Wɔrɔmi ye 1:21 - Cebaara Bible 2010

²¹ níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

Wɔrɔmi ye 1:21 Iomraidhean Croise

Sélimɛ 6:5

A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

1 Fànʔafɔbèle 20:23

A Sirii fànʔafɔw falipyebèlē wi pye: «Pe kolocɔlɔw i nyɛ nyanbeleyi kolocɔlɔɔ, koro na be wolo jáa. Wo kapɛɛnni kpúmɔn ní be ní jǐnlɔgi ni, wó gi wéle kapye wolo a tɔ̀nɔ́ be jáa í.

2 Fànʔafɔbèle 17:15

A be wi kajoogèle cée, n fàra joogaanni na, lee wi da kpéʔele ní be toolɛɛbèle ní lè, ní kérigèle gele na wi be sàmi lè. A be peyɛɛ daʔa gbanzan yáriyi na, fwɔɔ n peyɛɛ kàriga n pye gbanzan yáriya. Syɛɛnfeleyee yi be màʔa lè, a be i yee bee tɛ́ɛlɛ, bi gi taa Yawe maa be pye pe a kɔ́ ra syɛɛnfeleyi bee tɛ́ɛlɛ í.

Ŋúnuyi 50:23

Syɔ́ɔnwee wi bariga kaanni sáriga wóo lè, wee bee i mii kpɔ́ʔɔgi, wee wi wi tánʔaganmi kɔ̀rɔsíi lè, woro na mii a syɔɔli tɛ̀ɛn, lee Kolocɔlɔɔ kaangi lè.»

Ŋúnuyi 81:12

Kàjáa mii syɛ́ɛnbèle ga mii yákpoli lóʔo í, Isirayɛli ye ga fɔ̀lɔ ni mii caa í.

Ŋúnuyi 86:9

Syɛɛnfeleyee myɛ mɔ sámaga lè, yee bee a ra maa bi ba ra tíri da tuun mɔ yɛ́ʔɛ ma, Kàfɔw, yi a ra mɔ mɛ́ɛgi kpɔ̀ʔɔrɔ́.

Syɛɛnjóow 7:29

Gee si mii baa nyaa lè koro gi nyɛ: ncan Kolocɔlɔɔ n syɔɔn ye sámaga syɛɛnsinbéle, á pe baa kanmaa saʔa caa n gi gbàn peyɛɛ ma.

Ezayi 60:2

Níì cán wéle, yébilimi i tári tɔ́ngi ni syée, yébiliwɔɔli i syɛɛnfeleyi tɔ́ngi. Kàjáa mɔ má Yawe gbɛ̀ɛ́nmi yirigi, mɔ njogi ni wi nìjangbɔɔri tiyɛɛ dèé.

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Zyeremii 17:9

Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Zyeremii 2:5

Yawe wi syɛ́ɛnri naa joo níì jo: «Sìnzinmìí félege yele tóobèle nyaa mii na, a koro be kaan a be léeli mii na, ní sáà peyɛɛ bwɔɔ gbanzan yáriyi na, a poro tiimaw baa pye gbanzan yáriya?

Zyeremii 9:14

Koro na Nyɛ̀ʔɛni Sùlasiibéle Kafɔlɔ Yawe, wi lè Isirayɛli Kolocɔlɔw, woro wi syɛ́ɛnri naa joo níì jo: «Wéle, mii a kòbi kaan syɛ́ɛnbèle naa ma pe lìíli, si tɔnmɔ lɔ́ʔɔ kaan be ma pe gbaa.

Ezekyɛli 14:5

Kánmi bee na Isirayɛli kpáagi wòolo be léeli mii na lè be yasunyi myɛ kéele na, pe a cò be tiimaa fúnyi ni.›

Ezekyɛli 20:25

Mii si wi wɔ́ɔ baa làlwaw kèlē kaan be ma, gele ge lè ke da nyɔɔ í, ní kajoodɛɛngèle, gele báriga ni pe da pye bi gbǎn kòro sìi na lè í.

Oze sɛ́bɛw 2:8

Gee bee na wéle, mii a wi kólogi tɔ́n ní wúuro tiipiire ní, mii a gi faan sùlu ní gungo ní jàngó wi a ní kɔ́ wi kobiigèle caa nyaa í.

Zyan 3:19

Wee naa wi nyɛ kútiiw, gbɛ̀ɛ́nmi n pan dulunyanw ni, koro ní ki myɛ ní a yébilimi baa syɛ́ɛnbèle dɛ́nɛ n sɔ̀lɔ gbɛ̀ɛ́nmi na, níì cán be kapyegèle ga nyɔɔ í.

Kapyegèle 26:18

Mii a mɔ tun be ma mɔ í sa be nyapiigèle paʔala, koro ga pye pe yiri yébilimi ni bi jée gbɛ̀ɛ́nmi ni, pé wɔ́ɔ kàdoʔo wáa Sutanaw fànʔa ma si kàri Kolocɔlɔɔ ma, koro ga pye wi be kapeegèle kùsulugo syɔɔ, pé wɔ́ɔ pínɛ kɔ́rigi taa ní syɛ́ɛnbèle ní, bele Kolocɔlɔɔ sámaga n yaʔa wiyɛɛ ma lè, àmɛɛ be tága mii na lè.›

Wɔrɔmi ye 1:19

Níì cán gee pe a gbǎn cán lè Kolocɔlɔɔ kéeli na, ki n fílige be ma. Ncan Kolocɔlɔɔ n gi fílige n tɛ̀ɛn be na.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 11:10

Ki n yɛlɛ pe nyapiigèle í tɔ́n koro ga pye pe a kɔ́ ra nyaagi í, pe kàdoyi si kòro woguruyo ní làrigèle myɛ ni.»

Wɔrɔmi ye 15:9

syɛɛnfeleyi wozanya si wɔ́ɔ ra Kolocɔlɔɔ kpɔ̀ʔɔrɔ́ wi nyínimi kéele na, àmɛɛ gi sɛ́bɛ lè níì jo: «Gee bee na mii a ra mɔ kpɔ̀ʔɔrɔ́ syɛɛnfeleyi nínge ni. Sáā kpɔ̀ʔɔrɔli ŋúnuyo ŋúu mɔ mɛ́ɛgi na.»

Làlwaw Kaanziin 28:29

Mɔ a ra tala da máari bi cángi yaʔa nyùngo ni àmɛɛ fúuɔn gáā tala ni máari yébilimɛ ni lè. Mɔ katimanagèle a ra forogi í. Mɔ a pye canʔa o canʔa paa fǎngi gbàngí mɔ na si wɔ́ɔ ra mɔ yáriri koli, syɔɔfɔlɔ a tée taa mɔ na í.

2 Timɔte 3:2

Níì cán syɛ́ɛnbèle a ba ra peyɛɛ nyɔɔmi yagana caa, pe a ba peyɛɛ daʔa wáliw na, sáā joogbɔɔmi nyuu, sáā peyɛɛ nyɛ́nɛ, si wɔ́ɔ ra Kolocɔlɔɔ mɛ́ɛgi kálagi, pe a ra pe seefɔbèle cèʔé, si pye sɔ̀ngumɔ-fùnvɔɔlɔ, si wɔ́ɔ pye Kolocɔlɔɔ yɛ́ʔɛnaa-sìnvyaabéle,

1 Pyɛri 1:18

Níì cán yele n gi cán àmɛɛ wi yele syɔɔ lè yele gbanzan tánʔaganmi ma, bee yele taa lè yele tóolɛɛbèle ma, wi ga yele syɔɔ ní yakwɔɔrɔ ní í, àmɛɛ wálifiiw ní tɛ́ɛw nyɛ lè.

1 Pyɛri 2:9

Yele si i nyɛ syɛɛnfelegaa, gee Kolocɔlɔɔ nyɛ́nɛ n wòlo lè, ní i nyɛ wi fǎngi sáriga-wòlobēle, ní ní i nyɛ syɛɛncanbéle, bele Kolocɔlɔɔ sámaga n yaʔa wiyɛɛ ma lè, ní wɔ́ɔ i nyɛ wi tiimaa syɛ̀ɛnnɛ, koro ga pye yele í da woro nyɔɔ-mí-foroli kèlē nyuu, woro wee wi yele yeri n yirige lè yébilimi ni n lége wi bìngaari gbɛ̀ɛnmɛ ni lè.

Tɛ̀ɛnnɛ 14:7

A wi i gi nyuu ni yákpoli wáa níì jo: «Yaa fɛ̀ɛgí Kolocɔlɔɔ na, yáā wi mɛ́ɛgi kpɔ́ʔɔgi, ncan wi kútiiw làrijerile n nan. Yaa wi kpɔ̀ʔɔrɔ́ woro wee wi nyɛ̀ʔɛni, ní tári, ní sólomi lɔ̀ʔɔ, ní lǒgi púloweegéle kpéʔele lè.»

Tɛ̀ɛnnɛ 15:4

Kàfɔw, wìí wi nyɛ wee wi lè wi a ra fɛ̀ɛgí mɔ na í? Ba wìí wi nyɛ wi a ra mɔ mɛ́ɛgi kpɔ́ʔɔgi í? Níì cán mɔ nibin wi sín. Syɛɛnfeleyi myɛ a ba ra mɔ kpɔ̀ʔɔrɔ́, àmɛɛ mɔ mɔ kapyezingèle tɛ̀ɛn lè.»