Wɔrɔmi ye 1:3 - Cebaara Bible 2010

³ Syɛɛnjóocǎnri bee i wi Jáaw kéele nyuu, woro wee wi nyɛ lè Zyezu Kirisi, wi lè wolo Kàfɔw, pe n baa wi see Davidi yòdaʔayi ni céri kàbaan na,

Wɔrɔmi ye 1:3 Iomraidhean Croise

Sélimɛ 3:15

Mii a nigooro lége mɔ ní céw nínge ni, si wɔ́ɔ di lége céw yòdaʔaga ní mɔ wógi nínge ni. Céw yòdaʔaga a mɔ nyúngi tɔ́nʔɔnɔ, Mɔ si a wi nɔn yédeleeli na.»

Ŋúnuyi 2:7

Tíi mii í Yawe kakɔrirɔli joo. Wi n mii pye: «Mɔ wi nyɛ mii Jáaw! Mii wi mɔ see níjanʔa.

Zyeremii 33:26

lǎli bee ni mii a dée gbǎn Zyakɔbi yòdaʔayi ní mii falipyew Davidi yòdaʔayi cée, si láʔa mii a ní dée ra pèle yirigi be ni bele pe a ra tɛ̀ɛ́n Abirahami, ní Izaaki, ní Zyakɔbi yòdaʔayi nyúngo na lè í. Níì cán mii a pe wojo-mí-káribèle lúrugo pan, si ba nyinimɛ taa be na.› »

Amɔsi 9:11

«Cángi bee na Davidi vǒgi gi too lè, mii a ní gi yìrige, mii a gi tɛɛ̀kalagiyi sámaga. Mii a gi gurubɛɛtoori yìrige bi ní gi faan gi pye àmɛɛ ki da sélì pye lè,

Matye 1:1

Zyezu Kirisi wi lè Davidi ní Abirahami jáaw, wi toolɛɛbèle mɛ́ɛyɛ yi nyɛ yee naa.

Matye 1:16

A Zyakɔbi Zyozɛfu see wi da pye lè Marii nǎnw. A Marii Zyezu see, wee be yiri lè Kirisi.

Matye 1:6

A Izayi fànʔafɔw Davidi see. A Davidi Salomɔn see Urii céw na.

Matye 12:23

A syɛ́ɛnmi myɛ i káama gi na níì jo: «A yele jo lé Davidi Jáaw ban wi nyɛ wee naa í?»

Matye 15:22

A Kanaan ye céwaa yìri yaà tɛ́nɛmi bee ni n pan n ba ni yákpoli wáa wi kurugo níì jo: «Kàfɔw, mɔ wi lè Davidi Jáaw, nyinimɛ taa mii na. Mii pìíw wi lè pìcaapile, màdebeeo i nyɛ wi ni.»

Matye 26:63

A Zyezu pyèri. A sáriga-wòlobèle kàfɔgbɔɔɔ wi pye: «Ki n yɛlɛ mi kàli Kolocɔlɔɔ woweew na, mí gi joo wolo ma kányɛʔɛ ni kapye mɔ wi nyɛ Kirisi, Kolocɔlɔɔ Jáaw.»

Matye 27:43

Wi n wi sɔ̀ngumi taʔa Kolocɔlɔɔ na, ki n yɛlɛ Kolocɔlɔɔ í wi syɔɔ tɔ́ɔliw ni, kapye wi kéeli n Kolocɔlɔɔ dɛ́nɛ. Níì cán wi n jo: ‹Mii i nyɛ Kolocɔlɔɔ Jáa.› »

Matye 3:17

A be yákpolo lóʔo nyɛ̀ʔɛni na, a li jo: «Wee naa wi nyɛ mii Pìinidaanmaw, wee kéele li mii dɛ́nɛ lè gbanʔama.»

Matye 9:27

A Zyezu ga yiri nɛɛ bee ni syée, a fúunbéle siin taʔa wi na ní i yákpogèle wáa wi kurugo níì jo: «Davidi jáaw, nyinimɛ taa wolo na.»

Luki 1:35

A nyɛ̀ʔɛni tunduɔn Marii yari: «Pìicǎnni li a pan mɔ ma, wee wi nyɛ lè Pe Myɛ Nyúngo na, woro séew si ba tɔ́n mɔ na. Gee bee na pìicǎnwee mɔ a ba see lè, pe a ra wi yiri Kolocɔlɔɔ Jáaw.

Luki 1:69

Wi n báriga Syɔɔfɔlɔ yirige wi falipyew Davidi yòdaʔayi ni wolo kéeli na,

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 1:34

Mii si n tɔ̀nɔ n baa li nyaa, gee bee na mii gi séeraw kpéʔele níì jo wee naa wi nyɛ Kolocɔlɔɔ Jáaw.»

Zyan 1:49

A Natanayɛli wi pye: «Tamafɔw, jàʔá mɔ wi nyɛ Kolocɔlɔɔ Jáaw ní wɔ́ɔ i nyɛ Isirayɛli ye Fànʔafɔw.»

Zyan 10:30

Mii Tóow ní mii ní wolo i nyɛ nibin.»

Zyan 10:36

mii wee Kolocɔlɔɔ nyɛ́nɛ n wòlo lè n tun naa dulunyanw ni, a yele baa jo, mii i Kolocɔlɔɔ mɛ́ʔɛ kálagi, ncan mii n jo mii i nyɛ wi jaà!

Zyan 20:28

A Toma wi yari: «Mii Kàfɔw, ní mii Kolocɔlɔw!»

Zyan 20:31

Kàjáa kérigèle naa n sɛ́bɛ koro ga pye yele í tága gi na, bi cán Zyezu wi nyɛ Kirisi, Kolocɔlɔɔ Jáaw, jàngó yele ga tága kánmi bee na, yele í sìi taa wi mɛ́ɛgi na.

Zyan 5:25

Mii a ní gi joo yele ma kányɛʔɛ ni, làlaa i maa, li si n tɔ̀nɔ n nan n kwɔ́ɔ, lee ni kúbèle a Kolocɔlɔɔ Jáaw yákpolo lóʔo lè. Bele pe ga li lóʔo lè, poro a sìi taa.

Zyan 7:42

Ki o nyuu Kolocɔlɔɔ syɛɛnsɛbɛri ni níì jo, Kirisi a kɔ́ ba yiri Davidi yòdaʔayi ni ì, ní níì jo, wi a yìri Bɛtilehɛmi ma, ki lè Davidi kěgi ì?»

Kapyegèle 2:30

Amɛɛ wi da pye lè kanyaajooo níì gi cán Kolocɔlɔɔ maa gi joo woro ma, fwɔɔ n kàli gi na níì jo, wi a ba woro yòdaʔagaa télege woro fàngoli na,

Kapyegèle 3:13

Abirahami, ní Izaaki, ní Zyakɔbi Kolocɔlɔw wi lè wolo tóolɛɛbèle Kolocɔlɔɔ, woro wi nìjangbɔɔri taʔa wi falipyew Zyezu na, wee yele da le wi nigoobèle kɔ́yɔ ni lè, ní wɔ́ɔ̀ wi cée Pilati yɛ́ʔɛ ma, lǎli ni wi da joo wi a wi yaʔa waa syée lè.

Kapyegèle 8:36

A pe ga ni syée kólogi na n sáà nan lògaa na, a nìgbɛɛnnanw jo: «Wéle, lògaa gi gee. Nyàʔá ki a ní mii yérige batɛmiw kpéʔelele na?»

Kapyegèle 9:20

ní i Zyezu kéeli nyuu ni máari Zyefubèle sérikpaaya ni níì jo: «Zyezu wi nyɛ Kolocɔlɔɔ Jáaw.»

Wɔrɔmi ye 1:9

Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.

Wɔrɔmi ye 4:1

Nyàʔá si wolo a joo Abirahami kéeli na, wi lè wolo tóolɛɛw céri kàbaan na? Mɛ̀ɛ́ ki baa pye wi ma n sɛ́ɛ?

Wɔrɔmi ye 9:3

Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na.

Wɔrɔmi ye 9:5

Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

1 Korɛnti ye 1:9

Kolocɔlɔɔ i nyɛ tágala syɔ́ɔn, woro wee wi yele yeri lè n baa pínɛ n pye nibin wi Jáaw Zyezu Kirisi ni, wi lè wolo Kàfɔw.

1 Korɛnti ye 10:18

Bele be nyɛ lè Isirayɛli ye, céri kàbaan na, ye bele bee kéele wéle, poro bele be sárigaw káara káa lè, pe o nyɛ ní Kolocɔlɔɔ ní pínɛnyɛnnɛgɛ na ì, woro wee mɛ́ʔɛ na be sáriga-wòlo-yafaangi faan lè ì?

Galasi ye 4:4

Kàjáa àmɛɛ lǎli baa foro lè, a Kolocɔlɔɔ wi Jáaw tórigo, a cɔlɔɔ baa wi see, wi n see Mowizi làlwaw làla ni,

1 Tesaloniki ye 1:10

ní i wi Jáaw sige bi taa wi yìri nyɛ̀ʔɛni na bi pan, woro wee Kolocɔlɔɔ da nyán n yirige kúbèle nínge ni lè, woro wi nyɛ Zyezu, wee wi wo syoo lè fundanʔari ma di maa lè.

1 Timɔte 2:5

Níì cán Kolocɔlɔɔ nibin wi yaà, kùsuluo nibin si wɔ́ɔ i yaà Kolocɔlɔɔ ní syɛ́ɛnbèle nínge ni, wi i nyɛ syɔɔn, woro wi nyɛ Kirisi Zyezu,

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

2 Timɔte 2:8

Sɔ̀ngi mi taa Zyezu Kirisi na wi lè Davidi yòdaʔagi, wi n nyán n yiri kúbèle nínge ni n yɛlɛ ní Syɛɛnjóocǎnri ní mii nyuu lè,

1 Zyan 1:3

gee si wolo nyaa lè, ní gee wolo lóʔo lè, gee bee wolo wɔ́ɔ̄ nyuu yele ma, koro ga pye yele si wɔ́ɔ pye ní wolo ní pínɛnyɛnnɛgi ni. Pínɛnyɛnnɛgi ni wolo nyɛ lè koro gi nyɛ Tofɔw, ní wi Jáaw Zyezu Kirisi wógi.

1 Zyan 3:23

Dee naa di nyɛ wi tundunri, wi n jo, ki n yɛlɛ wo tága woro Jáaw Zyezu Kirisi mɛ́ɛgi na, wó tàmaga le ní woyɛɛ ní àmɛɛ Kirisi da gi joo n gbàn wolo ma lè.

1 Zyan 3:8

Wee si wi kòro ni kapeegèle kpéʔele lè, wee bee i nyɛ Dàzɔɔnw wóo, níì cán Dazɔɔnw i kapeegèle kpéʔele nlaa yaà gi sélimi na. Gee bee gi gi kaan a Kolocɔlɔɔ Jáaw baa wiyɛɛ dɛ̀ɛn koro ga pye bi Dazɔɔnw kapyegèlē kálagi.

1 Zyan 4:15

Syɔ́ɔnwee ga gi fílige n joo lè níì jo Zyezu wi nyɛ Kolocɔlɔɔ Jáaw, Kolocɔlɔɔ i nyɛ wee bee ni, wee bee si wɔ́ɔ i nyɛ Kolocɔlɔɔ ni.

1 Zyan 5:1

Syɔ́ɔnwee faala wi tága lè gi na ncan Zyezu wi nyɛ Kirisi, wee bee i nyɛ Kolocɔlɔɔ pyà, wee si ga tàmaga le lè ní Tofɔw ní, wee bee a wɔ́ɔ tàmaga le ní Tofɔw pìibēle ní.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

1 Zyan 5:5

Wìí wi a gbǎn dulunyanw jáa, kapye wee ban wi tága lè gi na ncan Zyezu wi nyɛ Kolocɔlɔɔ Jáaw lè í?

2 Zyan 1:7

Jànvaafɔɔlɔ saʔa n cariga dulunyanw ni, poro bele be nyɛ lè pe ga yére gi ni n jo Zyezu Kirisi n pan cere ni lè í. Syɔ́ɔnwee wi ga pye ànbée lè, wee bee wi nyɛ jànvaafɔw, ní Kirisi nigoow.

Tɛ̀ɛnnɛ 2:18

«Dee naa sɛ́bɛ mi tórigo Tyatiiri Egiliziw tunduɔn ma, mí wi pye: ‹Kolocɔlɔɔ Jáaw wi kérigèle naa joo, woro wee nyapiigéle ge nyɛ àmɛɛ naanyìnge nyɛ lè, wi tɔ́lɔyi si i nyɛ àmɛɛ kanyɛɛnrɛ nyɛ lè, dee be gbàla lè naakpɔʔɔ ni a di nyɔɔ ni nyɛ́ʔɛnɛ, woro wi jo: