Wɔrɔmi ye 1:1 - Cebaara Bible 2010

¹ Mii Pɔli, wi lè Kirisi Zyezu púlo, Kolocɔlɔɔ n mii yeri mii í pye woro pìituɔn àmɛɛ wi mii nyɛ́nɛ n wòlo lè mii í da woro Syɛɛnjóocǎnri nyuu.

Wɔrɔmi ye 1:1 Iomraidhean Croise

1 Cányi kèlē 23:13

Amirami jáabèle si i nyɛ: Aarɔn, ní Mowizi. A Aarɔn ní wi jáabèle wòlo n yaʔa kɔlɔ̀ na be sámaga nyɔɔ bi pye syɛɛncandelebéle làla o làla, bàā nùndaanni yárira sórogi Yawe yɛ́ʔɛ ma, sáā báara wi ma sáā dùbaw kpéʔele wi mɛ́ɛgi na làla o làla.

Ezayi 49:1

Lǒgi nínge tátɛɛgéle, ye lóʔo mii ma! Yele tɛɛ̀leeliyi syɛɛnfeleye, ye líiyi cáan! Yawe n mii yeri nlaa yaà mii nɔ́ɔw láʔa ni, wi n mii mɛ́ɛgi yeri lǎli ni mii nɔ́ɔw mii see n cáan lè.

Zyeremii 1:5

«Sáni mii í mɔ sámaga mɔ nɔ́ɔw láʔa ni lè mii maa mɔ cán, bi wɔ́ɔ mɔ yaʔa sìnyiri ni wi láagi ni, mii maa mɔ sámaga n yaʔa kɔlɔ̀ na, n mɔ télege mɔ í pye kanyaajooo syɛɛnfeleyi ma.»

Mariki 1:14

Lǎli ni pe Zyan le kàsow ni lè, a Zyezu kári Galile tári ma n sa ni Kolocɔlɔɔ Syɛɛnjóocǎnri nyuu yaà

Zyan 12:26

Syɔ́ɔnwee faala ga ni caa lè bàā mii fáliw kpéʔele, ki n yɛlɛ wi taʔa mii na, tɛ́ɛgee ni mii ga pye lè, mii falipyew a wɔ́ɔ pye nɛɛ bee. Syɔ́ɔnwee wi mii fáliw kpéʔele lè, mii Tóow a ra wee bee wɔ̀ʔɔrɔ́.»

Zyan 15:15

Mii a ní da yele yiri pulobèlē í, níì cán gee puloo kàfɔlɔ kpéʔele lè, púlow o gi cángi í. Kérigèle gele myɛ si mii lóʔo mii Tóow ma lè, mii n gele bee tɛ̀ɛn yele na, koro na mii yele yiri mii tàannyɛ̀nnɛ.

Zyan 15:20

Ki n yɛlɛ yaa mii syɛ́ɛnri sɔ̀ngí yaa taagi, dee mii da joo yele ma lè níì jo, puloo a gbǎn kpɔ́ʔɔ sɔ̀lɔ wi kàfɔlɔ na í. Kapye pe n mii wɔʔɔ, pe a wɔ́ɔ yele wɔʔɔ, pe si ga mii syɛ́ɛnri lóʔo, pe a wɔ́ɔ yele wóri lóʔo si di cò.

Kapyegèle 13:9

Lǎli bee ni Sɔli, wee be wɔ́ɔ̄ yiri lè Pɔli, a Pìicǎnni wi fúngi nyìn, a woro i wi wéle ní kɔ́ɔ̀ jo:

Kapyegèle 20:24

Koro ní ki myɛ ní mii o mii tiimaa sìíw córo yarigaa í, jàngó mii í tɛ́nɛ kàfyaali fǎn foro, mii fáliw si wɔ́ɔ foro, wee Kàfɔw Zyezu kaan mii ma lè níì jo mii í da Kolocɔlɔɔ kpɔ́ʔɔri syɛɛnjóocànra séera kpéʔele.

Kapyegèle 21:40

A sùlasiibèle kàfɔgbɔɔɔ fɔ̀lɔ gi na, a Pɔli yìri n yére tɛɛ̀lúgujeegi na níì wi kɔ́gi nyáʔana syɛ́ɛnmi ma níì jo be pyèri. A pe myɛ pyèri tábi. A wi i nyuu ní be ní Heburu-syɛ́ɛnri ni níì jo:

Kapyegèle 22:21

A wi mii pye: ‹Yìri maa syée, níì cán mii a mɔ tun syɛɛnfeleyi ma tɛɛ̀leeliye ni.› »

Kapyegèle 22:7

A mii fala n too tári na, níì yákpolo lóʔo, a li joo ní mii ní níì jo: ‹Sɔli, Sɔli, nyàʔá na mɔ mii wɔʔɔ nya?›

Kapyegèle 26:1

A Agiripa Pɔli pye: «Mɔ a gbǎn mɔ tiimaa kéeli joo.» Lǎli bee ni a Pɔli wi kɔ́gi yìrige níì fala n séli ni wiyɛɛ kéeli nyuu níì jo:

Kapyegèle 26:14

A wolo myɛ too tári na, á mii yákpolo lóʔo a li gi joo mii ma Heburu-syɛ́ɛnri ni níì jo: ‹Sɔli, Sɔli, nyàʔá na mɔ mii wɔʔɔ nya? Ki n gbàn mɔ ma àmɛɛ mɔ tunmɔgaan-fìrigele fologi lè.›

Kapyegèle 27:23

Kolocɔlɔwee wóo mii nyɛ lè, woro wee mii kpɔ̀ʔɔrɔ́ lè, wee bee tundunwaa n pan mii ma yébiligi naa ni

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 1:5

Woro bárigaw ni Kolocɔlɔɔ kpɔ́ʔɔri kaan wolo ma, ní wɔ́ɔ̀ wolo kpéʔele pìitunbéle wi mɛ́ɛgi kéele na, koro ga pye syɛ́ɛnbèle pèle í da tági syɛɛnfeleyi myɛ ni sáā lúro wi ma,

Wɔrɔmi ye 1:9

Kolocɔlɔwee fáli mii kpéʔele lè ní mii fúngi myɛ ní ní i Syɛɛnjóocǎnri nyuu lè wi Jáaw kéele na, wi i nyɛ mii séera ncan mii i yele kéeli nyuu mii nyɛ́ɛriyi ni làla o làla.

Wɔrɔmi ye 11:13

Tɔ́ɔliw ni mii a joo yele syɛɛnfeleyi wozanya ma, níì cán àmɛɛ mii nyɛ lè pìituɔn syɛɛnfeleyi wozanya ma, mii i mii fáliw bee kéele kpɔ́ʔɔgi,

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Wɔrɔmi ye 15:29

Mii n gi cán mii ga kári yaà yele ma lǎlee ni lè, mii a kári ní Kirisi dùbanɛʔɛw ní.

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

1 Korɛnti ye 1:1

Mii Pɔli Kolocɔlɔɔ yeri lè mii í pye Kirisi Zyezu pìituɔn n yɛlɛ ní woro nyɛ́nɛ kéeli ní, mii ní Sɔsitɛni ní, wi lè wolo senyɛnw,

1 Korɛnti ye 9:1

Mii o nyɛ wɔ́rɔɔ ì? Mii o nyɛ pìituɔn ì? Mii ga wolo Kàfɔw Zyezu nyaa ì? Fáliw mii kpéʔele lè Kàfɔw ma, yele ban ye nyɛ fáliw bee ì?

2 Korɛnti ye 1:1

Mii Pɔli, wi lè Kirisi Zyezu pìitunwaa n yɛlɛ ní Kolocɔlɔɔ kínidɛnɛgi ní, mii ní wolo senyɛnw Timɔte ní, wolo a sɛ́bɛw naa tórigo Kolocɔlɔɔ Egiliziw ma wi lè Korɛnti ni, n fàra Kolocɔlɔɔ syɛɛncanbèle myɛ na be nyɛ lè Akayi tári myɛ ni.

2 Korɛnti ye 11:5

Mii i gi tímana n jo mii ga cɛ́rɛ pìitun-gbólobèle bee na kanmaa faala na í.

2 Korɛnti ye 11:7

Lǎli ni mii sáà Kolocɔlɔɔ Syɛɛnjóocǎnri joo yele ma lè, mii maa di joo sàra fun ni, níì niyɛɛ jɛ́rɛ jàngó yele í kpólo, àmɛɛ mii koro kpéʔele lè, kapeele lé mii da pye?

2 Korɛnti ye 12:11

Yele ye mii ŋàʔana a mii baa pye mɔ a jo nilabalaga gii. Ki mǎà dée yɛlɛ yele í da mii mɛ́ɛtaangi yiri. Níì cán mii ga cɛ́rɛ pìitun-gbólobèle bee na keelaa faala ni í, àlí ki ga wírè pye mii o nyɛ yafyɛn í.

2 Korɛnti ye 2:12

Lǎli ni mii nan Turowasi na lè, ní i caa bàā Kirisi Syɛɛnjóocǎnri nyuu, a Kàfɔw kpaaweele múgu mii ma yaà,

2 Korɛnti ye 4:5

Wolo o woyɛɛ kéeli nyuu í, Kirisi Zyezu kéeli wolo nyuu níì jo woro wi nyɛ Kàfɔw, ní níì jo wolo tiimaa i nyɛ yele púlobéle Zyezu kéeli na.

Galasi ye 1:1

Mii Pɔli wi lè pìituɔn, kàjáa syɛ̀ɛnnɛ ban pe mii tun í, mii o nyɛ pìituɔn syɔɔn báriga ni í, fwɔɔ Zyezu Kirisi, ní Tofɔw Kolocɔlɔɔ bárigaw ni, wee wi Zyezu nyán n yirige lè kúbèle nínge ni,

Efɛzi ye 1:1

Mii Pɔli wi lè Kirisi Zyezu pìituɔn n yɛlɛ ní Kolocɔlɔɔ nyɛ́nɛ kéeli ní, mii a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛncanbèle [Efɛzi ni], ní i nyɛ tágala syɛɛnnɛ Kirisi Zyezu ni.

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 4:11

Wi n pèle kaan poro í pye pìitunbéle, níì pèle kaan pe pye kanyaajoobéle, pèle si pye Syɛɛnjóocǎnri joofɔɔlɔ, pèle si pye bànaʔabēle ní tamafɔɔlɔ.

Làlwaw Kaanziin 10:8

Lǎli bee ni Yawe Levii syɛɛnfelegi wòlo n yaʔa kɔlɔ̀ na kaa Yawe joogaanni kásu lée, sáā yèré Yawe yɛ́ʔɛ ma bàā wi fáliw kpéʔele, sáā dùba kpéʔele syɛ́ɛnbèle ma wi mɛ́ɛgi na. Koro pe wɔ́ɔ̄ kpéʔele fwɔɔ n baa nan níjanʔa na.

Filipikaʔa ye 1:1

Mii Pɔli ní Timɔte wo nyɛ lè Kirisi Zyezu púlobèle, wolo a sɛ́bɛw naa tórigo yele ma, yele bele myɛ ye nyɛ lè Kolocɔlɔɔ syɛɛncanbèle Kirisi Zyezu ni, Filipikaʔa ni n fàra yele yɛɛ̀kinibèle ní yele dyakiribèle na.

Filipikaʔa ye 2:11

pe myɛ si yére gi ni bi jo Zyezu Kirisi wi nyɛ Kàfɔw, gee bee a nìjangbɔɔri taʔa Tofɔw Kolocɔlɔɔ na.

Kɔlɔsi ye 1:1

Mii Pɔli, wi lè Kirisi Zyezu pìituɔn n yɛlɛ ní Kolocɔlɔɔ nyɛ́nɛ kéeli ní, mii ní wolo senyɛnw Timɔte ní,

Kɔlɔsi ye 1:25

Mii n baa pye Egiliziw falipyeo n yɛlɛ ní fáliw ní, wee Kolocɔlɔɔ kàlifáa mii ma lè yele kéeli na. Fáliw bee wi nyɛ mii í da woro syɛ́ɛnri myɛ nyuu yele ma.

1 Tesaloniki ye 2:2

Kàjáa yele n gi cán àmɛɛ pe da wolo wɔʔɔ níì wolo tɛʔɛlɛ lè Filipikaʔa ni, koro kàdoʔo ma a wolo sèʔê soro wolo Kolocɔlɔw báriga ni n ba ni wi Syɛɛnjóocǎnri nyuu yele ma kàsiikpɔɔw nínge ni.

1 Tesaloniki ye 2:8

Amɛɛ yele kéeli wolo dɛ́nɛ lè, a wolo gi nyaa wolo ga yɛlɛ bi Kolocɔlɔɔ Syɛɛnjóocǎnri yagana kaan yele ma í, fwɔɔ wolo í wɔ́ɔ woyɛɛ gaan yele ma kányɛʔɛ ni, níì cán yele kéeli maa kpɔ́ʔɔ wolo fúnyi ni gbanʔama.

1 Tesaloniki ye 2:9

Ni senyɛ̀nnɛ, yele i sɔ̀ngí ni taagi wolo fáliw, ní wolo fɔ̀rɔyi kéele na, wolo maa ni Kolocɔlɔɔ Syɛɛnjóocǎnri nyuu yele ma, ní wɔ́ɔ i báara canʔa ní yébilige jàngó wolo a kɔ́ pye tugoro yele wàa na í.

1 Timɔte 1:1

Mii Pɔli i nyɛ Kirisi Zyezu pìituɔn n yɛlɛ ní tundunri ní dee wolo Syɔɔfɔw Kolocɔlɔɔ ní Kirisi Zyezu kaan mii ma lè, woro wee wi lè wolo sɔ̀ngumi tɛɛtaʔaga.

1 Timɔte 2:7

Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

2 Timɔte 1:11

Syɛɛnjóocǎnri bee kéele na pe mii télege a mii pye di joofɔwaa, ní pìituɔn, ní tamafɔlɔ.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Heburubèle 5:4

Syɔɔn faala a gbǎn jée kpɔɔmɔ fáliw bee ni wiyɛɛ ma í, fwɔɔ Kolocɔlɔɔ ga wee yeri lè, àmɛɛ wi da Aarɔn yeri lè.

Heburubèle 7:26

Sáriga-wòlobèle kàfɔlɔ bee félege mako wi da tɔ̀nɔ n pye wolo na, woro wee wi sín lè, ní i nyɛ kajoolo fun, ní wɔ́ɔ i nyɛ tɛɛlɛ fun, wi n fàli n léeli kapeebyebèle na, wi i yaà kpɔ́ɔmi tɛ́ʔɛ ni, nyɛ̀ʔɛgèle ǹjoʔo ni.

Zyaki 1:1

Mii Zyaki wi nyɛ lè Kolocɔlɔɔ púlo ní wɔ́ɔ i nyɛ Kàfɔw Zyezu Kirisi wóo, mii a sɛ́bɛw naa tórigo yele ma, yele bele ye nyɛ lè Isirayɛli syɛɛnfeleyi kɛɛ ní siin yodaʔaya níì cariga dulunyanw tɛ́ɛyɛ myɛ ni lè, mii i yele syáanri!

1 Pyɛri 4:17

Níì cán lǎli n nan, lee ni kútiiw a séli lè Kolocɔlɔɔ kpáagi* wòolo na. Wi si ga séli wolo na, mɛ̀ɛ́ si Kolocɔlɔɔ Syɛɛnjóocǎnri céefɔɔlɔ kwɔ́ɔganma a ba pye bi sɛ́ɛ?

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.

Zyudi 1:1

Mii Zyudi, wi lè Zyezu Kirisi púlo, ní wɔ́ɔ i nyɛ Zyaki cɔnɔɔ, mii a sɛ́bɛw naa tórigo yele ma, yele bele ye nyɛ lè Tofɔw Kolocɔlɔɔ woyeribéle, ní wi syɛɛn-nidaanmabéle, wi si i yele kpáaw wéle Zyezu Kirisi ma.

Tɛ̀ɛnnɛ 1:1

Cɛɛri ga pye kérigèle ke a ba kpéʔele lè, Kolocɔlɔɔ maa ge tɛ̀ɛn Zyezu Kirisi na, níì jo wi ba ge tɛ̀ɛn wi púlobèle na, wi maa wi nyɛ̀ʔɛni tunduɔn tun wi púlow Zyan ma jàngó wi sa ge fílige tɛ̀ɛn wi na,

Tɛ̀ɛnnɛ 22:6

A nyɛ̀ʔɛni tunduɔn gi joo mii ma níì jo: «Syɛ́ɛnri naa i nyɛ kányɛʔɛ, syɔɔn n yɛlɛ wi tága di na. Kàfɔw Kolocɔlɔɔ wi kanyaajoobèle pìigēle kàragí lè, woro wi wi tundunw tun wi ba kérigèle naa tɛ̀ɛn woro púlobèle na, gele ge lè ke a ní mɔn si kpéʔele í.»

Tɛ̀ɛnnɛ 22:9

A wi si mii pye: «Tíi, mɔ a kɔ́ koro kpéʔele í! Mii i nyɛ mɔ ní mɔ senyɛnbèle púlonyɛnnɛ, poro bele be nyɛ lè kanyaajoobèle, n fàra bele na be sɛ́bɛw naa syɛ́ɛnrɛ kɔn ní i di kpéʔele lè. Da Kolocɔlɔɔ kpɔ̀ʔɔrɔ́!»