Oze sɛ́bɛw 4:4 - Cebaara Bible 2010

⁴ «Kàjáa wàa faala a kɔ́ ra kàkabaga kpéʔele í, wàa faala a kɔ́ ra fúlo wàa na í. Níì cán mɔ syɛ́ɛnbèle i nyɛ àmɛɛ syɛ́ɛnbèle pèle nyɛ, bele be nyɛ kútii na ní sáriga-wòloo ní lè.

Oze sɛ́bɛw 4:4 Iomraidhean Croise

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Ezekyɛli 3:26

Mii a mɔ nyínni táriga mɔ gbǎdanw na, jàngó mɔ í pye boboo, koro ga pye mɔ a ní kɔ́ gbǎn fúlo be na í. Níì cán niceebéle narigbaʔa gii.

Oze sɛ́bɛw 4:17

Efirayimi n wiyɛɛ bwɔɔ yasunyi na. Wi yaʔa yaà!

Amɔsi 5:10

Wee wi fúlo be na kpàánweeli na lè, wi kéeli n be bɛɛn. Wee wi fíligi ni nyuu lè, wi i nyɛ be ma yanɔnʔɔgɔ.

Amɔsi 5:13

Koro na syɔ́ɔnwee wi cìlige lè, wi i pyèrí làrigèle naa ni, níì cán làribeegéle gɛɛ.

Amɔsi 6:10

Wàa senyɛnnɛ ga pan ba wi kúceri láa bi sórigo ní ba ni be kaceleyi lée ni yirigi kpáagi ni, wi a ba wee yíbe wi nyɛ lè kpáagi fúngo ni si jo: «A wàa ní i lé naa ní mɔ ní?» Wi a wi yari: «Wàa o naa í.» Wi a wi pye: «Pyèri yaà! Níì cán Yawe mɛ́ɛgi ga yɛlɛ wo gi yeri í.»

Làlwaw Kaanziin 17:12

Sáriga-wòlowee wi yèré yaà ni Yawe mɔ Kolocɔlɔw fáli kpéʔele lè, nɛ̀ɛgbɔʔɔgɔ syɔ́ɔnwee ga cée lè wi ga fɔ̀lɔ n wee bee syɛ́ɛnrɛ lóʔo í, wàlá wi ga kútiijoow syɛ́ɛnrɛ lóʔo í, pe a syɔ́ɔnw bee kpóo. Kánmi bee na mɔ a kapeegi kwɔ́ɔ yirige Isirayɛli níngi ni.