Wɔrɔmi ye 1:11 - Cebaara Bible 2010

¹¹ Níì cán ki láagi tɔ̀nɔ́ i nyɛ mii na gbanʔama bi yele nyaa koro ga pye mii í sa Pìicǎnni yakaangaa kaan yele ma, jàngó yele í nìri tágali ni,

Wɔrɔmi ye 1:11 Iomraidhean Croise

Sélimɛ 31:30

Awá tɔ́ɔliw ni, kapye mɔ si n baa gi nyaa ki n yɛlɛ mɔ í kári, níì cán mɔ tóow kpaʔa kéele i nyɛ mɔ fúngi ni, nyàʔá na si mɔ mii kolocɔlɔbèle yùu?»

2 Samyɛli 13:39

Fànʔafɔw Davidi ga níì taʔa Abisalɔmi na í, níì cán wi fúngi maa kɔ́ baa tìgi wi jáaw Aminɔn kùúw kàbaan na.

2 Samyɛli 23:15

A Davidi baa ki láaw nyaa wiyɛɛ na gbanʔama, a wi jo: «Kɔ̀lɔ́w wi nyɛ Bɛtilehɛmi kpàánweeli na lè wìí wi a wi lògaa kaan mii ma mii í gbaa?»

2 Cányi kèlē 20:20

A be sɔ̀li n yìri nyǐngi nyɔ́ɔ na n yiri n kári Tekowa fìími tára kabaan na. Lǎli ni pe da ni yirigi lè, a Zyozafati yére níì gi joo níì jo: «Yele Zyuda ní Zyerusalɛmi ye, ye lóʔo mii ma. Ki n yɛlɛ ye tága Yawe yele Kolocɔlɔw na, fànʔa a jée yele ni. Ye tága wi kanyaajoobèle na, yele a fànʔa taa.»

Kapyegèle 16:5

A egilizibèle i nìrí tágali ni, a pèle i taari be na, a be i nɛʔɛgi ni maa canʔa o canʔa.

Kapyegèle 19:21

Kérigèle bee pyele kadoʔo ma a Pɔli gi kɔ̀rirɔ n tímana wi fúngi ni n jo woro a Maseduwani tári ní Akayi tári foro bi kári Zyerusalɛmi ma, ní níì jo: «Mii ga nan yaà, ŋàʔanaga gii fwɔɔ mii í wɔ́ɔ sa Wɔrɔmi kěgi nyaa.»

Kapyegèle 19:6

A Pɔli wi kɔ́yi taʔa be na, a Pìicǎnni tìgi be ma. A be séli ni nyuu syɛɛnfeleraa ni, ní i kérigèle nyaagi ni nyuu.

Wɔrɔmi ye 1:12

wàlá mii í joo mii ga pye yele níngi ni lǎlee ni lè, wo myɛ í pínɛ fànʔa taa tágali báriga ni, lee li wo pínɛ lè, yele í gi taa mii wóli báriga ni, mii si wɔ́ɔ gi taa yele wóli báriga ni.

Wɔrɔmi ye 15:23

Kàjáa tɔ́ɔliw ni àmɛɛ gi nyɛ lè fali ní o nyɛ mii ma tátɛɛyi naa ni í, ní àmɛɛ gàriw láa da wɔ́ɔ̀ pye mii na lè n téè láa yaà yɛ̀ʔɛlɛ saʔa ni mii í kári yaà yele ma,

Wɔrɔmi ye 15:29

Mii n gi cán mii ga kári yaà yele ma lǎlee ni lè, mii a kári ní Kirisi dùbanɛʔɛw ní.

Wɔrɔmi ye 15:32

Yaa nyɛ́ɛri Kolocɔlɔɔ ma jàngó wi ga fɔ̀lɔ, mii í kári yaà yele ma ní fundaanra ní, sa ŋɔ́ndaala taa mii fúngi ni yele níngi ni.

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

2 Korɛnti ye 1:15

Amɛɛ mii tága lè gee bee na, koro na mii da séli ni sɔ̀ngí bi sɔ̀lɔ yaà yele ma gbɛnʔɛnɛ, koro ga pye yele í kpɔ́ʔɔri taa tɔziin.

2 Korɛnti ye 1:21

Wee wi wolo ní yele tan lè Kirisi na, níì wo nyɛ́nɛ n wòlo n télege wi fáliw na lè, woro wi nyɛ Kolocɔlɔɔ.

2 Korɛnti ye 11:4

Níì cán wàa ga pan n baa Zyezuwaa nikwɔɔ kéele joo yele ma n gi yaʔa wee kéele wolo nyuu yele ma lè woro wonijanw ban í, wàlá yele ga pìlaa nikwɔɔ taa lee li lè li o nyɛ yele wodaalɛɛli í, koro ga jáa yele ga syɛɛnjóocànraa nikwɔɔ lóʔo dee di lè ti o nyɛ yele wolóʔolɛɛri í, yele n fala n fɔ̀lɔ wi na gbanʔama.

2 Korɛnti ye 9:14

Pe a ra nyɛ́ɛri yele kéeli na àmɛɛ yele kéeli be dɛ́nɛ lè gbanʔama Kolocɔlɔɔ kpɔʔɔgbɔɔri kéele na, dee wi kaan yele ma lè.

Filipikaʔa ye 1:8

Kolocɔlɔɔ i nyɛ mii séera ncan yele myɛ láagi i nyɛ mii na Kirisi Zyezu tàmagi ni.

Filipikaʔa ye 2:26

Yele myɛ láagi maa pye wi na, a gi wɔ́ɔ i wi yáa wi fúngi ni àmɛɛ yele da gi lóʔo lè wi ga cólogo í.

Filipikaʔa ye 4:1

Gee bee na, mii senyɛn-nidaanmabèle, ki n yɛlɛ yele í sámaga yére Kàfɔw ni kányɛʔɛ ni, mii syɛɛn-nidaanmabèle, yele láagi n kɔ́ɔ̀ mii taa, níì cán yele i nyɛ mii fundaanri, ní mii kpɔ́ʔɔri nyùndɔnnɔ!

1 Tesaloniki ye 3:13

Koro ga pye wi yele zɔ̌nbèle nìri yele si kòro wojanbéle ní, si wɔ́ɔ pye kajoolo fun wolo Tóow Kolocɔlɔɔ yɛ́ʔɛ ma fwɔɔ bi taa ba nan wolo Kàfɔw Zyezu làribanni na ní wi wojanbèle myɛ ní!

1 Tesaloniki ye 3:2

níì Timɔte tun, wi lè wolo senyɛnw ní Kolocɔlɔɔ falipyenyɛnnɛ Kirisi Syɛɛnjóocǎnri joolo kéele na, wolo maa wi tun jàngó wi sa yele dɛ̀ɛmɛ yele í nìri, si yele kɛɛlɛ yele tágali kéele na,

2 Tesaloniki ye 2:17

ki n yɛlɛ woro í yele kɛɛlɛ yele fúnyi ni, si wɔ́ɔ fànʔa le yele ni jàngó yele í gbǎn ra kapyejǎngèle féleye myɛ kpéʔele, si wɔ́ɔ ra syɛɛncanri féleye myɛ nyuu.

2 Tesaloniki ye 3:3

Kàfɔw si i nyɛ tágala syɔ́ɔn, woro wi a fànʔa le yele ni sáā yele kɔ̀rɔsíi jàngó yele í syɔɔ Wobeew ma.

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

1 Pyɛri 5:10

Kolocɔlɔɔ wi lè kpɔ́ʔɔri myɛ kaanfɔlɔ, woro wee wi yele yeri lè koro ga pye yele í lɛɛlɛ taa wi kwɔ́ɔmɔ fun nijangbɔɔri ni Kirisi ni, yele ga wɔʔɔ n làla cɛɛri kwɔ́ɔ, wi tiimaa a yele sámaga foro, si nìrimɛ lége yele ni, si fànʔa kaan yele ma yele í sámaga yére.

1 Pyɛri 5:12

Silivɛn wi nyɛ lè mii ma tágala senyɛnnɛ, woro wi mii dɛ̀ɛmɛ n syɛ́ɛnri naa cɛɛri sɛ́bɛ mii ma mii í di tórigo yele ma, jàngó bi lòmaana lége yele ni, si gi séeraw kpéʔele yele ma si jo: dee naa di nyɛ Kolocɔlɔɔ kpɔ́ʔɔri wodelere. Ye di sámaga ye cò.

2 Pyɛri 1:12

Koro na mii a ra yele sɔ̀ngumi tìrigí kérigèle bee na làla o làla, àlí bi gi taa yele n ge cán n kwɔ́ɔ, níì nìrimɛ taa kányɛɛgi ni, gee gi nyɛ yele ma n kwɔ́ɔ lè.