Oze sɛ́bɛw 7:7 - Cebaara Bible 2010

⁷ Pe myɛ n wári àmɛɛ fúru nyɛ lè, pe i be kútiijoobèle káa. Pe fànʔafɔbèle myɛ i tuun, pe wàa faala o mii mɛ́ɛgi yiri í.

Oze sɛ́bɛw 7:7 Iomraidhean Croise

1 Fànʔafɔbèle 15:28

Zyuda fànʔafɔw Aza fǎngi yɛɛdaanri wólo na Bayesya wi kpóo, níì tɛ́ɛn fǎngi na wi sìndɛɛgi ni.

1 Fànʔafɔbèle 16:18

Lǎli ni Zimirii gi nyaa lè pe n fànʔa taa kěgi na, a wi fàn n jée fànʔafɔ-gbaagi fúngo ni, níì fànʔafɔ-gbaagi sórigo n cáan wiyɛɛ na.

1 Fànʔafɔbèle 16:22

Syɛ́ɛnbèle bele pe da taʔa Omirii na lè, a poro fànʔa taa bele na pe da taʔa Ginati jáaw Tibinii na lè. A Tibinii kùu, á Omirii tɛ́ɛn fǎngi na.

2 Fànʔafɔbèle 10:14

A wi jo: «Ye be cò woweebèlē ní!» A pe be cò woweebèlē ní n kɔnɔgi tɛɛ̀kpoʔorogi kpaʔa lɔ̀ʔɔ wéʔe taana. Pe maa pye nànbēle togoye siin ní siin. Zyehu ga pe wàa nibin yaʔa a wi syɔɔ í.

2 Fànʔafɔbèle 10:7

Lǎli ni sɛ́bɛw nan be na lè, a be fànʔafɔw jàala togoye taanri ní kpɔrigɔw bee cò n kɔnɔgi níì be nyúnyi le sɛ̀ʔɛgēle ni n tórigo Zyehu ma Zyizireyɛli ma.

2 Fànʔafɔbèle 15:10

Syalumi wi pye lè Yabɛsyi jáaw, a woro nyɔɔ kúun wi na, níì wi kpúmɔn syɛ́ɛnbèle nyɛ́nɛ na n kpóo, níì tɛ́ɛn fǎngi na wi sìndɛɛgi ni.

2 Fànʔafɔbèle 15:14

Menahɛmi wi pye lè Gadi jáaw, a woro yìri Tiirisa ma n baa jée Samarii ni n Yabɛsyi jáaw Syalumi kpúmɔn n kpóo níì tɛ́ɛn fǎngi na wi sìndɛɛgi ni.

2 Fànʔafɔbèle 15:25

Eremaliyahu jáaw Peka wi pye lè wi sùlasiibèle kàfɔlɔ, a woro nyɔɔ kúun wi na, níì wi kpúmɔn n kpóo fànʔafɔ-gbaagi kpaafungaa ni, Samarii ni, ní wɔ́ɔ̀ Arigɔbi ní Ariye kpóo. Galaadi nǎnbèle pèle togoye siin ní kpɔrigɔ maa pye ní wi ní. Kánmi bee na wi Pekaya kpóo níì tɛ́ɛn fǎngi na wi sìndɛɛgi ni.

2 Fànʔafɔbèle 15:30

A Ela jáaw Oze nyɔɔ kúun Eremaliyahu jáaw Peka na níì wi kpúmɔn n kpóo níì tɛ́ɛn fǎngi na wi sìndɛɛgi ni. Gee bee n pye Ozyasi jáaw Yotami fǎngi yɛ̀ʔɛlɛ toko wólo na, wi pye lè Zyuda fànʔafɔw.

2 Fànʔafɔbèle 9:24

A Zyehu fala n wi sedegi cò n kíle n Yorami ŋɔɔn fókaanyi siin lariga ni a ŋáagi jée n foro zɔ̌nw ni, a Yorami tìgi n too wi wòtorow ni.

2 Fànʔafɔbèle 9:33

A wi jo: «Ye wi ŋɔrigɔ ye cáan naa.» A be wi ŋɔrigɔ n cáan, a wi sìsyaanw càri n wáa gunbiigi ní syɔ́ɔnyi na. A Zyehu lúgu wi na n tánʔana ní tɔ́lɔyi ní.

Zyɔbi 36:13

Kolocɔlɔɔ yɛ́ʔɛnaa-sìnvyaabèle i peyɛɛ gaangi fundanʔari ma, pe si o yákpogèle wáa wi kurugo wi poro dɛ̀ɛmɛ lǎli ni wi be le nyɔ̀ʔɔmɔ na lè í.

Ŋúnuyi 14:4

Kakolobyebèle ga yarigaa cán wii ì, poro bele be mii syɛ́ɛnbèle káa àmɛɛ be búru káa lè? Pe o Yawe mɛ́ɛgi yiri í.

Ezayi 43:22

«Ee Zyakɔbi, mii mɛ́ɛgi ban mɔ yeri í! Ee Isirayɛli, mɔ n mii kéeli nyaa miyɛɛ na fɔ̀rɔgɔ.

Ezayi 64:4

Wee wi da ni sínni kèlē kpéʔele ní fundaanra ní lè, bele pe da ni sɔ̀ngí ni taagi mɔ kóloyi na lè, mɔ maa ni bele bee fàrá, kàjáa mɔ fúngi si n baa tanʔa gbanʔama, níì cán wolo n kapeele pye. Wolo si a kòro wɔʔɔgi ni, fwɔɔ bi taa wolo í ba syɔɔ.

Ezayi 64:6

Syɔɔn faala o yaà, wee wi mɔ mɛ́ɛgi yiri lè í, wàlá wee wi yìri ŋúnɔmi na bi wiyɛɛ daʔa mɔ na lè í, níì cán mɔ n mɔ yɛ́ɛgi làriga wolo na, mɔ n wolo le wolo kolomi kèlē fanʔa kɔ́yɔ ni.

Ezayi 64:7

Koro ní ki myɛ ní, Yawe mɔ wi nyɛ wolo Tóow. Wolo wo nyɛ cóori, mɔ si i nyɛ wolo cóofaanw, wolo myɛ i nyɛ mɔ kɔ́yi fáli.

Ezayi 9:13

Yawe a wɔ́ɔ nyǔngi, ní nángi, ní sɛʔɛwari, ní nyɛ́nɛri ceri bi yirige yaà cannijanga na.

Ezekyɛli 22:30

Mii i syɔɔnwaa caa be níngi ni, wee wi a kàkɔlɔgɔ faan bi be màʔa lè, si yére tɛɛfurugi na mii yɛ́ʔɛ ma, bi tári syɔɔ jàngó mii a kɔ́ di kálagi í, kàjáa mii ga wàa taa í.

Danyɛli 9:13

Ki n pye n yɛlɛ ní gi ní àmɛɛ gi sɛ́bɛ Mowizi làlwaw ni lè, a wɔʔɔgi bee myɛ too wolo na. Kàjáa wolo ga Yawe wolo Kolocɔlɔw funjànga nyɛ́ɛri í, wolo ga wàli n láʔa wolo kolomi kèlē na í, níì mɔ kányɛɛgi lóʔo í.

Oze sɛ́bɛw 13:10

Sán si mɔ fanʔafɔw nyɛ? Ki n yɛlɛ wi mɔ syɔɔ mɔ keyi myɛ ni! Sán mɔ kútiijoobèle nyɛ, poro bele kéele na mɔ da ni gi nyuu lè níì jo: ‹Fànʔafɔlɔ, ní kùndigibéle kaan mii ma.›

Oze sɛ́bɛw 5:15

«Mii a kári, mii a lúru kári mii tɛɛkòrogi ma fwɔɔ bi taa pe ba be kolomi nyaa si lúru bàā mii yɛ́ɛgi caa. Pe ga pye wɔʔɔli ni, pe a ra mii caa kányɛʔɛ na.»

Oze sɛ́bɛw 7:10

Isirayɛli ye nɛ̀ɛnyɛnɛgi i séeraw kpéʔele be kánmi na. Pe o lúrugu ni maa Yawe be Kolocɔlɔw ma í, àlí koro ní ki myɛ ní, pe o wi caa í.

Oze sɛ́bɛw 7:14

Pe o yákpogèle wáa mii kurugo ní be fúnyi myɛ ní í. Kàjáa a pe i nyaan ni peele n be yaʔa be yasinɛyi na, pe i peyɛɛ gbóʔoro bilew ní dùvɛɛnfɔnw kéele na, kàjáa ní i céemi kpéʔele mii kánmi na.

Oze sɛ́bɛw 8:4

Pe n fànʔafɔɔlɔ télege mii nyɔɔ fun ni, pe n kùndigibéle télege n gi yaʔa mii ga kàa cán gi ni í. Pe n be wálifiiw, ní be tɛ́ɛw tɛ́ʔɛ n yasunyo sámaga jàngó bi kálagi yiri yaà.

Misye 2:1

Wɔʔɔlɔ a pye bele na be sìnzinmi pyeganma sɔ̀ngí lè, ní i kapeegi kpéʔeleganma tímana ni yaari n be yaʔa pe yasinɛyi na! Nyǐngi ga tali, lǎli ni gi kpéʔeleli fànʔa ga pye be ma lè pe n gi foro.