Wɔrɔmi ye 1:23 - Cebaara Bible 2010

²³ Nìjangbɔɔri di nyɛ lè bànguu Kolocɔlɔw ma, pe ga fɔ̀lɔ ni dee bee córo í, ní i syɛ́ɛnbèle kɔ́yɔ yasamagara kpɔ̀ʔɔrɔ́ ti sìndɛɛgi ni, yasamagari bee i nyɛ syɔɔn niwirige wi lè yakuugo, ní féjɛɛnri, ní tɔlɔyɔ sicɛrɛ-jɛrɛ yaweeri niwiriye n fàra dee na di fulolo lè.

Wɔrɔmi ye 1:23 Iomraidhean Croise

Ŋúnuyi 106:20

Pe n be nìjanri fàli nɔ̀ɔ niwirige na, wee wi nyàági káa lè.

Ezayi 40:18

Wìí ní yele caa bi Kolocɔlɔɔ tímana? Yarigìí niwirige ní yele a wi tímana?

Ezayi 40:26

Ye nyapiigèle yìrige yaa wéle ǹjoʔo ma! Wìí wi yáriri bee sámaga, kapye wee wi ŋɔripiigèle sámaga n taani keyɛɛ na lè woro ban í? Wi i ke myɛ nibin nibin yiri ke mɛ́ɛyi na. Wi fàngbɔɔgi, ní wi séekpɔɔw báriga ni, yafyɛn o fɔ̀ngí ge ni í.

Ezayi 44:13

Tiitanw i mɛ́ɛnni cáan gi na, si gi kán màʔa ní làkirɛ ní si gi tan ní kátanna ní, si gi láʔagèle wòlo ní kátanzɔɔnw ní, ki syɔɔn wíri, si gi sámaga gi nyɔɔ bi pye àmɛɛ syɔɔn nyɛ lè, jàngó gi pye kpaʔa ni.

Zyeremii 2:11

A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Ezekyɛli 8:10

A mii jée ní i wéle, a mii yafulolori niwiriye féleye myɛ, ní yawee-nɔ́nʔɔyi niwiriye féleye myɛ nyaa, Isirayɛli kpáagi wòolo yasunyo myɛ si i nyɛ wogánʔana-wòloyo ní tǒw na n wi màʔa.

Kapyegèle 10:12

Tɔ́lɔyi sicɛrɛ-jɛrɛ yaweere ti nyɛ lè tári na, ní dee ní di fulolo lè, n náà fàra féjɛɛnri na, dee bee féleye myɛ maa pye gi fúngi ni.

Kapyegèle 17:29

Amɛɛ si wolo nyɛ lè Kolocɔlɔɔ yòdaʔaya, ki ga yɛlɛ wolo í da sɔ̀ngí si jo Kolocɔlɔɔ n yasungo wíri í, tɛɛ̀ wóʔo yoo, wálifiio wóʔo yoo, kàdɛnɛgɛ wóʔo yoo, toro dee syɛ́ɛnbèle sámagi lè ní be sícilimi ní, be funzɔngumi na.

Wɔrɔmi ye 1:25

poro bele be Kolocɔlɔɔ kányɛɛgi fàli lè jànvaaw na. Yáriree Kolocɔlɔɔ faan lè, pe n ba ni dee bee kpɔ̀ʔɔrɔ́ ní i di fáliw kpéʔele. Pe si ga fɔ̀lɔ ni di Faanfɔw kpɔ̀ʔɔrɔ́ í, woro wee wi yɛlɛ lè ní kpɔ̀ʔɔrɔli ní làla o làla. Amiina!

1 Korɛnti ye 12:2

Yele n gi cán àmɛɛ yele da pye lè sìndagabéle, pe maa yele pùuni, a yele kólogi yaʔa, níì taʔa yasunyi na yi lè yi o nyuu í.

Làlwaw Kaanziin 5:8

Mɔ a kɔ́ yasungo sámaga í. Yáriri di nyɛ lè nyɛ̀ʔɛni na ǹjogi ni, ní dee ní di nyɛ lè naa tári na, ní dee di nyɛ lè lǒyi fúngo ni yaà tári táàma, mɔ a kɔ́ gee bee kàa faala niwirige tan í.

1 Pyɛri 4:3

Làrigèle gele yele kwɔ́ɔ n kwɔ́ɔ lè syɛɛnfeleyi nyɛ́nɛ kèlē ni, gele bee n nɛʔɛ n yɛlɛ n kwɔ́ɔ, àmɛɛ yele da ni kanɔnʔɔbeeri, ní yele ki laànitaagi kèlē, ní singbaadinri, ní kakolobyeri, ní singbaari fɛ́tiibéle kpéʔele lè n fàra yasunzunbeeri na.

Tɛ̀ɛnnɛ 9:20

Syɛ́ɛnbèle bele si be kòro lè, yapeeyi bee ga be taa n kpóo í, pe ga fɔ̀lɔ n kàdoʔo wáa be kɔ́yi yakpéʔelere ma í. Gee bee n jo pe ga fɔ̀lɔ bi láʔa màdebèle, ní yasunyi kpɔ̀ʔɔrɔlɔ na í, yee yi nyɛ lè tɛ́ɛw, wàlá wálifiiw, wàlá kanyɛɛnri, wàlá kàdɛnɛyi, wàlá tíiri, yáriree di nyɛ lè ti o nyaagi í, ti o lúro í, ti si wɔ́ɔ o táanri í.