Oze sɛ́bɛw 4:9 - Cebaara Bible 2010

⁹ Gee ki a pye syɛɛnsanbèle na lè, koro ki a pye sáriga-wòloo na. Mii a keele tɛ́ʔɛ be na be tánʔaganmi kéele na, mii a be sàra bi yɛlɛ ní be kapyegèle ní.

Oze sɛ́bɛw 4:9 Iomraidhean Croise

Kàseegèle 11:31

Syɛɛnsinw ga wi sàraw taa naa tári na, syɛɛnpeew ní kapeebyew wóʔo a tóro.

Kàseegèle 12:14

Syɔɔn nyɔ́ɔgi yasanra báriga ni wi tíngi yáriri na di nyɔɔ lè, syɔɔn i taagi ni yɛlɛgi ní wi kɔ́yi kapyele ní.

Kàseegèle 5:22

Syɛɛnpeew tiimaa sìnzinmɛ kele n wi cò, wi kapeebyeri mɛ́ɛngéle n wi pwɔɔ.

Ezayi 24:2

Sáriga-wòloo a ba pye sèjira ní syɛɛnsanbèle ní, kàfɔlɔ ní wi falipyeo í pye sèjira, kàfɔjɔɔ ní wi falipye-pìcaa í pye sèjira, yapáraɔ ní yasyɔɔɔ í pye sèjira, fwɔɔleo ní fwɔɔkuuɔn í pye sèjira, fwɔ́ɔli tɔ̀nɔ syɔɔfɔlɔ ní fwɔ́ɔli tɔ̀nɔ kaanfɔlɔ í pye sèjira.

Ezayi 3:10

Ye gi joo yé jo: Syɛɛnsinw i nyɛ dùba pyà, níì cán pe a ba ra wi kapyegèle tɔ̀nɔ líi.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Ezekyɛli 44:10

« ‹Gee si gi Levii ye kéeli kwɔ́ɔ lè, poro bele be peyɛɛ léeli mii na lè, lǎli ni Isirayɛli ye da ni pùuní lè, ní i lúrugu mii kurugo ni taari be yasunyi na lè, bele bee a ba be kolomi túgoro tugo.

Ezekyɛli 44:12

Amɛɛ pe da ni báara syɛ́ɛnmi ma pi yasunyi yɛ́ʔɛ ma lè, n pye tɛɛtoolo Isirayɛli kpáagi wòolo ma lè, ní be kolomi sábabu, gee bee na mii mii kɔ́gi yìrige níì kàli n kaan be ma, Kàfɔw Yawe wi jo nya, pe a be kolomi túgoro tugo.

Oze sɛ́bɛw 1:4

A Yawe wi pye: «Wi mɛ́ɛgi le paa wi yiri Zyizireyɛli. Níì cán cɛɛri ga pye mii a keele tɛ́ʔɛ Zyehu kpáagi wòolo na sìsyaanw kéele na be wo Zyizireyɛli ni lè, mii a Isirayɛli kpáagi fànʔa kwɔ́ɔ.

Oze sɛ́bɛw 10:10

Mii a be kpúmɔn kàriga mii fúngo, syɛɛnfeleyaa a kpóʔoro be kánmi na lǎli ni pe ga ni be pwoo be kapeetɛɛyi siin kéele na lè.

Oze sɛ́bɛw 12:2

Efirayimi i wiyɛɛ gbóo ní káfalagi ní, níì taʔa canʔafolomɔ kabangi káfalaga na ni nɛnɛ. Wi i kàa fàrá canʔa o canʔa jànvaaw ní tanʔari na. Wi i joogaanna kpéʔele ní Asirii ní, pe i syée ní sìnmɛ ní Ezyipiti ma.

Oze sɛ́bɛw 12:3

Yawe i nyɛ kútii na ní Zyuda ní, wi a keele tɛ́ʔɛ Zyakɔbi na bi yɛlɛ ní wi tánʔaganmi ní, wi a wi sàra bi yɛlɛ ní wi kapyegèle ní.

Oze sɛ́bɛw 7:2

Pe si o gi nyuu peyɛɛ ma be fúnyi ni n jo mii i sɔ̀ngí ni taagi poro péemi myɛ na í. Tɔ́ɔliw ni pe kapyegèle si n be màʔa n kpàra, mii nyɛ́nɛ i nyɛ ge na.

Oze sɛ́bɛw 8:13

Sárigaw yaweegéle be kaangi mii ma lè, pe i ge kúu ní i ge káari káa, mii Yawe si ga fɔ̀lɔ ge na í. Tɔ́ɔliw ni Yawe i sɔ̀ngí ni taagi be kolomi na, wi a be wɔʔɔ be kapeegèle kéele na, pe a lúru kári Ezyipiti ma.

Oze sɛ́bɛw 9:15

«Pe péemi myɛ i tèé Giiligali ni. Nɛɛ bee be kéeli mii bɛɛn. Mii a be nɛnɛ mii kpáagi na be péemi kapyere kéele na. Pe kéeli a ní mii dɛ́nɛ í. Pe kùndigibèle myɛ i nyɛ niceebéle.

Oze sɛ́bɛw 9:9

Pe n jée n cùru kálagimi ni, mɔ a jo àmɛɛ gi pye lè Gibeya cányi na. Yawe a sɔ̀ngí taa be kolomi na, wi a keele tɛ́ʔɛ be na kapeegèle kéele na.

Zakarii 1:6

Syɛɛnjóori, ní làlwaw kèlē si mii da joo mii falipyebèle ma, pe lè kanyaajoobèle, gele bee ga nan yele tóolɛɛbèle na ì? Pe n lúru n pan níì gi joo níì jo: Yawe wi lè Nyɛ̀ʔɛni Sùlasiibéle Kafɔlɔ, wi n wolo cò n yɛlɛ ní gi ní àmɛɛ wi da gi kɔ̀rirɔ n tímana bi kpéʔele wolo na lè n yɛlɛ ní wolo tánʔaganmi, ní wolo nàʔami ní.› »

Matye 15:14

Ye be yaʔa yaà, fúunbéle be nyɛ, ní i fúunbèle pèle tala. Fúuɔn ga ni wi fúunnyɛnnɛ tala, pe myɛ siinw a pínɛ too weʔe ni.»