Oze sɛ́bɛw 2:1 - Cebaara Bible 2010

¹ Isirayɛli wóbèle nyɔ́ɔ si a ba pye àmɛɛ sólomi lɔ̀ʔɔ nyɔ́ɔ táminyɔɔ nyɛ lè, wee wi lè wi a gbǎn tímana í, wi a wɔ́ɔ gbǎn córo í. Tɛ́ɛgee ni ki da ni nyuu be ma lè níì jo: «Yele o nyɛ mii syɛ̀ɛnnɛ í!» Ki a ní ba joo be ma tɛ́ɛgi bee ni si jo: «Yele i nyɛ Kolocɔlɔɔ woweew jàala!»

Oze sɛ́bɛw 2:1 Iomraidhean Croise

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Zyeremii 32:38

Pe a pye mii syɛ́ɛnbèle, mii si pye be Kolocɔlɔw.

Zyeremii 51:5

Níì cán Isirayɛli ní Zyuda o nyɛ lɔguugo na be Kolocɔlɔw ma í, Nyɛ̀ʔɛni Sùlasiibéle Kafɔlɔ Yawe ma í, àlí n gi yaʔa pe tári n tɔ̀nɔ n kolo n foro Isirayɛli Wojanw kánma na.

Ezekyɛli 11:20

Koro ga pye be taʔa mii làlwaw kèlē na, si mii kajoodɛɛngèle cò sáā ge kpéʔele. Pe a pye mii syɛ́ɛnbèle, mii si pye be Kolocɔlɔw.

Ezekyɛli 36:11

Mii a syɔɔn ye ní yaweeri nɛʔɛ yele ǹjoyi ni, pe a nɛʔɛ sáā sii saʔa. Mii a yele kpéʔele syɛɛnnɛʔɛmɛ àmɛɛ gi pye yele sélimi na lè, mii a kacànya saʔa kpéʔele yele na bi sɔ̀lɔ booma lali na. Yele a gi cán bi cán mii wi nyɛ Yawe.

Ezekyɛli 36:28

Yele a tɛ́ɛn tári ni, dee mii kaan yele tóolɛɛbèle ma lè. Yele a pye mii syɛ́ɛnbèle, mii si pye yele Kolocɔlɔw.

Ezekyɛli 37:27

Mii tɛɛkòrogi a pye be níngi ni. Mii a pye be Kolocɔlɔw, pé pye mii syɛ́ɛnbèle.

Oze sɛ́bɛw 2:2

Zyuda ye, ní Isirayɛli ye a ba kpóʔoro si kùndigi nibin télege peyɛɛ nyúngi na, si yiri tári ni. Níì cán Zyizireyɛli cángi a tɔ̀nɔ́ pye cângbɔʔɔ.

Oze sɛ́bɛw 2:23

Cángi bee na mii a nyɛ́ɛrigi lóʔo,» Yawe wi jo nya, «Mii a nyɛ̀ʔɛgèle nyɛ́ɛrigɛ lóʔo, ke si a tári nyɛ́ɛrigɛ lóʔo.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

2 Korɛnti ye 4:1

Amɛɛ Kolocɔlɔɔ nyinimɛ taa wolo na lè níì fáliw naa kaan wolo ma, koro na fɔ̀rɔyi o wolo fǎngi kwóo í.

1 Timɔte 1:13

mii wee wi pye lè Kolocɔlɔɔ mɛ́ɛkalagiɔ booma ni, níì pye syɛɛnwɔʔɔɔ, ní wɔ́ɔ̀ pye kateerefɔlɔ. Kàjáa Kolocɔlɔɔ n nyinimɛ taa mii na, níì cán mii maa ni gee bee kpéʔele kateemɛ na mii sìndagali làla ni.

1 Pyɛri 2:10

Booma ni yele da pye syɛɛnfelege nibin í, kàjáa tɔ́ɔliw ni yele i nyɛ Kolocɔlɔɔ syɛ̀ɛnnɛ. Wi da wɔ́ɔ ni nyinimɛ taagi yele na í, kàjáa tɔ́ɔliw ni wi n nyinimɛ taa yele na.