Wɔrɔmi ye 1:13 - Cebaara Bible 2010

¹³ Ni senyɛ̀nnɛ, mii i caa yele í gi cán mii maa tée ni sɔ̀ngí gi na tɔlɔyɔ saʔa bi kári yaà yele ma koro ga pye mii í yasanra taa yele ni, àmɛɛ mii wɔ́ɔ̄ di taagi lè syɛɛnfeleyaa nínge ni. Kàjáa kérigèle kèle i mii sígi ni yéregi fwɔɔ n baa nan níjanʔa na.

Wɔrɔmi ye 1:13 Iomraidhean Croise

Ezayi 27:6

Lǎlee li maa lè, Zyakɔbi a nìnre wáa, Isirayɛli a wâburo yirige bi fyɛ́ɛnrɛ kpéʔele bi dulunyanw nyìn ní wi yasanri ní.

Zyan 12:24

Mii a tɔ̀nɔ́ gi joo yele ma kányɛʔɛ ni, kapye pe ga yaliipile lùgu tári ni a li kùu í, li a kòro li nibin. Kàjáa li ga kùu, li a yaliire saʔa taa.

Zyan 15:16

Yele ban ye mii nyɛ́nɛ n wòlo í, kàjáa mii tiimaa wi yele nyɛ́nɛ n wòlo, níì yele télege, jàngó yele í da syée bi sa ra sangi, yele yasanri si kòro beè, koro ga pye yele ga yárigee faala nyɛ́ɛri Tofɔw ma mii mɛ́ɛgi na lè, wi a gi kaan yele ma.

Zyan 4:36

Wee wi yaliiri lée lè, wee bee i wi sàraw taagi, ní i yaliiri lée ni kpóʔoro sìibangwɔɔw yɛ́ʔɛ na, koro ga pye yaliilùguw ní yaliilaaw, pe myɛ siinw í pye fundaanra na.

Kapyegèle 1:15

Cányi bee ni a Pyɛri kɔ́ɔ̀ yìri n yére senyɛnbèle nínge ni. (Bele pe da peyɛɛ gbóʔoro yaà lè, pe maa togoye kɔrɔni félege kwɔ́ɔ.) A wi be pye:

Kapyegèle 14:27

Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na.

Kapyegèle 15:12

A syɛ́ɛnmi myɛ pyèri ní i lúro Barinabasi ní Pɔli ma, fɛ̀ɛ́bèle ní kakpoloyi poro gbàn n kpéʔele lè syɛɛnfeleyi nínge ni Kolocɔlɔɔ bárigaw ni, a be gee bee myɛ joo n tɛ̀ɛn be na.

Kapyegèle 19:21

Kérigèle bee pyele kadoʔo ma a Pɔli gi kɔ̀rirɔ n tímana wi fúngi ni n jo woro a Maseduwani tári ní Akayi tári foro bi kári Zyerusalɛmi ma, ní níì jo: «Mii ga nan yaà, ŋàʔanaga gii fwɔɔ mii í wɔ́ɔ sa Wɔrɔmi kěgi nyaa.»

Kapyegèle 21:19

A wi ga be syáanri n kwɔ́ɔ, a wi kérigèle myɛ joo n tɛ̀ɛn be na nibin nibin, gele Kolocɔlɔɔ kpéʔele lè syɛɛnfeleyi nínge ni woro kɔ́yi ni lè.

Kapyegèle 28:14

A wolo wolo senyɛnbèle pèle nyaa nɛɛ bee, a bele bee wolo nyɛ́ɛri níì jo wo canya kɔrɔsiin kwɔ́ɔ yaà ní poro ní. Wolo káriganmi pi da pye nya Wɔrɔmi ma.

Wɔrɔmi ye 1:12

wàlá mii í joo mii ga pye yele níngi ni lǎlee ni lè, wo myɛ í pínɛ fànʔa taa tágali báriga ni, lee li wo pínɛ lè, yele í gi taa mii wóli báriga ni, mii si wɔ́ɔ gi taa yele wóli báriga ni.

Wɔrɔmi ye 11:25

Ni senyɛ̀nnɛ, mii o caa yele í kòro kalarali naa sìnján ni í, kapye koro ban í, yele a kɔ́ ra yeyɛɛ jóro sícilibēle, kalarali bee li nyɛ ncan Kolocɔlɔɔ n Isirayɛli syɛ́ɛnbèle pèle fúnyo tɔ́n bi taa syɛɛnfeleyi wozanya nyɔ́ɔ í ba foro yee yi yɛlɛ bi syɔɔ lè.

Wɔrɔmi ye 7:1

Ni senyɛ̀nnɛ, yele bele ye nyɛ lè Mowizi làlwaw cánvɔɔlɔ, yele ní mii nyuu, yele ga gi cán ncan làlwaw i nyɛ syɔɔn nyúngi na wi wéemi làla myɛ ni ì?

1 Korɛnti ye 1:10

Ni senyɛ̀nnɛ, mii i yele nyɛ́ɛri wolo Kàfɔw Zyezu Kirisi mɛ́ɛgi na níì jo ye bɛ̀ɛ nibin na, yele a kɔ́ ra wálagi yeyɛɛ na í, fwɔɔ ye pínɛ ye pye nibin, funzɔnguri ní syɛɛnjóori na.

1 Korɛnti ye 10:1

Ni senyɛ̀nnɛ, mii o caa yele í pye kéeli naa sìnján ni í. Wolo tóolɛɛbèle myɛ maa pye fàfaangi láara ni, pe myɛ n tánʔa n sɔ̀lɔ Sólomi lɔ̀ʔɔ nínge ni.

1 Korɛnti ye 12:1

Ni senyɛ̀nnɛ, tɔ́ɔliw ni gee gi Pìicǎnni fundookaanra kéele kwɔ́ɔ lè, mii o caa yele í pye di kéeli sìnján ni í.

1 Korɛnti ye 14:20

Ni senyɛ̀nnɛ, yele a kɔ́ pye pìibēle kútiiw cerile kabaan na í, kàjáa ki n yɛlɛ ye pye pìipiigéle kakolobyeri kàbaan na, yé pye wolɛɛbèlē kútiiw cerile kabaan na.

1 Korɛnti ye 14:26

Ni senyɛ̀nnɛ, nyàʔá si yele yɛlɛ bi kpéʔele? Yele ga yeyɛɛ gbóʔoro lǎlee ni lè, fali i nyɛ yele myɛ nibin nibin ma, ŋúnugo yoo, tamana yoo, kalaragèle tɛ̀ɛnnɛ yoo, syɛɛnfeleri joolo yoo, syɛɛnfeleri kàrigala yoo, gee bee myɛ n yɛlɛ gi kpéʔele bi gbǎn kàa fàra yele tágali na.

1 Korɛnti ye 9:2

Kapye mii o nyɛ pìituɔn pèle ma í, mii si tɔ́ɔ i nyɛ pìituɔn yele ma. Níì cán àmɛɛ yele nyɛ lè Kàfɔw ni, gee bee i nyɛ fɛ̀ɛ n gi tɛ̀ɛn mii i nyɛ pìituɔn kányɛʔɛ ni.

2 Korɛnti ye 1:8

Ni senyɛ̀nnɛ, wɔʔɔyee yi wolo taa lè Azii tári ni, wolo o caa yele í kòro yi kéeli sìnján ni í, yi maa tɔ̀nɔ n líbe wolo na gbanʔama fwɔɔ n sɔ̀lɔ wolo fǎngi láʔala myɛ na, àlí wolo maa tɔ̀nɔ ni gi sɔ̀ngí wolo sìíw n kwɔ́ɔ n kwɔ́ɔ.

2 Korɛnti ye 2:14

Wolo i bariga kaangi Kolocɔlɔɔ ma, woro wee wi wolo kaan a wolo i fànʔa taagi lè kérigèle na làrigèle myɛ ni àmɛɛ wolo nyɛ lè Kirisi ni, ní i wolo téeri ni wi cánni nùngo caragi tɛ́ɛyi myɛ ni.

Galasi ye 3:15

Ni senyɛ̀nnɛ, mii a dee naa joo syɛ́ɛnbèle jooganma na, syɛ́ɛnbèle pèle ga bɛ̀ɛ joogaanna na n kwɔ́ɔ, syɔɔn faala a gbǎn li sàa í, wàlá bi syɛɛnraa fàra li na í.

Galasi ye 6:18

Ni senyɛ̀nnɛ, ki n yɛlɛ wo Kàfɔw Zyezu Kirisi í wi kpɔ́ʔɔri le yele pìígèle ni! Amiina!

Filipikaʔa ye 1:22

Kàjáa mii ga kòro sìi na céri ni, kàa mii a ní da fàrá mii falicanw na. Koro na gee mii a nyɛ́nɛ wòlo lè, mii ga gi cán í.

Filipikaʔa ye 4:17

Ki o nyɛ mɔ a jo yakaangaa mii ní i caa í, kàjáa mii i caa Kolocɔlɔɔ í da kàa fàrá yele wógi na.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

Kɔlɔsi ye 1:6

Syɛɛnjóocǎnri bee n nan yele na, àmɛɛ di wɔ́ɔ̀ nan lè dulunyanw tɛ́ɛyɛ myɛ na. Ti i yasanra sangi ní i caragi dulunyanw tɛ́ɛyɛ myɛ ni, àmɛɛ di wɔ́ɔ̄ gi kpéʔele lè yele níngi ni, nlaa cángee na yele sélì Kolocɔlɔɔ kpɔ́ʔɔri kéele lóʔo lè níì di cán n fílige kányɛʔɛ ni.

1 Tesaloniki ye 2:18

Gee bee na wolo da ni caa bi nan yaà yele na, mii Pɔli n ŋàʔana tɔlɔyɔ saʔa, kàjáa Sutanaw maa wolo yérige.

1 Tesaloniki ye 4:13

Ni senyɛ̀nnɛ, bele be nyɛ lè kùúw ŋúnɔmɔ na, wolo o caa yele í pye bele bee kéele sinján ni í, koro ga pye yele fúnyi í kɔ́ ra curugu àmɛɛ wozanbèle wóyo nyɛ lè í, bele be nyɛ lè sɔ̀ngumɔ tɛɛtaʔaga o nyɛ be ma í.

2 Tesaloniki ye 2:7

Níì cán kapeebyeri kalarala tée i báara n kwɔ́ɔ, kàjáa kérigèle bee si a gbǎn foro í, fwɔɔ pe ga li yérigefɔw núngo yaà lǎlee ni lè.

2 Timɔte 4:17

Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.