Wɔrɔmi ye 1:25 - Cebaara Bible 2010

²⁵ poro bele be Kolocɔlɔɔ kányɛɛgi fàli lè jànvaaw na. Yáriree Kolocɔlɔɔ faan lè, pe n ba ni dee bee kpɔ̀ʔɔrɔ́ ní i di fáliw kpéʔele. Pe si ga fɔ̀lɔ ni di Faanfɔw kpɔ̀ʔɔrɔ́ í, woro wee wi yɛlɛ lè ní kpɔ̀ʔɔrɔli ní làla o làla. Amiina!

Wɔrɔmi ye 1:25 Iomraidhean Croise

Ŋúnuyi 72:19

Wi nìjangbɔɔri mɛ́ʔɛ n yɛlɛ ní kpɔ̀ʔɔrɔlɔ ní làla o làla! Tári myɛ n yɛlɛ bi nyìn wi nìjangbɔɔri na! Amiina! Amiina!

Ezayi 44:20

Cɔ́ɔngi mùgulo n wi dɛ́nɛ, wi funnaa-sìnzingi i wi pùuní. Wi a gbǎn wiyɛɛ sìíw syɔɔ í, wi a tée gi joo í si jo: «Gee gi nyɛ mii kɔ́gi ni lè, jànvaa yáriga ban gi nyɛ ì?»

Zyeremii 13:25

Wéle, gee bee ki a ba pye mɔ na, lɛɛli mii tímana bi ba kaan mɔ ma lè, loro lii,» Yawe wi jo nya, «níì cán mɔ n fɛ̀ʔɛ mii na, níì mɔ sɔngumi taʔa jànvaa yáriga na.

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Amɔsi 2:4

Yawe wi gee naa joo níì jo: «Zyuda kapeeyi taanri kéele na, àlí yi caa i nyɛ sicɛrɛ, gee mii joo n ceri lè, mii a gi sàa í. Níì cán pe n Yawe làlwaw cée pe ga wi làlwaw kèlē kɔn í. Níì cán pe n peyɛɛ yaʔa a jànváa yáriyi be pùuni, yoro yee na be toolɛɛbèle da peyɛɛ daʔa lè a yi be pùuni.

Habakuki 2:18

Nyàʔá ǹdedanga a nyɔɔ, á koro gi yaʔa fáliw kacaɔn í gi tan, ní tunmɔgbalara màdeo, wee wi jànvaa tamana kaangi lè, á koro gi yaʔa fáliw kacaɔn wi wi sámaga lè, woro í wiyɛɛ daʔa wi na, si kòro bàā jànvaa kolocɔlɔbèle sámagi, poro bele be lè pe o nyuu í?

Matye 10:37

Syɔ́ɔnwee faala wi ga wi tóow, wàlá wi nɔ́ɔw kéele yaʔa a li wi dɛ́nɛ n sɔ̀lɔ mii wóli na lè, wee bee ga nyɔɔ n yɛlɛ bi pye mii wóo í. Wee pyà ga pye lè nàɔn, wàlá cɔlɔɔ yoo, á wi wi kéeli yaʔa a li wi dɛ́nɛ n sɔ̀lɔ mii wóli na, wee bee ga nyɔɔ n yɛlɛ bi pye mii wóo í.

Matye 6:24

«Syɔɔn faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ. Wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.

Zyan 2:8

A Zyezu níì be pye: «Ye kàa kóo tɔ́ɔliw ni ye sa kaan cèpɔrigi lìile lɛɛfɔlɔ ma.» A be gi kóo n sáà kaan wi ma.

Wɔrɔmi ye 1:18

Kolocɔlɔɔ i wi fundanʔari tèé, dee di yìrigí lè nyɛ̀ʔɛni na n ba ni tuun syɛ́ɛnbèle na, bele be lè pe o fɛ̀ɛgí Kolocɔlɔɔ na í, ní i kakolobyeri féleye myɛ kpéʔele, pe kakolobyeri báriga ni pe kányɛɛgi yéregi, ki o syée yɛʔɛ̀ ma í.

Wɔrɔmi ye 1:23

Nìjangbɔɔri di nyɛ lè bànguu Kolocɔlɔw ma, pe ga fɔ̀lɔ ni dee bee córo í, ní i syɛ́ɛnbèle kɔ́yɔ yasamagara kpɔ̀ʔɔrɔ́ ti sìndɛɛgi ni, yasamagari bee i nyɛ syɔɔn niwirige wi lè yakuugo, ní féjɛɛnri, ní tɔlɔyɔ sicɛrɛ-jɛrɛ yaweeri niwiriye n fàra dee na di fulolo lè.

Wɔrɔmi ye 9:5

Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

2 Korɛnti ye 11:31

Kàfɔw Zyezu Kolocɔlɔw, wi lè wi Tóow, woro wee wi lè dùbanaa-bàngwɔɔw fɔ́lɔ, woro n gi cán mii o finɛ í!

Efɛzi ye 3:21

wee bee na nìjangbɔɔri yɛlɛ Egiliziw ni, ní wɔ́ɔ̀ yɛlɛ wi na Kirisi Zyezu ni làrigèle myɛ ni kwɔ́ɔmɔ fun. Amiina.

1 Tesaloniki ye 1:9

Pe tiimaa i gi nyuu àmɛɛ yele da fɔ̀lɔ wolo na lè, ní àmɛɛ yele yasunyi yaʔa lè níì kàri Kolocɔlɔɔ ma ni Kolocɔlɔɔ woweew fáli kpéʔele, wi lè Kolocɔlɔɔ wodelew,

1 Timɔte 1:11

Tamajanni bee n yɛlɛ ní nìjanri syɛɛnjóocànra ní, ti nyɛ lè dùbaw Kolocɔlɔɔ wóri, dee wi kàlifáa mii ma lè.

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

2 Timɔte 3:4

pe a ra be syɛɛnnyɛnbèle nii kɔyɔ ni, sáā pe nyɛnɛ kérigèle kpéʔele, sáā peyɛɛ gbɔ́ʔɔgi, nyáanagbɛ kérigèle a be dɛ́nɛ bi sɔ̀lɔ Kolocɔlɔɔ na.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.