Oze sɛ́bɛw 3:4 - Cebaara Bible 2010

⁴ Níì cán Isirayɛli ye a kòro fànʔafɔlɔ ní fànʔafɔbile fun ni, ní sáriga ní yasungaanna fun ni, ní efɔdi, ní ǹdebiigéle fun ni, bi mɔn.

Oze sɛ́bɛw 3:4 Iomraidhean Croise

Sélimɛ 31:19

Laban maa kári sa wi yaweeyiligèle síire cɛnɛ, a Arasyɛli wi tóow Laban màdebiigèle yùu.

Sélimɛ 31:34

Kàjáa Arasyɛli wi da màdebiigèle bee láa. A wi si ge le fàlibaa-kǒli láara ni níì tɛ́ɛn ge na. A Laban fànikpaagi tɛ́ɛyɛ myɛ fuguri. Wi ga yafyɛn nyaa í.

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

2 Samyɛli 6:14

Davidi maa ni yóo Yawe yɛ́ʔɛ ma ní wi fǎngi myɛ ní. Lɛn efɔdi maa pye wi na àmɛɛ sɛntiiri nyɛ lè.

2 Fànʔafɔbèle 23:24

A Zyozyasi wɔ́ɔ̀ syɛ́ɛnbèle pɛ́ɛ n yirige Zyerusalɛmi ni, poro bele pe da ni kúbèle yíbe lè, n fàra bele na pe da ni nyɛ̀ʔɛna kérigèle nyaagi ni nyuu lè, ní màdebiigèle, ní yasunyi ní, n fàra yanɔnʔɔyi féleye myɛ na, yi da ni nyaagi Zyuda, ní Zyerusalɛmi ni lè jàngó bi làlwaw syɛ́ɛnrɛ sámaga cò, dee di sɛ́bɛ lè sɛ́bɛw ni, wee sáriga-wòlow Hilikiya nyaa lè Yawe kpáagi ni.

2 Cányi kèlē 15:2

a wi yiri n sáà Aza fàra níì wi pye: «Ye lóʔo mii ma Aza, ní Zyuda ye, ní Bɛnzyamɛ ye myɛw. Yele ga kòro ní Yawe ní, wi a wɔ́ɔ kòro ní yele ní. Yele ga lúru ni wi caa yele a wi nyaa. Yele si ga wi yaʔa wi a wɔ́ɔ yele yaʔa.

Yirile 28:4

Yaleree be yɛlɛ bi sámaga lè, toro di nyɛ dee naa: Fìcibige yáriga, ní efɔdi, ní burodɔnɔgɔ, ní burodɔnɔ-zúugo, ní nyùnbwɔʔɔ, ní sɛntiiri. Pe a burojànya sámaga mɔ senyɛnw Aarɔn ma, woro ní wi jáabèle ní, koro ga pye paa sáriga-wòlori fáli kpéʔele mii ma.

Yirile 28:6

«Pe a efɔdiw sámaga ní tɛɛ̀ ní n fàra kɔ́luruna cére fàni, ní fàninyɛɛɔn ní fàninyɛɛn-tèleo, ní lɛn fànifɛɛlɛfɛɛlɛɔ na be sára lè bi yɛlɛ ní kacánmi fáli pyeganma ní.

Kayaagi Nyɛnigɛ 2:9

Siyɔn kpàánweegèle n jée tári ni. Wi n wi kɔ̀riyi kálagi, n yi yasɔʔɔyi kabagi. Wi fànʔafɔw, ní wi syɛɛnkpolobèle i nyɛ syɛɛnfeleyi nínge ni. Làlwa ní o yaà í. Alí Yawe ní o yanyaʔa tèé wi kanyaajoobèle na í.

Ezekyɛli 19:14

Naà n yiri ki káganyi ni n gi káganbiiri, ní gi yasanri sórigo. Báriga káganga ní o nyɛ gi na í, ki lè fànʔafɔ-kàgbeeli.» Koro gi pye funbɛɛnrɛ ŋúnugi, ki n funbɛɛnrɛ ŋúnugo wólo nyɔɔ.

Ezekyɛli 20:32

Gee yele tímana yele fúnyi ni lè, ki a foro í, àmɛɛ yele gi nyuu lè níì jo: Wolo i caa bi pye àmɛɛ syɛɛnfeleyi nyɛ lè, àmɛɛ tátɛɛyi wozanya narigbaaya woolo nyɛ lè, bàā tíiyi ní kàdɛnɛyi kpɔ̀ʔɔrɔ́.

Ezekyɛli 21:21

Da kpúmɔn kàliige ma, da kpúmɔn kàmɔnɔ ma, ŋɔséetàaɔn, mɔ fínaafirigeli fíige kàbanyi myɛ na!

Ezekyɛli 21:31

Kàfɔw Yawe wi syɛ́ɛnri naa joo níì jo: Nyùnbwɔɔgi a láʔa yaà, fànʔafɔ-nyùndɔnni a kɔ́n, kérigèle myɛ a fàli, wee wi tìgi táàma lè wi a yìri ǹjoʔo ma, wee wi yìri ǹjoʔo ma lè, wi a tìgi táàma.

Danyɛli 11:31

Wi a sùlasiibéle kabiya tórigo pe sa tɛɛcàn-nìrigi nɔ́nʔɔ. Pe a canʔa o canʔa sárigaw kéele sàa, si kálagili kapeekpɔʔɔ sámaga yérige.

Danyɛli 12:11

Bi láa lǎlee na canʔa o canʔa sárigaw a ba yaʔa lè, ní lǎli ni kálagifɔw kapeekpɔʔɔ a sámaga yérige lè, cányi nyɔ́ɔ a pye saala kɔrɔni ní togoye sicɛrɛ ní kpɔrigɔ.

Danyɛli 9:27

Li si a bànzaa joogaanna kpéʔele ní syɛɛnnɛʔɛmɛ ní fwɔɔ bi sa nan cégboolo nibin na. Cégbooli tíla kwɔ́ɔlɔ kadoʔo ma, li a sárigaw wòlolo ní yakaanyi kéele yérige. Kálagifɔlɔ a kapeekpoloyo kpéʔele bi sa nan ki dǎnw na, fwɔɔ bi taa kálagili ní kakɔrirɔli í ba too kálagifɔw tiimaa na.»

Oze sɛ́bɛw 13:10

Sán si mɔ fanʔafɔw nyɛ? Ki n yɛlɛ wi mɔ syɔɔ mɔ keyi myɛ ni! Sán mɔ kútiijoobèle nyɛ, poro bele kéele na mɔ da ni gi nyuu lè níì jo: ‹Fànʔafɔlɔ, ní kùndigibéle kaan mii ma.›

Oze sɛ́bɛw 13:11

Mii fundanʔari fúngo ni mii fànʔafɔlɔ kaan mɔ ma, mii fundanʔagbɔɔri fúngo si ni mii a wi syɔɔ mɔ ma.

Oze sɛ́bɛw 2:11

Gee bee na mii a lúru pan ba mii bilew syɔɔ wi lǎli ni, ní mii dùvɛɛnfɔnw, wi lǎli ni, mii a mii bàsiiri, ní mii lɛnw syɔɔ wi na, dee ti da ni wi níboriw tɔ́ngi lè.

Levii ye sáriga-wòlori 8:7

A wi burogaa le Aarɔn na, níì sɛntiiriw tɛ́ʔɛ n wi pwɔɔ sárigèle ni, níì burodɔnɔgi le wi na, níì efɔdiw le wi na, níì wi pwɔɔ ní efɔdiw sɛntiiri ní, woro wee wi tɛ́ʔɛ n wi màʔa lè.

Zakarii 10:2

Níì cán ǹdebiigèle yele yíbe lè ke syɛɛnlurugori i nyɛ jànvaa, kanyaabèle i jànvaa yanyaayi kéele nyuu ni tèé, pe ŋúnɔyi joolo i nyɛ jànvaa syɛ́ɛnrɛ, pe kɛɛlɛli syɛ́ɛnrɛ si i nyɛ fúu. Koro na be curugu ni máari àmɛɛ yaweeyiligēle nyɛ lè, pe i nyɛ foomɔ wòolo ní, níì cán nàʔafɔlɔ o nyɛ be na í.

Zakarii 13:2

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Cángi bee na mii a yasunyi mɛ́ɛyɛ kwɔ́ɔ bi yirige tári ni, koro ga pye syɔɔn a ní kɔ́ sɔ̀ngí taa yi na í. Mii a wɔ́ɔ kanyaajoobèle ní nɔ́nʔɔri pìle yirige tári ni,

Luki 21:24

Pe a pèle kpóo ní ŋɔséebèle ní, si pèle kɔ́ri kári pe sa pye pulobèlē tátɛɛyi myɛ ni. Syɛɛnfeleyi si a ba Zyerusalɛmi jáa, sáā gi kàfalimi táanri bi taa syɛɛnfeleyi làla í ba foro.

Zyan 19:15

A be yákpogèle wáa níì jo: «Wi kpóo! Wi kpóo! Sa wi kóri tiiparigi na!» A Pilati be pye: «Mii si sa yele fànʔafɔw kóri lé?» A sáriga-wòlobèle kàfɔɔlɔ wi yari: «Fànʔafɔwaa ní o nyɛ wolo ma kapye Sezari nibin ban í.»

Heburubèle 10:26

Níì cán wolo ga woyɛɛ dɔri ní i kapeegèle kpéʔele n gi yaʔa wolo n kányɛɛgi cán n kwɔ́ɔ, wo gi cán kapeegèle kùsulugo syɔɔlɔ sárigawaa faala ga níì kòro í.

Jàbɔbèle 17:5

A Kolocɔlɔɔ kpáagaa pye Mikaw bee ma. A wi efɔdi ní màdebiigéle sámaga, níì wi pìiwaa télege a woro pye sáriga-wòloo.

Jàbɔbèle 18:14

Nǎnbèle bele kagunɔ pe da kári n sáà Layisyi tári saanri n wéle lè, a poro gi joo be senyɛnbèle ma níì jo: «A yele gi cán lé ncan efɔdi, ní màdebiigéle, ní yafanʔa, ní yarigaa niwirige, gee be sámaga lè tunmɔgbalara wóʔo, toro i nyɛ kpáayi naa kàa ni? Tɔ́ɔliw ni ye gi wéle, gee yele yɛlɛ bi kpéʔele lè.»

Jàbɔbèle 8:27

A Zyedeyɔn wi tɛ́ʔɛ n efɔdi sámaga n tɛ́ʔɛ wi kěgi ni ki lè Ofira. A ki baa pye yaà beè kanɔnʔɔbye-yariga Isirayɛli ye myɛ ma. A gi pye Zyedeyɔn ní wi kpáagi wòolo na karinyanga.

1 Samyɛli 14:3

Ahitubi jáaw Ahiya na efɔdi búrogo da pye, Ahitubi wi pye lè Ikabɔdi senyɛnw, pe pye lè Fineyasi jáabèle, Fineyasi wi pye lè Helii jáaw, Helii wi pye lè Yawe sáriga-wòlow Silo ni. Syɛ́ɛnbèle si da gi cán Zyonatan n kári yaà í.

1 Samyɛli 15:23

Céemi ní sàndocɛlɛri kapeele i nyɛ sèjira. Líiweepɛɛnni kapeele i nyɛ sèjira ní sìnzinmi, ní yasunzunri wólo ní. Amɛɛ mɔ Yawe syɛ́ɛnri cée lè, wi n wɔ́ɔ̀ mɔ cée. Mɔ ní o nyɛ fànʔafɔlɔ í.»

1 Samyɛli 2:18

Samyɛli maa ni báara Yawe yɛ́ʔɛ ma. Wi maa pye nìgɔcaripile, lɛn efɔdi búrogo si i nyɛ wi na.

1 Samyɛli 21:9

A Davidi Ahimelɛki pye: «Tàbaa wàlá ŋɔsée o naa mɔ kɔ́gi ni ì? Níì cán mii ga mii ŋɔséew wàlá mii kapɛɛnkpumɔn-yárigaa láa í, àmɛɛ fànʔafɔw tundunro da wári lè.»

1 Samyɛli 22:18

Lǎli bee ni a fànʔafɔw Dowegi pye: «Kàri mi sáriga-wòlobèle kpóo.» A Edɔmi ye Dowegi fíige n too sáriga-wòlobèle na. Cángi bee na a wi nànbēle togoye sicɛrɛ ní kagunɔ kpóo, poro bele pe da ni lɛn efɔdiw búrogo nii lè.

1 Samyɛli 23:6

Lǎli ni Ahimelɛki jáaw Abyatari da fàn n kári Davidi kurugo Keyila ma lè, wi maa kári ní efɔdi ní kɔ́gi ni.

1 Samyɛli 23:9

A Davidi kapeegi kéele cán, gee Sawuli tímana woro kánmi na lè, a wi sáriga-wòlow Abyatari pye: «Da maa ní efɔdiw ní.»

1 Samyɛli 30:7

A wi gi joo sáriga-wòlow Abyatari ma wi pye lè Ahimelɛki jáaw, níì jo: «Da maa ní efɔdiw ní mii ma.» A Abyatari kári ní efɔdiw ní Davidi ma.