɛ, kéelee na Kolocɔlɔɔ yele yeri lè, ní wɔ́ɔ̀ yele nyɛ́nɛ n wòlo lè, ye sèʔé yaa ŋàʔaná ye kéeli bee sámaga ye cò cama, yele ga ni gee bee kpéʔele, yele a tée kpírige too nyáana í.

Zyudi 1:1

Mii Zyudi, wi lè Zyezu Kirisi púlo, ní wɔ́ɔ i nyɛ Zyaki cɔnɔɔ, mii a sɛ́bɛw naa tórigo yele ma, yele bele ye nyɛ lè Tofɔw Kolocɔlɔɔ woyeribéle, ní wi syɛɛn-nidaanmabéle, wi si i yele kpáaw wéle Zyezu Kirisi ma.

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»