Oze sɛ́bɛw 6:3 - Cebaara Bible 2010

³ Wo wi cán, wo kanmaa caa wo Yawe cán. Amɛɛ nyǐnjerigi panna nyɛ lè kakabalaga fun ni, ànbée wi panni wɔ́ɔ i nyɛ. Wi a pan wolo ma àmɛɛ zàʔá nyɛ lè, àmɛɛ nyìnbegéle nyɔ́ɔ zàʔá nyɛ, gee gi tári fɔɔnri lè.»

Oze sɛ́bɛw 6:3 Iomraidhean Croise

2 Samyɛli 23:4

wi i nyɛ àmɛɛ nyɛ̀ʔɛ nyɔ́ɔ canvolovɔ́ngɔ gbɛ̀ɛnmɛ nyɛ lè, àmɛɛ nyɛ̀ʔɛ nyɔ́ɔ fàfaanra fun nyɛʔɛnɛ nyɛ lè. Wi i nyɛ àmɛɛ zětoo-láʔara gbɛɛnmɛ nyɛ lè, bee báriga ni nyàági fún tári na lè.›

Zyɔbi 29:23

Pe maa ni mii sige àmɛɛ pe zàʔá sigi lè, pe maa ni nyɔ́ɔyi múru àmɛɛ gi kpéʔele zěselige kéele na lè.

Ŋúnuyi 19:4

Syɛɛnjóoro fun ni, syɛɛnkanya fun ni, ti joomɔ ga lóʔo í.

Ŋúnuyi 19:6

Cángi i yirigi nyǐngi nyɔ́ɔ na àmɛɛ cefɔɔn fɔ́lɔ nyɛ, wee wi yirigi wi tɛɛ̀sinɛgi ni lè, ki fundaanri wɔ́ɔ i nyɛ àmɛɛ kàfyaafan-sànbali wóro nyɛ, wee wi fànʔa taa kàfyaali na lè.

Ŋúnuyi 63:8

níì cán mɔ wi nyɛ mii dɛ̀ɛmɛfɔw, á mii si i fundaanra yákpolo wáa mɔ fókaanyi láara ni.

Ŋúnuyi 65:9

Bele be nyɛ lè yaà wodɛ́ɛnbéle ní tári láʔala na, mɔ kakpoloyi nyáana i nyɛ be na fyáara. Mɔ n gi yaʔa canʔafolomɔ ní canʔajeemɛ wóbèle í da fundaanra kpéʔele.

Ŋúnuyi 72:6

Wi a ra tíri àmɛɛ zàʔá tuun lè nyàákɔnigɔ tɛ́ʔɛ na, àmɛɛ zàʔá tára fɔɔnri lè.

Kàseegèle 4:18

Syɛɛnsinbèle kóbile i nyɛ àmɛɛ canvolovɔ́ngɔ gbɛɛnmɛ nyɛ, bee na kàa taari lè bi taa cángi í ba tɛ́ɛn nyùngo ni.

Ezayi 2:3

Syɛɛnfele-nɛʔɛyɛ a ra syée yaà, sáā gi nyuu si jo: «Yaa maa wo lúgu wo kári Yawe nyanbelegi ma, Zyakɔbi Kolocɔlɔw kpaʔa ma, koro ga pye wi sa wolo tama wi kóloyi na, wolo sáā táanri wi kobiigèle ni.» Níì cán Siyɔn má làlwaw a yìri, Zyerusalɛmi má Yawe syɛ́ɛnri a yìri.

Ezayi 32:15

fwɔɔ bi taa Pǐli í yìri ǹjogi ni bi ba tɔ́n wolo na, fwɔɔ fìími tára í ba kàri bi pye tiire seʔe, tíiri seʔe si córo kɔligɔ.

Ezayi 44:3

Níì cán mii a lɔ̀ʔɔ píli lɔ̀ʔɔfun-tári na, bi lókoloyo lége táwaari ni. Mii a mii Pǐli tìrige bi tɔ́n mɔ piibèle na, bi mii dùbaw taʔa mɔ yodaʔayi na.

Ezayi 5:6

Mii a gi kálagi, gi káganbiigèle a ní nyáma í, pe a ní gi fála í. Wúuro tiipiire, ní wúuro a fìin yaà gi ni. Mii a gi joo bi gbàn fàfaanyi ma, koro ga pye yi a ní kɔ́ zàʔá cáan gi ni í.»

Ezayi 54:13

Mɔ piibèle myɛ a pye Yawe pìitamabéle, mɔ piibèle a tɔ̀nɔ́ yɛɛ̀nyingbɔʔɔ taa.

Zyeremii 24:7

Mii a funyo kaan be ma jàngó pe gi cán bi cán mii wi nyɛ Yawe. Pe a pye mii syɛ́ɛnbèle, mii si pye be Kolocɔlɔw, níì cán pe a lúru pan mii ma ní be fúnyi myɛ ní.

Ezekyɛli 36:25

Mii a lòcànga nyari nyari yele na, yele a jée mùnu. Mii a yele jée mùnu bi yele nɔ́nʔɔri myɛ, ní yele yasunyi myɛ láʔa yele na.

Oze sɛ́bɛw 10:12

Yaa sínni lùguro lúru, yáā funjǎngi yaliilaara kpéʔele, ye sefɔngɔ cáan yeyɛɛ ma! Yawe caali làla n nan fwɔɔ bi taa wi pan ba sínni yàli yele na.

Oze sɛ́bɛw 14:5

Mii a be tágala funmi yáama pɔʔɔ, pe kéeli a mii dɛ́nɛ gbanʔama, níì cán mii fundanʔari n wàli n láʔa be na.

Oze sɛ́bɛw 14:6

Mii a pye Isirayɛli ma àmɛɛ kásaga nyɛ lè, wi a fyɛ́ɛnrɛ kpéʔele àmɛɛ sinbirigi nyàáfyɛɛnrɛ nyɛ lè, si nǐnri tìrige àmɛɛ Liban tíiri nyɛ lè.

Oze sɛ́bɛw 2:20

Cángi bee na mii a joogaanna kpéʔele be ma, ní sìnbirigi yaweere, ní nyɛ̀ʔɛni féjɛɛnrɛ, ní yáriri ní di fulolo tári na lè. Mii a sedegi, ní ŋɔséew, ní kapɛɛnni ceri bi yirige tári ni, mii a be yaʔa paa ŋúnɔ yɛɛ̀nyinge na sági.

Misye 4:2

Syɛɛnfele-nɛʔɛyɛ a ra syée yaà, sáā gi nyuu si jo: «Yaa maa wo lúgu wo kári Yawe nyanbelegi ma, Zyakɔbi Kolocɔlɔw kpaʔa ma, koro ga pye wi sa wolo tama wi kóloyi na, wolo sáā táanri wi kobiigèle ni.» Níì cán Siyɔn má làlwaw a yìri, Zyerusalɛmi má Yawe syɛ́ɛnri a yìri.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Misye 5:7

Zyakɔbi wogorobèle a pye syɛɛnfeleyi nínge ni, syɛɛnfele-nɛʔɛyɛ nínge ni àmɛɛ càaraɔ nyɛ kɔ́ligi yaweere nínge ni lè, ní àmɛɛ càarabɔ-yɛlɛɔ nyɛ yaweeyiligēle gboogéle ni lè, lǎli ni wi ga ni sɔ̀lɔ́ lè, wi n ni dee tánʔana, ní i dee sulugu, syɔɔn a taa bi di syɔɔ í.

Zakarii 10:1

Ye Yawe nyɛ́ɛri waa zěgi cáan nyìnbegèle nyɔ́ɔ na ki lǎli ni! Yawe a káfalagi yìrige bi zěkpolo-pàlaya cáan be ma, si yáriri fìin be séyi ni.

Matye 13:11

A wi be yari: «Ki n kaan yele ma yele í nyɛ̀ʔɛni fànʔa kalaragēle cán, kàjáa ki ga kaan poro ma í.

Luki 1:78

Níì cán wolo Kolocɔlɔw nyínimɛ n tɔ̀nɔ n nɛʔɛ. Nyínimi bee báriga ni wi a gi yaʔa nyǐndaligi í yìri nyɛ̀ʔɛni na bi nan wolo na.

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Zyan 7:17

Syɔ́ɔnwee faala wi ga ni caa bàā Kolocɔlɔɔ nyɛ́nɛ kérigèle kpéʔele lè, wee bee a tɔ̀nɔ́ gi cán kapye Kolocɔlɔɔ syɛ́ɛnri na mii syɛ́ɛnbèle tama, wàlá kapye mii fúngi syɛ́ɛnrɛ na mii be tama.

Kapyegèle 17:11

Zyefubèle bee si maa pɔ́rɔ n sɔ̀lɔ Tesaloniki ye wóbèle na, níì cán pe maa syɛ́ɛnri cò ní fundaanra ní, ní i Kolocɔlɔɔ syɛɛnsɛbɛri sámagi ni wéle ní lòmaana ní canʔa o canʔa, jàngó bi gi cán kapye kérigèle Pɔli nyuu lè ke i nyɛ kányɛʔɛ.

Làlwaw Kaanziin 32:2

Ki n yɛlɛ mii tamani í da tíri àmɛɛ zàʔá nyɛ lè, mii nyɔɔsyɛɛnri í da ŋuu àmɛɛ káfyaan nyɛ lè, àmɛɛ zěyɔri-yɔrigɔ tuun nyàápungo na lè, àmɛɛ lɔ̀ʔɔ ŋuu nyàā na lè.

Heburubèle 3:14

Níì cán tágali li da sélì pye wolo ma lè, wolo ga li sámaga n cò n taa n sáà nan gi kwɔ́ɔmi na, wolo i nyɛ Kirisi pínɛnyɛ̀nnɛ,

2 Pyɛri 1:19

Koro na kanyaajoobèle syɛ́ɛnrɛ di nyɛ wolo ma lè, kàa n fàra di fíligeli na, ki n yɛlɛ yele í da syɛ́ɛnri bee kɔ̀rɔsíi, ti i nyɛ mɔ a jo fètinnɛ lii, lee li nyín ni yirigi lè yébilimɛ tɛ́ʔɛ ni bi taa nyìndaliŋɔni í ba folo yele fúnyi ni, gbɛ̀ɛ́nmi si cèlege.

Tɛ̀ɛnnɛ 22:16

Mii Zyezu wi mii nyɛ̀ʔɛni tunduɔn tun jàngó wi sa kérigèle bee séera joo Egilizibèle ma. Mii wi nyɛ Davidi nǐnri, ní wi yòdaʔagi, mii wi nyɛ Nyǐndaliŋɔni, lee li nyín lè gbanʔama.»