Wɔrɔmi ye 1:10 - Cebaara Bible 2010

¹⁰ Mii i wi nyɛ́ɛri làrigèle myɛ ni níì jo, ki ga pye wi nyɛnɛ kéele ki n yɛlɛ mii sigemɔnni naa kàdoʔo í ba pye mii í gbǎn kanmaa taa bi kári yaà yele ma.

Wɔrɔmi ye 1:10 Iomraidhean Croise

Kapyegèle 18:21

níì kólogi nyɛ́ɛri be ma níì be pye: «Mii a kɔ́ lúru pan naa yele ma ní Kolocɔlɔɔ ga fɔ̀lɔ.» Koro kàdoʔo ma a wi yiri Efɛzi ni n sáà jée bàtow ni ni syée.

Kapyegèle 19:21

Kérigèle bee pyele kadoʔo ma a Pɔli gi kɔ̀rirɔ n tímana wi fúngi ni n jo woro a Maseduwani tári ní Akayi tári foro bi kári Zyerusalɛmi ma, ní níì jo: «Mii ga nan yaà, ŋàʔanaga gii fwɔɔ mii í wɔ́ɔ sa Wɔrɔmi kěgi nyaa.»

Kapyegèle 21:14

Amɛɛ gi nyɛ lè Pɔli ga fɔ̀lɔ bi wolo syɛ́ɛnri lóʔo í, a wolo di yaʔa níì jo: «Kàfɔw nyɛ́nɛ kéele li yɛlɛ li kpéʔele.»

Wɔrɔmi ye 15:29

Mii n gi cán mii ga kári yaà yele ma lǎlee ni lè, mii a kári ní Kirisi dùbanɛʔɛw ní.

1 Korɛnti ye 1:1

Mii Pɔli Kolocɔlɔɔ yeri lè mii í pye Kirisi Zyezu pìituɔn n yɛlɛ ní woro nyɛ́nɛ kéeli ní, mii ní Sɔsitɛni ní, wi lè wolo senyɛnw,

1 Korɛnti ye 4:19

Kàjáa cɛɛri ga pye mii a kári yaà yele ma, ní Kàfɔw ga fɔ̀lɔ, lǎli bee ni bele be peyɛɛ gbɔ́ʔɔgi lè, mii a gi cán kapye sée i nyɛ be ma, wàlá kapye syɛɛnjóoro yagana dii.

Filipikaʔa ye 4:6

Ki ga yɛlɛ yele í yele fúnyi yaʔa yaa curugu yele na yarigaa faala na í. Yariga o yariga láa gi nyɛ yele na lè, yaa gee bee nyuu yaa tèé Kolocɔlɔɔ na ní nyɛ́ɛrigɛ, ní nyɛ́ɛrigboloyo, ní bariga kaanna ní,

1 Tesaloniki ye 2:18

Gee bee na wolo da ni caa bi nan yaà yele na, mii Pɔli n ŋàʔana tɔlɔyɔ saʔa, kàjáa Sutanaw maa wolo yérige.

Filemɔn 1:22

Ki n yɛlɛ mɔ í wɔ́ɔ tɛɛ̀syɔnʔɔ sámaga mii ma yaà làrinijanni ni, níì cán mii sɔ̀nguri i nyɛ gi na n jo Kolocɔlɔɔ a nyɔɔ mii na si ní mii kaan yele ma yele nyɛ́ɛriyi báriga ni.

Heburubèle 13:19

Mii i yele nyɛ́ɛri gbanʔama, níì jo ki n yɛlɛ yele í da Kolocɔlɔɔ nyɛ́ɛri jàngó wi wári mii lúrugo tórigo yaà yele ma.

Zyaki 4:15

Ki maa yɛlɛ yele í dée gi joo kánmi naa na si jo: «Ní ki ga pye Kàfɔw nyɛ́nɛ kéele, wolo ga baa pye beè sìi na, wolo a gee ní gee kpéʔele.»