Oze sɛ́bɛw 7:1 - Cebaara Bible 2010

¹ «Lǎli ni mii da ni caa bi Isirayɛli pɔʔɔ lè, a Efirayimi kolomi, ní Samarii kanaa-sìnbyeri tiyɛɛ dɛ̀ɛn, níì cán pe n námara kpéʔele. Kàyuuw i jǐn kpáagi ni, kàyuu-fànʔafɔbèle i yáriri nɛnɛ ni syoo kàfugi na.

Oze sɛ́bɛw 7:1 Iomraidhean Croise

Ezayi 28:1

Wɔʔɔli a pye Efirayimi singbaadinbèle nɛ̀ɛnyɛnɛgɛ fanʔafɔ-nyùndɔnnɔ na, ní fyɛ́ɛnri na, dee di kúlɔlɔ lè, wi nìjanri fèrere kàʔa, ki lè singbaadinbèle jǐnlɔgɔ tácànra ǹjoʔo ni, ní bele dùvɛɛnw cáan lè.

Ezayi 59:12

Níì cán wolo kapeeyi n nɛʔɛ mɔ yɛ́ʔɛ ma, a wolo kapeegèle i séera kpéʔele wolo kánmi na. Wolo kapeeyi i nyɛ ní wolo ní, a wolo wolo kolomi kèlē cán.

Ezayi 59:13

Poro bi nyɛ wolo n sìnloʔomɔ kpéʔele níì Yawe jànváa n wàli n léeli wolo Kolocɔlɔw na. Wolo i péemi ní céemi syɛ́ɛnrɛ nyuu, níì jànvaaw syɛ́ɛnrɛ fícɛnnɛ taa, ní i sànʔari kpéʔele wolo fúnyi ni.

Ezayi 59:14

Pe n kútiisinw ŋɔrigɔ n wáa, pe n sínni yérige yaà léelige. Níì cán kányɛɛgi i kpírigi syɛ́ɛnmi tɛɛ̀kpoʔorogo ni, sínni a gbǎn tɛɛ̀jeʔe taa yaà í.

Zyeremii 51:9

Wolo maa ni caa bi Babilɔni pɔʔɔ, kàjáa wi ga pɔʔɔ í. Wo wi yaʔa yaà, wáā syée, wo myɛ nibin nibin wo tára ma. Níì cán wi kútiiw i nangi fwɔɔ nyɛ̀ʔɛgèle na, wi n yìri fwɔɔ n nan fàfaanyi na.

Ezekyɛli 16:46

Mɔ yɛʔɛfɔw wi lè mɔ senyɛnjew, wi nyɛ lè wodɛ́ɛɔn ní mɔ kamɔnɔ ma, woro wi nyɛ Samarii, ní wi calipiigèle ní, mɔ cɔnɔw wi lè mɔ senyɛnjew, wi nyɛ lè wodɛ́ɛɔn ní mɔ kaliige ma, woro wi nyɛ Sodɔmi, ní wi calipíigèle ní.

Ezekyɛli 23:4

Pe maa ni wolɛɛw yiri Ohola, ní i wi cɔnɔw yiri Oholiba. Pe maa pye mii wòolo, a be nànbiigéle ní calipiigèlē see. Gee gi be mɛ́ɛyi kéele kwɔ́ɔ lè: Ohola wi nyɛ Samarii, Oholiba si i nyɛ Zyerusalɛmi.

Ezekyɛli 24:13

Kapeegi i nyɛ mɔ nɔ́nʔɔri ni, mii maa ni caa bi mɔ jée mùnu, mɔ si ga miyɛɛ yaʔa a mɔ jée n mùnu n mɔ nɔ́nʔɔri láʔa í, koro na mɔ nɔ́nʔɔri a ní jée láʔa mɔ na í fwɔɔ bi taa mii í mii fundanʔagbɔɔri kèlē kpéʔele foro mɔ na.

Oze sɛ́bɛw 10:5

Samarii ye a ra cɛ̀lɛ́ Bɛti-Avɛn náapyaayi kéele na. Syɛ́ɛnbèle a pye kùu káyaʔa na yasungi kéele na, ki sáriga-wòlobèle pe da ni muguri ki kéeli na lè, pe a ra cɛ̀lɛ́ gi kéeli na, ki nìjanri kéele na ti a yiri be níngi ni bi kári lè.

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Oze sɛ́bɛw 12:1

Efirayimi n mii màʔa ní jànvaaw ní, Isirayɛli kpáagi wòolo n mii màʔa ní námaraw ní. Kàjáa Zyuda sèʔé i táanri ní Kolocɔlɔɔ ní, wi i nyɛ tágala syɔ́ɔn Kolocɔlɔɔ ma wi lè Wojanw.

Oze sɛ́bɛw 12:2

Efirayimi i wiyɛɛ gbóo ní káfalagi ní, níì taʔa canʔafolomɔ kabangi káfalaga na ni nɛnɛ. Wi i kàa fàrá canʔa o canʔa jànvaaw ní tanʔari na. Wi i joogaanna kpéʔele ní Asirii ní, pe i syée ní sìnmɛ ní Ezyipiti ma.

Oze sɛ́bɛw 4:17

Efirayimi n wiyɛɛ bwɔɔ yasunyi na. Wi yaʔa yaà!

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Oze sɛ́bɛw 5:1

«Yele sáriga-wòlobèle, ye gee naa lóʔo! Isirayɛli kpáagi wòolo, ye sámaga ye lóʔo! Fànʔafɔw kpáʔa wòolo, ye líiyi cáan! Níì cán yele má kútiiw nyuu ni wáa, ncan yele n pye karinyanga Misipa ni, ní cɔ̀ɔ, wee be cáan Tabɔɔri nyanbelegi na lè.

Oze sɛ́bɛw 6:4

«Nyàʔá mii yɛlɛ bi pye mɔ na Efirayimi? Nyàʔá mii yɛlɛ bi pye mɔ na Zyuda? Yele tàmagi i nyɛ àmɛɛ nyɛ̀ʔɛ nyɔ́ɔ fàfanʔa nyɛ lè, ní àmɛɛ nyɛ̀ʔɛ nyɔ́ɔ kásaga nyɛ, gee gi kwóo lè.

Oze sɛ́bɛw 7:13

Wɔʔɔlɔ i nyɛ be na, níì cán pe n fàn n léeli mii na! Kálagila i be na, níì cán pe n peyɛɛ bye niceebéle mii kánmi na! Mii maa ni caa bi be nyúnyi syɔɔ, a be si jànvaa joo mii kánmi na.

Oze sɛ́bɛw 8:5

Mii o mɔ náapiigi caa í, Samarii! Mii fúngi n tanʔa yele kurugo. Làlìí ni yele a láʔa nya kolomɔ funmi céele na?

Oze sɛ́bɛw 8:9

Níì cán pe n lúgu n kári Asirii ma àmɛɛ seʔe jofani nyɛ, wee wi canʔana ni yèré lè wi nibin. Efirayimi n wi tàmagi levɔɔlɔ syɔɔ lɔrɔ na.

Amɔsi 3:10

Pe ga kasinnɛ kpéʔeleganma cán í. Pe i fànʔa-na-yasyɔɔri ní kàyuugi yárira kpoʔolo be kpaakpoloyi ni,» Yawe wi jo nya.

Amɔsi 3:9

«Ye yele yákpogèle wáa ye gi joo be lóʔo Asidɔdi kpaakpoloyi ni, ní Ezyipiti tári kpaakpoloyo ni, yé jo: ‹Ye yeyɛɛ gbóʔoro Samarii nyanbeleyi na, yé kanyaʔami-nɛʔɛri wéle, dee di nyɛ lè gi ni, ní fǎngi gbànna li nyɛ lè gi fúngi ni.›

Amɔsi 8:14

Poro bele be kɛ̀ɛ́ lè Samarii kapeeli na, ní i gi nyuu níì jo: ‹Ki n yɛlɛ mɔ kolocɔlɔw Dan í kòro beè sìi na ! Bɛɛri-Syeba kólogi i kòro beè sìi na!› Poro a too, pe si a ní yìri nyáana í.»

Misye 6:16

Pe i Omirii làlwaw kèlē có ni gi kpéʔele n yɛlɛ ní Akabi kpáagi wòolo kapyegèlē myɛ ní, yele i táanri ni yɛlɛgi ní be láliiw ní. Koro na mii a mɔ kaan kálagili ma, mii a mɔ syɛ́ɛnbèle pye kataanra yárigéle, yele a mii syɛ́ɛnbèle faʔara tugo.

Matye 23:37

«Zyerusalɛmi, Zyerusalɛmi, mɔ wee wi kanyaajoobèle kúu lè ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.

Luki 13:34

Zyerusalɛmi, Zyerusalɛmi, mɔ wee wi kanyaajoobèle kúu lè, ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.

Luki 19:42

níì jo: «Kérigèle gele ke a dée mɔ lége lè yɛɛ̀nyingi ni, mɔ tiimaa ga maa gele bee cán níjanʔa, koro mǎà dée pɔ́rɔ gbanʔama! Kàjáa tɔ́ɔliw ni ke n làra mɔ na.