Wɔrɔmi ye 1:16 - Cebaara Bible 2010

¹⁶ Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 1:16 Iomraidhean Croise

Ŋúnuyi 110:2

Yawe a mɔ fangi kàgbeele nyáʔana Siyɔn ni. Tɛ́ɛn fǎngi na mɔ nigoobèle nínge ni!

Ŋúnuyi 119:46

Mii a ra mɔ kajoogèle nyuu fànʔafɔbèle nyɛ́nɛ na, fɛ̀ɛrɛ si a tée mii taa í.

Ezayi 53:1

Gee ki da joo wolo ma lè, wìí wi tága gi na? Ba wìí syɔ́ɔn na Yawe kɔ́gi kiyɛɛ dɛ̀ɛn?

Zyeremii 23:29

«Mii syɛ́ɛnri o nyɛ àmɛɛ naà nyɛ lè ì, ní àmɛɛ màrito nyɛ, wee wi fálaga jee lè ì?» Yawe wi jo nya.

Mariki 8:38

Níì cán wee wi ga ni fɛ̀ɛrɛ kpéʔele lè tɔ́ɔliw naa kanɔnʔɔbyebèlē nínge ni mii kéeli na, ní mii syɛ́ɛnri kéele na mii joo lè, Syɔɔn-pya a wɔ́ɔ ba fɛ̀ɛrɛ kpéʔele wee bee kéele na lǎli ni wi ga ni maa wi Tóow nìjangbɔɔrɔ ni lè ní wi tundunjanbèle ní.»

Luki 9:26

Níì cán wee wi ga ni fɛ̀ɛrɛ kpéʔele mii kéeli na lè, ní mii syɛ́ɛnri ní mii joo lè, Syɔɔn-pya a ba fɛ̀ɛrɛ kpéʔele wee bee kéele na lǎli ni wi ga ni maa lè wi tiimaa nìjangbɔɔri ni, ní wi Tóow nìjangbɔɔrɔ, ní wi tundunjanbèle wóro ní.

Zyan 7:35

Lǎli bee ni a Zyefubèle i gi nyuu peyɛɛ ma níì jo: «Sán woro a zǐn kári níì jo wolo a ní woro nyaa í? A wi a tɔ̀ʔɔ́ kári lé wolo Zyefunyɛnbèle kurugo, bele be cariga lè n kári n sáà tɛ́ɛn ní syɛɛnfeleyaa ní yi lè Girɛkibèle, sáā bele bee tama yaà láà?

Kapyegèle 3:26

Yele má Kolocɔlɔɔ da sélì wi falipyew tun, wee wi da nyɛ́nɛ n wòlo lè, koro ga pye wi ba dùbaw kpéʔele yele ma, si yele myɛ nibin nibin kàriga bi yirige yele kakolobyeri ni.»

Wɔrɔmi ye 10:17

Kánmi bee na tágali i taagi syɛ́ɛnri lóʔolo báriga ni, lóʔoli si i taagi Kirisi syɛ́ɛnri joolo báriga ni.

Wɔrɔmi ye 15:19

Kirisi n gee bee myɛ kpéʔele fɛ̀ɛ́bèle ní kakpoloyi báriga ni, ní Pìicǎnni báriga ni fwɔɔ n taa a mii wi Syɛɛnjóocǎnri joo n foro tɛ́ɛyi myɛ ni nlaa Zyerusalɛmi ma n taa n sáà nan Ilirii na.

Wɔrɔmi ye 15:29

Mii n gi cán mii ga kári yaà yele ma lǎlee ni lè, mii a kári ní Kirisi dùbanɛʔɛw ní.

Wɔrɔmi ye 2:9

Bele myɛ be nyɛ lè kakolobyebèle, wɔʔɔgɔ ní funjurugoro a ba too bele bee na, ki si a séli Zyefubèle na gbɛnʔɛnɛ, si náa nan syɛɛnfeleyi wozanya na.

Wɔrɔmi ye 4:11

Koro kàdoʔo ma a wi náà kɛ́nɛw kpéʔele, a kɛ́nɛw bee pye fɛ̀ɛ bi gi tɛ̀ɛn ncan wi maa sínni taa tágali báriga ni n wi yaʔa sìngɛnɛ ni. Amɛɛ gi pye lè nya, koro na bele be tági lè ní si i nyɛ sìngɛnɛ ni, Abirahami i nyɛ bele bee myɛ tóo, jàngó sínni í wɔ́ɔ córo bele bee ma.

1 Korɛnti ye 15:2

toro dee báriga ni yele wɔ́ɔ̀ syɔɔ lè, ní kapye yele n di kɔn n yɛlɛ ní gi ní àmɛɛ mii da di joo yele ma lè. Kapye koro ban í, yele tágali a pye gbanzan.

1 Korɛnti ye 2:2

Níì cán n mii yaʔa yele níngi ni, mii maa gi tímana mii fúngi ni n gi nyaa, ki ga yɛlɛ mii í kɔ́ yarigaa nikwɔɔ joo yele ma í, kapye Zyezu Kirisi kéeli ban í, àmɛɛ wi kùu lè tiiparigi na.

1 Korɛnti ye 2:4

Tamani na mii da yele tama lè, ní Syɛɛnjóocǎnri mii da joo n tɛ̀ɛn yele na lè, mii da di joo yele ma kanmaa na jàngó bi yele fúnyi kàriga ní mii fúngi sícilimɛ ní í. Kàjáa Pìicǎnni fànʔa báriga ni mii da di joo,

1 Korɛnti ye 9:12

Ní syɛ́ɛnbèle pèle ga ni yele ŋàʔaná ni dee bee taagi, wolo da yɛlɛ bàā yele ŋàʔaná bi sɔ̀lɔ poro na ì? Kàjáa wolo ga fɔ̀lɔ n gee bee kpéʔele í, fwɔɔ a wolo i kérigèle myɛ kpàracó, koro ga pye wolo a kɔ́ Kirisi Syɛɛnjóocǎnri yérige nyáana í.

1 Korɛnti ye 9:18

Tɛ́ɛgi bee ni gìí si gi nyɛ mii sàraw? Mii sàraw wi nyɛ mii í da Syɛɛnjóocǎnri nyuu lɔrɔ fun. Ní gee ki da yɛlɛ lè mii í taa Syɛɛnjóocǎnri báriga ni, mii í gee bee yaʔa yaà.

2 Korɛnti ye 2:12

Lǎli ni mii nan Turowasi na lè, ní i caa bàā Kirisi Syɛɛnjóocǎnri nyuu, a Kàfɔw kpaaweele múgu mii ma yaà,

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

2 Korɛnti ye 9:13

Dɛ̀ɛmɛni naa a pye sábabu jàngó paa Kolocɔlɔɔ kpɔ̀ʔɔrɔ́ lǎli ni pe ga baa gi nyaa lè yele n fɔ̀lɔ n yeyɛɛ gaan Kirisi Syɛɛnjóocǎnri ma, níì poro kpɔ́ʔɔ gbanʔama n fàra syɛ́ɛnbèle myɛ na.

Galasi ye 1:7

Kàjáa tàa nikwɔɔ ní o yaà í, á pèle si i yele fúnyi curugu, ní i caa bi Kirisi Syɛɛnjóocǎnri fàli.

1 Tesaloniki ye 2:13

Gee bee na wolo wɔ́ɔ i bariga kaangi Kolocɔlɔɔ ma sìnlaʔa ni, níì cán lǎli ni yele Kolocɔlɔɔ syɛ́ɛnri lóʔo wolo ma lè níì yére di ni, a yele di sámaga n cò, níì gi cán ti i nyɛ Kolocɔlɔɔ wóro kányɛʔɛ ni, syɔɔn wóro ban í, toro si di wɔ́ɔ̄ báara yele ni, yele bele ye tága lè.

1 Timɔte 1:11

Tamajanni bee n yɛlɛ ní nìjanri syɛɛnjóocànra ní, ti nyɛ lè dùbaw Kolocɔlɔɔ wóri, dee wi kàlifáa mii ma lè.

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 1:16

Ki n yɛlɛ Kàfɔw í nyinimɛ taa Onɛsifɔri kpaʔa wóbèle na, ncan wi n mii fúngi nyíngi tɔlɔyɔ saʔa, àmɛɛ pe da mii pwɔɔ lè ní nyɔ̀ʔɔmi ní, gee bee ga pye wi na fɛ̀ɛrɛ kéele í.

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

Heburubèle 4:12

Níì cán Kolocɔlɔɔ syɛ́ɛnri i nyɛ woweere ní, ní i báara, ti n tɛ́nɛ n sɔ̀lɔ nyɔɔyɔ siin-ziin ŋɔséebèle myɛ na. Alí ti i fúngi ní pǐli cɛnɛ ni láari tiyɛɛ na, ní i kaceleyi tɛɛsogiyo, ní yi pìremi láari tiyɛɛ na wɔ́ɔgēle. Ti i syɔɔn sɔnguri ní wi fúngi kakɔrirɔgēle sɛʔɛ ni wéle.

1 Pyɛri 4:16

Wàa si ga ni wɔʔɔ àmɛɛ wi nyɛ lè Kiretyɛɔn, ki ga yɛlɛ gi pye wee bee na fɛ̀ɛrɛ í. Fwɔɔ waa Kolocɔlɔɔ kpɔ̀ʔɔrɔ́ mɛ́ɛgi bee kéele na.