Oze sɛ́bɛw 9:3 - Cebaara Bible 2010

³ Pe a ní kòro Yawe tári ni í. Efirayimi a lúru kári Ezyipiti ma, pe a sa ra yaliinɔnʔɔri líi Asirii ni.

Oze sɛ́bɛw 9:3 Iomraidhean Croise

1 Fànʔafɔbèle 9:7

mii a Isirayɛli ye kwɔ́ɔ láʔa tásaligi na mii kaan be ma lè. Kpáagee mii yaʔa kɔlɔ̀ na niyɛɛ mɛ́ɛgi na lè, mii a gee bee núngo niyɛɛ taana bi wáa léelige. Isirayɛli a pye kàseele yáriga, ní yafaʔala,

2 Fànʔafɔbèle 17:6

Oze fǎngi yɛ̀ʔɛlɛ kpanjɛrɛ wóli na, Asirii fànʔafɔw fànʔa taa Samarii na, níì Isirayɛli ye cò n kári Asirii ma. A wi sáà pèle télege Hala ni, níì pèle télege Habɔɔri nyɔ́ɔgi na ki lè Gozan cábigi, ní wɔ́ɔ̀ pèle télege Medii ye kěyi ni.

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Zyeremii 2:7

Mii n pan ní yele ní tiire séye tára ma, jàngó yele í ba ra yasanri ní yacanri líi. Kàjáa yele n pan, a yele baa mii tári kàriga yanɔnʔɔgɔ. Yele n baa mii kɔ́rigi pye yanibɛɛnmɛgɛ.

Kayaagi Nyɛnigɛ 5:6

Wolo n kɔ́yi sánʔa n wáa Ezyipiti ma, ní Asirii ma, jàngó bi tín lìíli na.

Ezekyɛli 4:13

A Yawe jo: «Kánmi bee na Isirayɛli ye a ra be yaliinɔnʔɔri líi syɛɛnfeleyi nínge ni, beè mii a be nɛnɛ tórigo lè.»

Danyɛli 1:8

A Danyɛli gi kɔ̀rirɔ n tímana n jo woro ga yɛlɛ bi wiyɛɛ nɔ́nʔɔ ní fànʔafɔw yaliitaanra, ní wi dùvɛɛngbaaw ní í, a wi falipyenǎnbèle kùndigi nyɛ́ɛri gbanʔama, níì wi pye wi a kɔ́ woro ŋàʔana woro í wiyɛɛ nɔ́nʔɔ í.

Oze sɛ́bɛw 11:11

Pe a yìri Ezyipiti ma bàā fé da maa, sáā cɛ̀lɛ́ àmɛɛ féjɛɛnnɛ nyɛ lè, ní Asirii tári ma àmɛɛ kàtolo nyɛ lè, mii si ba be télege be kpáayi ni,» Yawe wi jo nya.

Oze sɛ́bɛw 11:5

Pe a ní lúru kári Ezyipiti tári ma í. Kàjáa Asirii ye wów a ba pye be fànʔafɔw. Níì cán pe n cée, pe ga fɔ̀lɔ n lúru n pan mii ma í.

Oze sɛ́bɛw 7:11

Efirayimi ye i nyɛ àmɛɛ nidolimɔ ní sícilimɛ fun kàtolo nyɛ lè. Pe n Ezyipiti yeri, pe i syée Asirii ma.

Oze sɛ́bɛw 7:16

Pe i lúrugu ni maa, kàjáa wee wi nyɛ Pe Myɛ Nyúngo na lè, woro ma ban í. Pe i nyɛ àmɛɛ námara sedege nyɛ lè, Ŋɔsée a be kùndigibèle kpóo cáan pe nyíngèle péemɛ kéele na. Koro na pe a pye kataanra yárigéle Ezyipiti tári ni.»

Oze sɛ́bɛw 8:13

Sárigaw yaweegéle be kaangi mii ma lè, pe i ge kúu ní i ge káari káa, mii Yawe si ga fɔ̀lɔ ge na í. Tɔ́ɔliw ni Yawe i sɔ̀ngí ni taagi be kolomi na, wi a be wɔʔɔ be kapeegèle kéele na, pe a lúru kári Ezyipiti ma.

Oze sɛ́bɛw 9:6

Níì cán wéle, pe i yirigi ni syée kálagili kéele na. Ezyipiti a be syɔɔ lége, Mɔfi a nyanya kaan be ma. Nyàápeegi a be wálifiiw wojaɔn syɔɔ taa, wúuro a fìin be fànikpaayi ni.

Levii ye sáriga-wòlori 18:28

Yele a kɔ́ tári yaʔa di yele tùgu kánmi bee na yele nɔ́nʔɔri kéele na í, àmɛɛ di syɛɛnfeleyi tùgu lè yoro yee yi téē nyɛ di ni yele yɛ́ʔɛ na lè í.

Levii ye sáriga-wòlori 20:22

Ye mii làlwaw kèlē myɛ, ní mii kajoogèle myɛ sámaga ye cò, yáā ge kpéʔele. Kánmi bee na táree má mii syée ní yele ní bi sa yele télege yaà lè, ti a yele tùgu bi yirige í.

Levii ye sáriga-wòlori 25:23

« ‹Tári ga yɛlɛ di pára bi kòro di syɔɔfɔw wóro làla o làla í. Níì cán tári i nyɛ mii wóro, yele si i nyɛ mii tɛ́ɛgi ni àmɛɛ nibɔndɛ́ɛnbéle, ní nibɔnzɔlɔbéle nyɛ lè.

Amɔsi 7:17

Gee bee na Yawe syɛ́ɛnri naa joo níì jo: ‹Mɔ céw a ba ra nànjaari kpéʔele kěgi ni. Ŋɔséew a mɔ nanbiigèle, ní mɔ calipiigèle kpóo cáan, mɔ tári a tíla tíla ní mɛɛnnɛ ní bi lɛɛ. Mɔ si na, mɔ a sa kùu tánɔnʔɔrɔ ni, Isirayɛli ye si cò bi yirige be tári ni bi kári léelige.› »

Misye 2:10

Ye yìri, yaa syée! Níì cán tári naa o nyɛ ŋɔ́ndaala tɛ́ʔɛ í. Ti nɔ́nʔɔri kéele na ti a pan ní wɔʔɔyɔ ní, yi a pye wɔʔɔbeeye.

Kapyegèle 10:14

A Pyɛri jo: «Eʔe, Kàfɔw, yárigee gi nyɛ lè yanɔnʔɔgɔ wàlá yafuungo, mii ga kɔ́ɔ̀ gi kàa káa n nyaa nyáana í.»

Làlwaw Kaanziin 28:63

Amɛɛ ki da Yawe dɛ́nɛ bi kacànna kpéʔele yele na bi yele nɛʔɛ lè, ànbée ki a wɔ́ɔ wi dɛ́nɛ bi yele kálagi bi yele kwɔ́ɔ. Pe a yele kɔn bi yirige tásaligi ni, gee ni yele a jée lè bi gi syɔɔ taa.

Làlwaw Kaanziin 28:68

Yawe a ní mɔ lúrugo tórigo bàtobéle ni, Ezyipiti ma, mɔ a ní kólogi láa, gee kéele na mii da gi joo mɔ ma lè níì jo: ‹Mɔ a ní gi nyaa í.› Yele a sa yeyɛɛ pára yaà beè yele nigoobèle ma bi pye pulonànbēle, ní pulocabala, syɔɔfɔlɔ si a taa yele na í.»

Làlwaw Kaanziin 4:26

mii n nyɛ̀ʔɛni ní tári láa níjanʔa di pye séera yele kánmi na, yele a kárima kùu bi kwɔ́ɔ tári ni, dee ni yele a Zyuridɛnw jeli bi jée lè bi di taa di pye yele wóro, yele a cannɛʔɛyɛ kwɔ́ɔ di ni í. Níì cán yele a tɔ̀nɔ́ kwɔ́ɔ péw bi yiri di ni.

Zyozuwe 23:15

Syɛɛncanree myɛ Yawe yele Kolocɔlɔw da joo yele kéeli na lè, kánmee na dee bee baa foro lè, kánmi bee na syɛɛnpeeree myɛ wi wɔ́ɔ̀ joo yele kéeli na lè, ti a ba foro yele na fwɔɔ bi taa wi yele kálagi péw bi yirige tácǎnri ni, toro dee Yawe yele Kolocɔlɔɔ kaan yele ma lè.