Oze sɛ́bɛw 5:2 - Cebaara Bible 2010

² Syɛɛnnaa-sìnzinbéle n kàa fàra kpóogbɔɔli na, mii si a pe myɛ kpúmɔn.

Oze sɛ́bɛw 5:2 Iomraidhean Croise

Ezayi 1:5

Sán pe a ní yele kpúmɔn, àmɛɛ yele ní i kàa fàrá yele céemi kèlē na lè? Nyǔngi wobogo i yáa, a fúngi myɛ i nyɛ wɔʔɔgɔ na.

Ezayi 29:15

Wɔʔɔli a pye bele na pe làrá Yawe na lè jàngó bi be katimanani làriga. Pe i be kapyegèle kpéʔele yébilimi ni, ní i gi nyuu níì jo: «Wìí wi wolo nyaagi, ba wìí wi wolo cán?»

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 5:3

Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.

Zyeremii 6:28

Pe myɛ i nyɛ niceebéle n sɔ̀lɔ ki dǎnw na, ní mɛ́ɛkalagibéle, pe i nyɛ àmɛɛ kanyɛɛnrɛ ní tunmɔrɔ nyɛ lè, pe myɛ n kálagi.

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Oze sɛ́bɛw 6:5

Koro na mii kanyaajoobèle tɛ́ʔɛ n be sála n wo, mii n be kpóo ní mii nyɔ́ɔgi syɛ́ɛnrɛ ní. Mii kútiiw kèlē i yirigi àmɛɛ gbɛ̀ɛnmɛ nyɛ lè.

Oze sɛ́bɛw 6:9

Amɛɛ kàyuu-fànʔafɔɔlɔ làrá ni syɔɔn sige lè, ànbée sáriga-wòlobèle kabiga syɛ́ɛnbèle sige ni kúu Sisyɛmi kólogi na. Gee bee i nyɛ kapeekpɔʔɔ!

Oze sɛ́bɛw 9:15

«Pe péemi myɛ i tèé Giiligali ni. Nɛɛ bee be kéeli mii bɛɛn. Mii a be nɛnɛ mii kpáagi na be péemi kapyere kéele na. Pe kéeli a ní mii dɛ́nɛ í. Pe kùndigibèle myɛ i nyɛ niceebéle.

Tɛ̀ɛnnɛ 3:19

Bele myɛ be nyɛ lè mii syɛɛn-nidaanmabèle, mii i fúlo be na ní i be kpúmɔn ni kàragí. Gee bee na mi wári mi kàri mi kàdoʔo wáa mɔ kapeegèle ma!