Oze sɛ́bɛw 4:3 - Cebaara Bible 2010

³ Koro na tári a pye kùu káyaʔa na, bele myɛ be nyɛ di ni lè pe a fána, poro ní sìnbirigi yaweere, ní nyɛ̀ʔɛni féjɛɛnrɛ. Alí sólomi lɔ́ʔɔ fàala a wɔ́ɔ kwɔ́ɔ yiri yaà.»

Oze sɛ́bɛw 4:3 Iomraidhean Croise

Ezayi 33:9

Tári myɛ i nyɛ kùu káyaʔa na, ti i kálagi. Liban n curugo, wi i káagi. Sarɔn i nyɛ tɛɛfiikpɔʔɔ. Basyan, ní Karimɛli wári i kɔlɔ ni ŋuu.

Zyeremii 12:4

Làla jòorí tári a kwɔ́ɔ kùu káyaagi na, sìnbirigi myɛ nyàā si wɔ́ɔ waʔa bi kòro nya bi làla jòorí kwɔ́ɔ? Di syɛ́ɛnbèle péemɛ kéele na yaweeri, ní féjɛɛnri i kálagi ni syée. Níì cán pe n jo: «Wi o wolo nyɛ̀ʔɛnaw nyaagi í.»

Zyeremii 23:10

Níì cán tári n nyìn kanɔnʔɔbyebèle na. Tári i nyɛ kùu káyaʔa na, dángaw kéele na. Fìími tára yaweenaʔa-tɛ́ɛyɛ nyaa n waʔa. Pe i fé kapeeyi kurugo. Lòmaana i nyɛ be ni sìnzinmi kpéʔelele na.

Zyeremii 4:25

A mii i wéle, n gi nyaa syɔɔn ga níì pye yaà í. A nyɛ̀ʔɛni féjɛɛngèlē myɛ fàn.

Zyeremii 9:10

«Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Zyeremii 9:9

Mii i nyaan ní i cɛ́ɛn nyanbeleyi kéele na, mii i funbɛɛnrɛ ŋúnugo ŋúu fìími tára yawee-nàʔa-tɛ́ɛyɛ kéele na. Níì cán yi n sógi, syɔɔn faala o sɔ̀lɔ́ yaà í, yaweere gboolo yákpolo ní o lúro yaà í. N séli nyɛ̀ʔɛni féjɛɛnrɛ na, n sáà nan yaweeri na, ti myɛ n yiri yaà n kári.

Ezekyɛli 38:20

Sólomi lɔ̀ʔɔ fàala, ní nyɛ̀ʔɛni féjɛɛngèlē a ra cɛ̀lɛ́ mii yɛ́ʔɛ ma, n fàra sìnbirigi yaweere, ní yáriri myɛ na di fulolo tári na lè, ní syɛ́ɛnbèle myɛ be nyɛ tári yɛ́ʔɛ kurugo lè. Nyanbeleyi a wáa cíbele, fálaweeyi a kabagi too, tǒbèle myɛ í too tári na.

Zyowɛli 1:18

Yaweeri i cɛ́ɛn! Yaweekpologèle gboogéle i curugu ni máari, níì cán ke ga nyàā taa í. Alí yaweeyiligèle gboogéle i káagi.

Amɔsi 1:2

Wi n jo: «Yawe i kaana Siyɔn ni, Wi i yákpoli wáa Zyerusalɛmi ni, bànaʔabèle yaweenaʔa-tɛ́ɛyɛ i nyɛ kùu káyaʔa na, Karimɛli nyanbelegi ǹjoʔo ma si i waari.»

Amɔsi 5:16

Gee bee na Kàfɔw Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, wi n jo: «Pe a ba ra nyaan bàā peele kadàlayi myɛ na. Pe a ra gi pingi da máari kàlari-kóloyi myɛ ni: ‹Yòói! Yòói!› Pe a tèfalaw yeri kùu káyaagi kéele na, bele be nyamɛɛgèle wáama cán lè, sáā poro yiri kayaagi nyɛniyɛ na.

Amɔsi 8:8

Gee bee a tári kaan di cúngo, di syɛ́ɛnbèle myɛ si pye kùu káyaʔa na ì? Tári myɛ a ba nyìn àmɛɛ cábigi nyɛ lè. Ti a ba nyìn si ní tìgi àmɛɛ Ezyipiti cábigi nyɛ lè.

Nahumi 1:4

Wi i fúlo sólomi lɔ́ʔɔ na ní i gi waari, wi i cábiyi myɛ lòyo syɔɔnri. Basyan ní Karimɛli fǎngi i kálagi ni syée, Liban tiifyɛɛnri i fánagi.

Sofonii 1:3

Mii a syɛ́ɛnbèle ní yaweeri kwɔ́ɔ bi láʔa yaà, mii a nyɛ̀ʔɛni féjɛɛnrɛ ní sólomi lɔ̀ʔɔ fàala kwɔ́ɔ bi láʔa yaà, ní kérigèle ge syɔɔn pùuní lè, bi koro ní syɛɛnpeebèle kwɔ́ɔ bi láʔa yaà, mii a syɔɔn ye kwɔ́ɔ bi láʔa yaà tásaligi na,» Yawe wi jo nya.

Zakarii 5:4

Mii a wi cariga,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya, «Wi a sa jée kàyuuw kpaʔa ni, ní wee wi jànvaaw kàliya kɛ̀ɛ́ mii mɛ́ɛgi na lè, woro kpáagi ni, koro ga pye wi tɛ́ɛn yaà bi gi sórigo ní gi yatɔnri, ní gi kàdɛnɛri myɛ ní.»