Wɔrɔmi ye 1:5 - Cebaara Bible 2010

⁵ Woro bárigaw ni Kolocɔlɔɔ kpɔ́ʔɔri kaan wolo ma, ní wɔ́ɔ̀ wolo kpéʔele pìitunbéle wi mɛ́ɛgi kéele na, koro ga pye syɛ́ɛnbèle pèle í da tági syɛɛnfeleyi myɛ ni sáā lúro wi ma,

Wɔrɔmi ye 1:5 Iomraidhean Croise

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Malasyii 1:14

«Námarafɔwee má yaweepɔlɔ nyɛ lè wi yaweeri gboolo ni, á wi nyɔɔfaliga kpéʔele Kàfɔw ma, níì gi wòlo ní tɛɛ̀kalagila yaweele ní, wi n yɛlɛ wi dánga. Níì cán mii i nyɛ fànʔafɔgbɔɔɔ.» Yawe wi lè Nyɛ̀ʔɛni Sùlasiibéle Kafɔlɔ woro wi jo nya, «mii mɛ́ɛgi i nyɛ fyáara yáriga syɛɛnfeleyi nínge ni.

Zyan 1:16

Kpɔ́ʔɔree ti da pye wi ma lè, wo myɛ n tàa taa di ni, wi i di kaangi wolo ma ni taʔala tiyɛɛ na.

Kapyegèle 1:25

koro ga pye wi pye fáliw naa kpéʔelefɔlɔ, si wɔ́ɔ pye pìituɔn Zyudasi sìndɛɛgi ni, woro wee wi fáliw naa cée lè níì kári wi nyɛnɛ tɛ́ɛgi ma.»

Kapyegèle 15:14

«Ni senyɛ̀nnɛ, ye mii syɛ́ɛnri lóʔo! Siimɔn n gi joo wolo ma kánmee na Kolocɔlɔɔ baa gi séli ni syɛɛnfeleyi yiri lè, koro ga pye si pèle nyɛ́nɛ wòlo be níngi ni be pye woro tiimaa wòolo.

Kapyegèle 6:7

A Kolocɔlɔɔ syɛ́ɛnri i caragi ni syée yɛʔɛ̀ ma, pìitamabèle si wɔ́ɔ i nɛʔɛgi gbanʔama Zyerusalɛmi ni, a sáriga-wòlobèle pèle saʔa tága.

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Wɔrɔmi ye 12:3

Mii a gi joo yele myɛ nibin nibin ma kpɔ́ʔɔri báriga ni, dee Kolocɔlɔɔ kaan mii ma lè, si jo ki ga yɛlɛ yele wàa faala í da wiyɛɛ gbɔ́ʔɔgi bi sɔ̀lɔ ki dǎnw na í, kàjáa àmɛɛ Kolocɔlɔɔ tágali tíla tíla yele myɛ nibin nibin na kánmee na lè, ki n yɛlɛ ye yele fúnyi sɔ̀ngurɔ yaʔa di tɛ́ɛn bi yɛlɛ ní tágali bee ní.

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

Wɔrɔmi ye 3:29

Ba yele joo lé Kolocɔlɔɔ i nyɛ Zyefubèle yagana wóo? Wi wɔ́ɔ o nyɛ syɛɛnfeleyi wozanya wóo ì? Ɛɛn, wi wɔ́ɔ i nyɛ syɛɛnfeleyi wozanya wóo.

1 Korɛnti ye 15:10

Kolocɔlɔɔ kpɔ́ʔɔri báriga ni si mii baa pye kánmi naa na mii nyɛ lè níjanʔa, kpɔ́ʔɔri bee wi kaan mii ma lè, ti ga yiri gbanzan í. Níì cán mii n báara n sɔ̀lɔ pe myɛ na. Koro ní ki myɛ ní mii séew báriga ni ban koro kpéʔele í, Kolocɔlɔɔ kpɔ́ʔɔri di nyɛ mii ma.

1 Korɛnti ye 9:2

Kapye mii o nyɛ pìituɔn pèle ma í, mii si tɔ́ɔ i nyɛ pìituɔn yele ma. Níì cán àmɛɛ yele nyɛ lè Kàfɔw ni, gee bee i nyɛ fɛ̀ɛ n gi tɛ̀ɛn mii i nyɛ pìituɔn kányɛʔɛ ni.

Efɛzi ye 1:12

koro ga pye wolo í pye wi nìjangbɔɔri kpɔ̀ʔɔrɔlɔ kánma na, wolo bele wo sélì wo sɔ̀ngumi taʔa lè Kirisi na.

Efɛzi ye 1:6

jàngó wolo í da woro kpɔ̀ʔɔrɔ́ wi kpɔ́ʔɔri nìjangbɔɔrɔ kéele na, dee wi kaan wolo ma lè wi Syɛɛn-nidaanmaw ni, wi lè Kirisi.

Heburubèle 5:9

Amɛɛ si Kolocɔlɔɔ wi sámaga n foro lè, a wi baa pye bàngwɔɔ syɔɔlɔ sábabu bele myɛ ma be lúro wi ma lè.