Oze sɛ́bɛw 7:2 - Cebaara Bible 2010

² Pe si o gi nyuu peyɛɛ ma be fúnyi ni n jo mii i sɔ̀ngí ni taagi poro péemi myɛ na í. Tɔ́ɔliw ni pe kapyegèle si n be màʔa n kpàra, mii nyɛ́nɛ i nyɛ ge na.

Oze sɛ́bɛw 7:2 Iomraidhean Croise

Zyɔbi 34:21

Níì cán Kolocɔlɔɔ nyɛ́nɛ i nyɛ syɔɔn kóloyi na, wi i wi nyɔ̌ngèle myɛ wéle.

Ŋúnuyi 10:11

Wi i gi nyuu wiyɛɛ fúngi ni níì jo: «Kolocɔlɔɔ o sɔ̀ngí ni taagi gi na í! Wi i wi yɛ́ɛgi làragí, wi o yafyɛn wéle í!»

Ŋúnuyi 25:7

Mɔ a kɔ́ ra sɔ̀ngí da taagi mii cárimi làla kapeegéle na í, wàlá mii céemi kèlē na í. Sɔ̀ngi mi taa mii na bi yɛlɛ ní mɔ funjǎngi ní, mɔ nyinidaari báriga ni, ee Yawe.

Ŋúnuyi 50:22

Koro na yele bele ye fɛ̀ʔɛ Kolocɔlɔɔ na lè, ki n yɛlɛ ye gee naa cán, kapye koro ban í, mii a yele sulugu sulugu, syɔɔfɔlɔ a taa yele na í.

Ŋúnuyi 9:16

Wéegee tári syɛɛnfeleye da túgu lè, yi tiimaa n too gi ni, cɔ̀ɔ́wee yi cáan làrama ni lè, yi tiimaa tɔ́lɔyi n cò wi na.

Ŋúnuyi 90:8

Mɔ n wolo kolomi kèlē tɛ́ʔɛ miyɛɛ yɛ́ʔɛ ma, mɔ yɛ́ɛgi gbɛ̀ɛnmɛ i wolo kapeelàragèle tèé.

Ezayi 1:3

Nɔ̀ɔ n wi kàfɔw cán, a jòfani wi kàfɔw cán, wee wi wi kaangi wi i líi lè, kàjáa Isirayɛli ga yafyɛn cán í, mii syɛ́ɛnbèle ga yarigaa cán í.»

Ezayi 26:16

Yawe, n be yaʔa wɔʔɔgi ni, a be mɔ caa. Pe n be nyɛ́ɛrigi sánʔa n yaʔa mɔ na, lǎli ni mɔ be wɔʔɔ lè.

Ezayi 44:19

Sɔ̀ngurɔ faala tée o jǐn wi ni í, cándeele o wi ma í, wi o keele cángi ni láʔala í, wi gi joo si jo: «Mii n tíigi bee tílawaa sórigo náagi ni, mii n lìíli sɔʔɔ naàniganw na, mii n káari fwɔ́ɔ n káa. Mii si ní ki wogorogi sámaga lé bi pye yanɔnʔɔgɔ? Mii í ba ra kɔ́yi cáan lé tiigbelege yɛ́ʔɛ ma?»

Ezayi 5:12

Kɔ̀ríw, ní dǎngbogèle, ní tàmáw, ní máani, ní dùvɛɛnw n be kaan a pe i muguri pe lìigboloyi tɛ́ɛyɛ ni. Kàjáa pe o sɔ̀ngí Yawe fáliw kéele na í, pe o wi kɔ́yi fáli wéle í.

Zyeremii 14:10

Yawe n syɛ́ɛnri naa joo syɛ́ɛnbèle naa kéele na, wi n jo: «Ki n tɔ̀nɔ n be dɛ́nɛ bàā nyaari da máari sìnyére ni. Koro na Yawe ga fɔ̀lɔ be na í, wi i sɔ̀ngi ni taagi tɔ́ɔliw ni pe kakoloyi na, ní i be kpúmɔn be kapeegèle kéele na.»

Zyeremii 16:17

Níì cán mii nyɛ́nɛ i nyɛ be kóloyi myɛ na, yi ga làra mii na í, pe kolomi o làrá mii na í.

Zyeremii 17:1

«Zyuda kapeeli n sɛ́bɛ ní tunmɔrɔ ŋáana, ní lúlu ŋáafirigege ní. Li n kánʔana n wòlo pe fúnyi kàlagorigēle na ní yele sáriga-wòlo-yafaanyi nyɛ́ngéle na.

Zyeremii 2:19

Ki n yɛlɛ mɔ péemi sàra í kaan mɔ ma, mɔ sinzinmi kèlē í wɔʔɔgɔ taʔa mɔ na. Ki n yɛlɛ mɔ í gi cán, si gi nyaa bi cán bi Yawe mɔ Kolocɔlɔw cée, gee bee i nyɛ yapeʔe, ní yasorogo, wàlá bi pye fyáakaanna fun mii kàbangi na,» Nyɛ̀ʔɛni Sùlasiibéle Kafɔlɔ Yawe wi jo nya.

Zyeremii 32:19

Mɔ n kpɔ́ʔɔ láliiw pyele ni, a mɔ séew kpɔ́ʔɔ kérigèle kpéʔelele ni, mɔ wee nyapiigéle ge nyɛ lè womúgugéle ní, ni syɔɔn ye kóloyi myɛ nyaagi jàngó bi syɔɔn o syɔɔn sàra bi yɛlɛ ní wi tánʔaganmi ní, bi yɛlɛ ní wi kapyegèle tɔ̀nɔ ní.

Zyeremii 4:18

Koro gi nyɛ mɔ tánʔaganmi ní mɔ kapyegèle tɔ̀nɔ, mɔ péemi bi nyɛ bee bee. Gee bee tɔ̀nɔ́ i nyɛ yasorogo, ki tɔ̀nɔ́ i jǐn fwɔɔ mɔ zɔnw ni.

Zyeremii 44:21

«Nùndaanni yáriga yele sórigo lè Zyuda kěyi, ní Zyerusalɛmi kàlari-kóloyi ni, yele ní yele tóobèle, ní yele fànʔafɔbèle, ní yele syɛɛnkpolobèle, ní tári syɛ̀ɛnnɛ, a Yawe i nyɛ lé wi ga sɔ̀ngi n taa gi na í, ki si wɔ́ɔ o nyɛ wi fúngi ni í?

Ezekyɛli 21:29

Awá, gee bee na Kàfɔw Yawe n jo: ‹Amɛɛ yele sɔ̀ngí ni taagi yele kolomi na lè, níì yele céemi kèlē múgu n yaʔa n yele kapeegèle tɛ̀ɛn yele kapyegèle myɛ báriga ni lè, àmɛɛ yele sɔ̀ngí ni taagi gee bee na lè, wi kɔ́gi a yele cò.

Oze sɛ́bɛw 12:2

Efirayimi i wiyɛɛ gbóo ní káfalagi ní, níì taʔa canʔafolomɔ kabangi káfalaga na ni nɛnɛ. Wi i kàa fàrá canʔa o canʔa jànvaaw ní tanʔari na. Wi i joogaanna kpéʔele ní Asirii ní, pe i syée ní sìnmɛ ní Ezyipiti ma.

Oze sɛ́bɛw 4:9

Gee ki a pye syɛɛnsanbèle na lè, koro ki a pye sáriga-wòloo na. Mii a keele tɛ́ʔɛ be na be tánʔaganmi kéele na, mii a be sàra bi yɛlɛ ní be kapyegèle ní.

Oze sɛ́bɛw 6:2

Wi a sìíw kaan wolo ma nɛɛ ní canya siin fúngo ni. Candaanri wógi na wi a wolo yìrige, wolo a kòro sìi na wi yɛʔɛ̀ ma.

Oze sɛ́bɛw 8:13

Sárigaw yaweegéle be kaangi mii ma lè, pe i ge kúu ní i ge káari káa, mii Yawe si ga fɔ̀lɔ ge na í. Tɔ́ɔliw ni Yawe i sɔ̀ngí ni taagi be kolomi na, wi a be wɔʔɔ be kapeegèle kéele na, pe a lúru kári Ezyipiti ma.

Oze sɛ́bɛw 9:15

«Pe péemi myɛ i tèé Giiligali ni. Nɛɛ bee be kéeli mii bɛɛn. Mii a be nɛnɛ mii kpáagi na be péemi kapyere kéele na. Pe kéeli a ní mii dɛ́nɛ í. Pe kùndigibèle myɛ i nyɛ niceebéle.

Oze sɛ́bɛw 9:9

Pe n jée n cùru kálagimi ni, mɔ a jo àmɛɛ gi pye lè Gibeya cányi na. Yawe a sɔ̀ngí taa be kolomi na, wi a keele tɛ́ʔɛ be na kapeegèle kéele na.

Amɔsi 8:7

Yawe n kàli, Zyakɔbi nɛ̀ɛgbɔʔɔgi na níì jo: «Mii a tée fɛ̀ʔɛ be kapyelaa faala na nyáana í.

Zyonasi 1:2

«Yìri maa syée Niniivi ma, ki lè kèkpɔɔgi mi sa yákpoli wáa gi kánmi na. Níì cán ki péemi kéele n lúgu fwɔɔ n baa nan naa mii na.»

Córolo 32:23

Yele si ga pye ye ga gi pye nya í, ye wéle, kapeele yele a pye Yawe na, ye si gi cán yele kapeeli a pye yele kurugo.

Luki 12:2

Yárigee gi lè wodɔngɔ ní, ki a kɔ́ kòro sìndɛ̀ɛn ni í, wàlá ki ga pye wolaraga ní, ki a kɔ́ kòro sìnján ni í.

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

Làlwaw Kaanziin 32:29

Pe ga maa pye sícilibēle, gee pe a dée cán wàli lè, koro gi nyɛ, pe mǎà dée pe nyɛ̀ʔɛnaw kéele cán.

Heburubèle 4:13

Kolocɔlɔɔ yakpéʔelegaa faala a gbǎn làra wi na í, ti myɛ i nyɛ yatɔngɔ fun, ní wɔ́ɔ i nyɛ tɛɛlaraga fun wi yɛʔɛ̀ ma, woro wee má wolo yɛlɛ bàā wolo kérigèle fíligi da nyuu lè.