Oze sɛ́bɛw 4:2 - Cebaara Bible 2010

² Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Oze sɛ́bɛw 4:2 Iomraidhean Croise

Sélimɛ 4:8

A Kayɛn si kɔ́ɔ̀ joo ní wi cɔnɔw Abɛli ní. Amɛɛ be pye ségi ni lè, a Kayɛn yìri wi cɔnɔw Abɛli kurugo n wi kpúmɔn n kpóo.

Ezayi 24:5

Tári n nɔ́nʔɔ di tɛ́ɛnfɔbèle báriga ni, níì cán pe n làlwaw kèlē kálagi, níì kajoogèle kàriga, níì bàngwɔɔ joogaanni sàa.

Ezayi 48:1

«Ye gee naa lóʔo Zyakɔbi kpáagi wòolo, yele bele na Isirayɛli mɛ́ɛgi nyɛ lè, yele bele ye yiri Zyuda yòdaʔayi ni lè, yele bele ye kɛ̀ɛ́ Yawe mɛ́ɛgi na lè, ní i Isirayɛli Kolocɔlɔw mɛ́ʔɛ yiri lè, kányɛʔɛ ní sínnɛ si o yaà í!

Zyeremii 51:5

Níì cán Isirayɛli ní Zyuda o nyɛ lɔguugo na be Kolocɔlɔw ma í, Nyɛ̀ʔɛni Sùlasiibéle Kafɔlɔ Yawe ma í, àlí n gi yaʔa pe tári n tɔ̀nɔ n kolo n foro Isirayɛli Wojanw kánma na.

Zyeremii 6:7

Amɛɛ kɔ̀lɔ́ wi lǒgi púlo lè, kánmi bee na wi wi péemi púlo. Kàfulogaa nikwɔɔ o nyɛ wi ni kapye péemi ní gàlagíw wóʔo ban í. Yáami ní kpàliyi yi nyɛ mii yɛ́ʔɛ ma làla o làla kwɔ́ɔmɔ fun.

Kayaagi Nyɛnigɛ 4:13

Koro n pye wi kanyaajoobèle kapeegéle kéele na, ní wi sáriga-wòlobèle kolomɔ kéele na, poro bele be syɛɛnsinbèle sìsyaan wo wi fúngi ni lè.

Ezekyɛli 7:23

Nyɔ̀ʔɔdiriye sámaga! Níì cán tári n nyìn syɛɛnkpoori kútii na, kěgi n nyìn kaŋágabyeri na.

Oze sɛ́bɛw 10:13

Yele n péemi fála, ní baa sìnzinmi yaliilaara kpéʔele, níì jànvaaw yasanga lìi. Níì cán mɔ n mɔ sɔngumi taʔa mɔ kólogi na, ní mɔ sanbalipɔbèle na be nɛʔɛ lè.

Oze sɛ́bɛw 10:4

Pe i syɛɛnrɛ nyuu, ní i jànvaa kàliyi kɛ̀ɛ́, ní i joogaanna kpéʔele. Kútiiw i fún àmɛɛ nyàápeʔe nyɛ lè séyi sɔ̀nyɔ ni.

Oze sɛ́bɛw 12:14

Yawe si n kanyaajooo tɛ́ʔɛ n Isirayɛli yirige Ezyipiti tári ni, n kanyaajooo tɛ́ʔɛ n wi kpáaw wéle.

Oze sɛ́bɛw 5:2

Syɛɛnnaa-sìnzinbéle n kàa fàra kpóogbɔɔli na, mii si a pe myɛ kpúmɔn.

Oze sɛ́bɛw 6:8

Galaadi i nyɛ kapeebyebèlē kaʔa, ki n nyìn sìsyaanw túluyo na.

Oze sɛ́bɛw 6:9

Amɛɛ kàyuu-fànʔafɔɔlɔ làrá ni syɔɔn sige lè, ànbée sáriga-wòlobèle kabiga syɛ́ɛnbèle sige ni kúu Sisyɛmi kólogi na. Gee bee i nyɛ kapeekpɔʔɔ!

Oze sɛ́bɛw 7:1

«Lǎli ni mii da ni caa bi Isirayɛli pɔʔɔ lè, a Efirayimi kolomi, ní Samarii kanaa-sìnbyeri tiyɛɛ dɛ̀ɛn, níì cán pe n námara kpéʔele. Kàyuuw i jǐn kpáagi ni, kàyuu-fànʔafɔbèle i yáriri nɛnɛ ni syoo kàfugi na.

Oze sɛ́bɛw 7:3

Pe i fundaanra kaangi fànʔafɔw ma ní be péemi ní, ni fundaanra kaangi be fànʔafɔbiigèle ma ní be námara kérigèle ní.

Oze sɛ́bɛw 7:4

Pe myɛ i nyɛ kanɔnʔɔbyebèlē, pe i nyɛ àmɛɛ fúru nyɛ, wee búrukpumɔɔn wáriga lè. Wi ga míibirigegi waari n kwɔ́ɔ lǎli ni lè, wi n kàjenyunyi kpèʔelele yaʔa, fwɔɔ bi taa míibirigegi í ba yìri.

Misye 3:2

Kacǎnni n yele bɛɛn, á yele tàmaga le ní kapeegi ní. Yele i be sáliyi wóo, ní i kaapiremi láari kaceleyi na.

Misye 3:9

Koro na ki n yɛlɛ ye dee naa lóʔo, yele Zyakɔbi kpáagi kùndigibéle, yele Isirayɛli kpáagi fànʔafɔbiigéle, yele bele ye kútiisinw kàragí lè yanɔnʔɔgɔ, yele bele ye námaraw kpéʔele kútiisinw myɛ ni lè.

Misye 6:10

Syɛɛnpeebèle í da námara lɔ́ri caa bàā kpoʔolo be kpáayi ni, sáā báara ní jànváa yakiriyi ní, yi lè yanɔnʔɔyɔ, mii í gbǎn gee bee kpàraco lé?

Misye 7:2

Tágala syɛ́ɛnbèle n kwɔ́ɔ n yiri tári ni, syɛɛnsiɔn ní o beè í, pe myɛ n làra ni sige jàngó bàā sìsyaanw ŋuu, pe myɛ nibin nibin i karinyanya nii be senyɛ̀nnɛ na.

Sofonii 3:1

Wɔʔɔli a pye kèceegi na gi nɔ́nʔɔ lè, koro gee gi nyìn fǎngi gbànvɔɔlɔ na lè!

Zakarii 5:3

A wi mii pye: «Dángaw wii, wee wi caragi ni syée tári myɛ yɛ́ʔɛ kurugo lè. Níì cán bi yɛlɛ ní wee bee ní, kàyuubèle myɛ a nɛnɛ bi yirige nɛɛ naa, ní bi wɔ́ɔ yɛlɛ ní wee bee ní syɔɔn o syɔɔn wi jànvaa kàliyi kɛ̀ɛ́ lè, woro a wɔ́ɔ nɛnɛ bi yirige nɛɛ naa.

Zakarii 7:9

«Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo, wi n jo: ‹Yaa kútiiw nyuu kányɛɛgi na ní sínnɛ ní, yaa funjànga, ní nyinimɛ taagi yeyɛɛ na.

Matye 23:35

Koro na Kolocɔlɔɔ a ba yele yíbe syɛɛnsinbèle myɛ sìsyaan kéele na, wee wi wo lè tári na, n séli syɛɛnsinw Abɛli sìsyaanw na n baa nan Zakarii wów na, wi lè Barakii jáaw, wee yele da kpóo lè kpɔ̀ʔɔrɔli kpaʔa fúngo ni sáriga-wòlo-yafaangi taana.

Kapyegèle 7:52

Kanyaajoowìí wi nyɛ yele tóolɛɛbèle ga wi wɔʔɔ í? Bele pe da ni Wozinw panna kéele nyuu lè booma ni, yele tóolɛɛbèle maa bele bee kpóo, á yele si baa Wozinw le wi nigoobèle kɔ́yɔ ni tɔ́ɔliw ni a be wi kpóo.

Làlwaw Kaanziin 5:11

Mii Yawe wi lè mɔ Kolocɔlɔw, mɔ a kɔ́ ra mii mɛ́ɛgi yeri gbanzan í. Níì cán wee wi ga mii Yawe mɛ́ɛgi yeri lè gbanzan, mii a wi córo kolomɔ-funvɔlɔ í.

Làlwaw Kaanziin 5:18

Mɔ a kɔ́ kanɔnʔɔrɔ kpéʔele í.

Làlwaw Kaanziin 5:19

Mɔ a kɔ́ yùu í.

1 Tesaloniki ye 2:15

Zyefubèle bee be Kàfɔw Zyezu ní kanyaajoobèle kpóo, níì wolo nɛnɛ ní wɔʔɔgbɔɔgi ní, pe kéeli ga Kolocɔlɔɔ dɛ́nɛ í, pe i nyɛ syɛ́ɛnbèle myɛ nígoolo.

Tɛ̀ɛnnɛ 17:6

A mii céw bee nyaa a wi Kolocɔlɔɔ syɛɛncanbèle sìsyaan gbaa n fàra Zyezu séerafɔbèle wóo na, fwɔɔ a yɛ́ɛgi i wóo wi na àmɛɛ singbaadiɔn wóʔo nyɛ lè. A mii ga wi nyaa, a mii i káama gi na gbanʔama.