Oze sɛ́bɛw 2:3 - Cebaara Bible 2010

³ Ye gi joo yele senyɛnnǎnbèle ma ye jo: Amii! Yé gi joo yele senyɛnjebèle ma ye jo: «Uruhama!»

Oze sɛ́bɛw 2:3 Iomraidhean Croise

Yirile 17:3

A lògbaalaagi tɔ̀nɔ n wári syɛ́ɛnbèle na yaà, a be i Mowizi sànʔá. Ní kɔ́ɔ̀ wi yari: «Nyàʔá na mɔ wolo kɔ́ri n yirige Ezyipiti ni bi ba wolo, ní wolo pìíbèle, ní wolo yaweeri kpóo lògbaalaagi kɔ́yɔ ni?»

Ezayi 33:9

Tári myɛ i nyɛ kùu káyaʔa na, ti i kálagi. Liban n curugo, wi i káagi. Sarɔn i nyɛ tɛɛfiikpɔʔɔ. Basyan, ní Karimɛli wári i kɔlɔ ni ŋuu.

Ezayi 47:3

Mɔ níborigi a múgu yaʔa, pe a mɔ fɛɛri nyaa, mii a gɔ̀lɔ́w wòlo, syɔɔn faala a gbǎn mii yérige gi pyeli na í.»

Ezayi 64:10

Kpɔ̀ʔɔrɔli kpaacanga gi pye wolo ma lè, gi pye lè nìjanra wóʔo, gee ni wolo tóolɛɛbèle da ni mɔ sòoló lè, naanyìnge n gi sórigo. Wolo yacanri di pye yaà lè, ti n kálagi.

Zyeremii 12:10

Bànaʔa-nɛʔɛbéle n mii ɛrɛzɛn ségi kálagi, pe n mii ségi tánʔana. Pe n mii senidaanmagi kàriga fìimɛ tára tɛɛ̀kalagiga.

Zyeremii 13:22

Mɔ ga ni gi nyuu mɔ fúngi ni níì jo: «Nyàʔá na gee naa nan mii na?» Koro n taa mɔ kakolo-nɛʔɛyi kéele na pe mɔ buronyɔɔw kùru n lúrugo níì mɔ ŋàʔana fànʔa na.

Zyeremii 13:26

Mii a mɔ buronyɔɔw kùru bi taʔa mɔ yɛ́ɛcɔɔli na, jàngó pe mɔ fɛɛri tɛ́ʔɛ nyaa.

Zyeremii 14:3

Séew fɔ̀ɔlɔ i wobiigèle tórogi pe sa lɔ̀ʔɔ caa, a bele bee i syée lǒgi wéeye ma, pe si o lɔ̀ʔɔ taagi í, a pe i lúrugu ni maa ní be kasǎngèle ní wowaagéle ní. Amɛɛ be curugo lè ní i nyɛ fɛ̀ɛrɛ wòolo ní, a pe i be nyúnyi tɔ́ngi.

Zyeremii 17:6

Wi i nyɛ àmɛɛ wúuro tiipiige nyɛ lè tɛɛfiigi na, wi o katàanna panna nyaagi í. Fìími tára tɛɛ̀sorigoyo ni wi kòró, solomɔ tára dii, dee di nyɛ lè syɛ̀ɛnnɛ fun.

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 2:6

Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 22:6

Níì cán Yawe wi syɛ́ɛnri naa joo Zyuda fànʔafɔw kpaʔa kéele na níì jo: «Mɔ i nyɛ mii ma àmɛɛ Galaadi nyɛ lè, ní àmɛɛ Liban ǹjogi nyɛ lè. Kàjáa mii si a tɔ̀nɔ́ mɔ pye fìimɛ tára, ní syɛ̀ɛnnɛ fun keye.

Zyeremii 4:26

A mii i wéle, n gi nyaa a tíiri séye kàri fìimɛ tára, a di kěyi myɛ kálagi Yawe yɛ́ʔɛ ma, wi fundanʔari káfugbanga yɛ́ʔɛ ma.

Zyeremii 51:43

Wi kěyi n baa pye tɛɛ̀kalagiya, waama tára, ní lɔ̀ʔɔ fun tára. Táraa dii, dee di lè syɔɔn faala o kòró di ni í, syɔɔn faala wɔ́ɔ o sɔ̀lɔ́ di ni í.

Zyeremii 51:5

Níì cán Isirayɛli ní Zyuda o nyɛ lɔguugo na be Kolocɔlɔw ma í, Nyɛ̀ʔɛni Sùlasiibéle Kafɔlɔ Yawe ma í, àlí n gi yaʔa pe tári n tɔ̀nɔ n kolo n foro Isirayɛli Wojanw kánma na.

Ezekyɛli 16:22

N mɔ yaʔa mɔ yanɔnʔɔyi myɛ pyele, ní mɔ nanjaari na, mɔ ga téè sɔ̀ngi n taa mɔ cárimi làla na í, lǎli ni mɔ da pye lè níbori, wowaaɔ ní fée, ní i kirigi mɔ sìsyaanw ni.

Ezekyɛli 19:13

A gi cɔ́rɔ tɔ́ɔliw ni fìími tára ni, táraa ni, dee di waʔa lè ní i nyɛ lɔ̀ʔɔ fun.

Oze sɛ́bɛw 13:15

Alí n wírè gi yaʔa Efirayimi n sámaga n báriga wi senyɛnbèle nínge ni, canʔafolomɔ kabangi káfalaga a pan, Yawe nyɔ́ɔgi káfalaga a yìri fìími tára ma bi pan, ki a ba wi púloweeli waʔa, ki a ba wi pùnweeli waʔa. Koro ki a ba lɔgbanri yárira myɛ koli lɔ́ri tɛɛkɔngɔ ni.»

Oze sɛ́bɛw 2:10

Wi da níì gi cán ncan mii wi da ni bilew, ní dùvɛɛnfɔnw, ní sǐnmi kaangi woro ma í, mii wi da ni wálifiiw ní tɛ́ɛw nɛʔɛgi wi ma, á pe baa wi wàa kaan Baali ma.

Tɛ̀ɛnnɛ 17:16

Nyɛ́ngèle kɛɛ si mɔ nyaa lè, nànjaacew kéele a ba koro ní yaweegi pínɛ bi bɛɛn, pe a wi yáriri myɛ nɛnɛ syɔɔ wi ma, si wi yaʔa níbori, sáā wi céri káa, si wi sórigo náagi ni.

Jàbɔbèle 15:18

A lògbaagi kɔ́ baa wári wi na gbanʔama, a wi Yawe nyɛ́ɛri níì jo: «Mɔ wi mɔ falipyew kɔ́yɔ tɛ́ʔɛ n syɔɔgbɔɔli naa kpéʔele wi lè mii. Tɔ́ɔliw ni lògbaagi si kɔ́ ba mii kpóo lé bi kaan sìngɛ́nɛbèle naa ma?»