Oze sɛ́bɛw 7:3 - Cebaara Bible 2010

³ Pe i fundaanra kaangi fànʔafɔw ma ní be péemi ní, ni fundaanra kaangi be fànʔafɔbiigèle ma ní be námara kérigèle ní.

Oze sɛ́bɛw 7:3 Iomraidhean Croise

1 Fànʔafɔbèle 22:13

Tundunwee wi da kári sa Misye yeri lè, a woro sáà joo ní wi ní kánmi naa na níì jo: «Wéle, kanyaajoobèle myɛ i yaà n bɛ̀ɛ nibin na ní i kacànga nyuu fànʔafɔw ma ki n yɛlɛ mɔ syɛ́ɛnri í sa pínɛ ní be wóri ní, mɔ í kacànga joo.»

1 Fànʔafɔbèle 22:6

A Isirayɛli fànʔafɔw kanyaajoobèle kpóʔoro, pe maa pye saala siin félege, ní baa be pye: «A gi yɛlɛ lé mii í sa kapɛɛnni kpúmɔn ní Aramɔti ní ki lè Galaadi ni láà ba fwɔɔ mii a kɔ́ kári í?» A be wi yari: «Da syée, Kàfɔw a gi le fànʔafɔw kɔ́yɔ ni.»

Zyeremii 37:19

Sán yele kanyaajoobèle nyɛ, bele pe da ni gi nyuu yele ma lè níì jo: ‹Babilɔni fànʔafɔw a pan yele kánmi na í, wàlá tári naa kánma na í?›

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Oze sɛ́bɛw 10:13

Yele n péemi fála, ní baa sìnzinmi yaliilaara kpéʔele, níì jànvaaw yasanga lìi. Níì cán mɔ n mɔ sɔngumi taʔa mɔ kólogi na, ní mɔ sanbalipɔbèle na be nɛʔɛ lè.

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Oze sɛ́bɛw 5:11

Fǎngi n gbàn Efirayimi na, kútiiw n wi tɔ́nʔɔnɔ, níì cán ki n wi dɛ́nɛ bi taʔa wi tiimaa katimanani na.

Oze sɛ́bɛw 7:5

Wolo fànʔafɔw fɛ́tii canʔa na, syɛɛnkpolobèle i yaama cáan peyɛɛ na ní dùvɛɛnw ní. Fànʔafɔw i kɔ́gi sáanri nɛ̀ɛnyɛnɛgi fɔ̀ɔlɔ ma.

Misye 6:16

Pe i Omirii làlwaw kèlē có ni gi kpéʔele n yɛlɛ ní Akabi kpáagi wòolo kapyegèlē myɛ ní, yele i táanri ni yɛlɛgi ní be láliiw ní. Koro na mii a mɔ kaan kálagili ma, mii a mɔ syɛ́ɛnbèle pye kataanra yárigéle, yele a mii syɛ́ɛnbèle faʔara tugo.

Misye 7:3

Pe kɔ́yi n wári kapeʔe pyele kurugo, fànʔafɔbili i yariraa caa fànʔa na, kútiijoow i fáliw pingi yakaanra kéele na, syɛɛnkpɔɔw wɔ́ɔ i wi fúngi yanidaanmaga caa, kánmi bee na pe myɛ wɔ́ɔ kanijanna na.

Wɔrɔmi ye 1:32

Bi gi taa gee Kolocɔlɔɔ joo lè kérigèle bee na wi nyɔɔsyɛɛnri ni, pe n gee bee fílige n cán, níì cán wi n jo: Bele be kérigèle bee félege kpéʔele lè, pe n yɛlɛ ní kùu ní, a be sèʔê fala kérigèle bee kurugo ni kpéʔele, àlí bele be kérigèle bee wonijangéle kpéʔele lè, pe i bele bee sòoló ke kpéʔeleli na.

1 Zyan 4:5

Amɛɛ be nyɛ lè dulunyanw wòolo, koro na kérigèle ge dulunyanw syɛ̀ɛnnɛ dɛ́nɛ lè koro be nyuu, a dulunyanw syɛ̀ɛnnɛ i lúro be ma.