Oze sɛ́bɛw 13:3 - Cebaara Bible 2010

³ Koro na pe a pye àmɛɛ nyǐngi nyɔ́ɔ fàfanʔa nyɛ lè, ní àmɛɛ nyǐngi nyɔ́ɔ kásaga nyɛ lè, gee gi kwóo lè, ní àmɛɛ nyàásige nyɛ, gee káfalagi lée kàsyɔʔɔ na ni syée lè, ní àmɛɛ wírige nyɛ, gee gi yirigi wírige tɛɛyirile ni lè.

Oze sɛ́bɛw 13:3 Iomraidhean Croise

Zyɔbi 21:18

Ba pe i nyɛ lé àmɛɛ nyàáwaʔa nyɛ, gee káfalagi lée ni syée lè, ní sùweʔe, gee káfala-sìnjinni yìrigí lè?

Zyɔbi 30:15

Fyáakpɔɔri n lúru n too mii na, ti n mii mɛ́ɛkpɔɔgi láa àmɛɛ káfalaga nyɛ lè n kári, mii nyɔɔmi kéele n sɔ̀lɔ n fala àmɛɛ fàfanʔa nyɛ lè.

Ŋúnuyi 1:4

Kánmi bee si na ban syɛɛnpeebèle nyɛ í: Pe i nyɛ àmɛɛ fɔ̀migɔ nyɛ, gee káfalagi caragi lè.

Ŋúnuyi 68:2

Kolocɔlɔɔ i yìrigí wi nigoobèle si i caragi, bele wi kéeli bɛɛn lè poro i fé wi yɛʔɛ̀ ma.

Ezayi 17:13

Syɛɛnfeleyi yi kunu àmɛɛ lòkpoloyi kunu lè, wi i syɛɛngbanra nyuu yi ma, a yi i fé ni syée léelige àmɛɛ nyanbeleyi káfalaga nyàā suweʔe lée ni syée lè, ní àmɛɛ káfala-sìnjinnɛ cíbige yìrigí ni syée lè káfalakpɔʔɔ yɛ́ʔɛ ma.

Danyɛli 2:35

Lǎli bee ni, a túnmɔri, ní cóori, ní kanyɛɛnri, ní wálifiiw, ní tɛ́ɛw pínɛ n tɔ́nʔɔnɔ n pye àmɛɛ sùweʔe nyɛ lè kàsyɔʔɔ na, káfugo làla ni. A káfalagi di láa ti túlugi ga níì nyaa í. Kàjáa kàdɛnɛgi ki da ǹdevaangi kpúmɔn lè, a koro yìri n kpɔ́ʔɔ n pye nyanbelege, n tári myɛ nyìn.

Oze sɛ́bɛw 6:4

«Nyàʔá mii yɛlɛ bi pye mɔ na Efirayimi? Nyàʔá mii yɛlɛ bi pye mɔ na Zyuda? Yele tàmagi i nyɛ àmɛɛ nyɛ̀ʔɛ nyɔ́ɔ fàfanʔa nyɛ lè, ní àmɛɛ nyɛ̀ʔɛ nyɔ́ɔ kásaga nyɛ, gee gi kwóo lè.

Sofonii 2:2

sáni kajoo-mí-cerili í pàlá pan lè, sáni cángi bee í ba sɔ̀lɔ àmɛɛ sùweʔe nyɛ lè, sáni Yawe fundanʔari káfugbanga í ba too yele na lè, sáni Yawe fundanʔari canʔa í ba nan yele na lè!

Zakarii 8:12

«Níì cán yɛɛ̀nyingi lùguro di nyɛ dee naa: Ɛrɛzɛn tíriri a ra sangi, tári yafálara a ra nyɔɔgi, nyɛ̀ʔɛni a ra li kásagi kaangi. Mii a syɛ́ɛnbèle naa wogorobéle yaʔa be yacanri naa myɛ taa di pye be worò.