Wɔrɔmi ye 1:18 - Cebaara Bible 2010

¹⁸ Kolocɔlɔɔ i wi fundanʔari tèé, dee di yìrigí lè nyɛ̀ʔɛni na n ba ni tuun syɛ́ɛnbèle na, bele be lè pe o fɛ̀ɛgí Kolocɔlɔɔ na í, ní i kakolobyeri féleye myɛ kpéʔele, pe kakolobyeri báriga ni pe kányɛɛgi yéregi, ki o syée yɛʔɛ̀ ma í.

Wɔrɔmi ye 1:18 Iomraidhean Croise

Yirile 23:7

Mɔ a kɔ́ yére jànvaa syɛɛnjóoro ni í. Mɔ a kɔ́ tɛɛlɛ fun syɔ́ɔn, wàlá syɛɛnsiɔn kpóo í. Níì cán mii a tée syɛɛnpeeo córo bi jo wi n sín í.

Wɔrɔmi ye 1:19

Níì cán gee pe a gbǎn cán lè Kolocɔlɔɔ kéeli na, ki n fílige be ma. Ncan Kolocɔlɔɔ n gi fílige n tɛ̀ɛn be na.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 1:32

Bi gi taa gee Kolocɔlɔɔ joo lè kérigèle bee na wi nyɔɔsyɛɛnri ni, pe n gee bee fílige n cán, níì cán wi n jo: Bele be kérigèle bee félege kpéʔele lè, pe n yɛlɛ ní kùu ní, a be sèʔê fala kérigèle bee kurugo ni kpéʔele, àlí bele be kérigèle bee wonijangéle kpéʔele lè, pe i bele bee sòoló ke kpéʔeleli na.

Wɔrɔmi ye 2:3

Bele be kérigèle bee kpéʔele lè, mɔ syɔ́ɔnwee mi miyɛɛ bye lè bele bee kútiijooo, bi gi taa mɔ wɔ́ɔ i kérigèle bee wonijangéle kpéʔele, a mɔ i sɔ̀ngí lé mɔ a syɔɔ Kolocɔlɔɔ kútiiw ma?

Wɔrɔmi ye 3:9

Ki ga pye nya, wolo bele wo nyɛ lè Zyefubèle, a gee bee joo lé wolo n sɔ̀lɔ syɛɛnsanbèle na? Eʔe, wolo ga sɔ̀lɔ be na í. Níì cán wolo n gi fílige n joo n kwɔ́ɔ níì jo Zyefubèle ní syɛɛnfeleyi wozanya myɛ i nyɛ kapeebyeri kɔ́yɔ ni,

Wɔrɔmi ye 4:15

Níì cán làlwaw wi maa ní Kolocɔlɔɔ fundanʔari ní, làlwaw si ga pye wi o nyɛ tɛ́ɛgee ni lè í, wi céemɛ o wɔ́ɔ̄ nyɛ tɛ́ɛgi bee ni í.

Wɔrɔmi ye 5:6

Kányɛʔɛ na lǎli ni wolo da sèʔê pye lè báriga fun, a lǎli ga baa nan, lee Kolocɔlɔɔ da kɔ̀rirɔ n tɛ́ʔɛ lè, a Kirisi baa kùu Kolocɔlɔɔ yɛ́ʔɛnaa-sìnvyaabèle kéele na.

Wɔrɔmi ye 5:9

Koro na àmɛɛ wolo sínni taa lè Kirisi sìsyaanw wolo báriga ni, gee bee na wolo a ba syɔɔ kányɛʔɛ ni Kolocɔlɔɔ fundanʔari ma woro bárigaw ni.

Wɔrɔmi ye 6:13

Ki ga wɔ́ɔ̀ yɛlɛ yele í ní yele céri tɛ́ɛyɛ yaʔa kapeebyeri kɔ́yɔ ni bi yi kpéʔele kakolobyeri falipye-yarira í. Kàjáa ki n yɛlɛ ye yeyɛɛ gaan Kolocɔlɔɔ ma bi pye àmɛɛ syɛ́ɛnbèle pèle nyɛ lè, bele be nyán n yiri kúbèle nínge ni lè n pye sìi na, yé yele céri tɛ́ɛyɛ kaan Kolocɔlɔɔ ma yi pye sínni falipye-yarira.

Efɛzi ye 5:6

Ki ga yɛlɛ syɔɔn faala í kɔ́ yele fáana pùuni ní gbanzan syɛ́ɛnrɛ ní í, níì cán kérigèle bee ge Kolocɔlɔɔ fundanʔari yaari ti i tuun wi syɛ́ɛnri céefɔɔlɔ na.

Kɔlɔsi ye 3:6

Koro gi Kolocɔlɔɔ fundanʔari yaari a ti i tuun [wi syɛ́ɛnri céefɔɔlɔ na].

2 Tesaloniki ye 2:10

wi a wɔ́ɔ ba ra kanaa-sìnzinri féleye myɛ téeri bàā syɛ́ɛnbèle fáana da pùuní, bele pe a kálagi lè, níì cán pe ga fɔ̀lɔ n kányɛɛgi yaʔa a gi be dɛ́nɛ í, jàngó poro í syɔɔ í.

2 Tesaloniki ye 2:6

Yele n gi cán tɔ́ɔliw ni, gee gi Kapeegèle Syɔ́ɔn yérige lè koro ga pye wi wi làridɛ̀ɛ́nni sige.