Oze sɛ́bɛw 11:3 - Cebaara Bible 2010

³ Mii si wi Efirayimi tama nyɔ̌nzeligèle láala na, mii wi be cò kɔ́yi na. Kàjáa pe ga gi cán ncan mii wi da ni poro poori í.

Oze sɛ́bɛw 11:3 Iomraidhean Croise

Ŋúnuyi 107:20

Wi n wi syɛ́ɛnri tórigo n be pɔʔɔ, níì be syɔɔ weecurugi ma.

Yirile 15:26

Wi n be pye: «Yele ga ni mii Yawe yele Kolocɔlɔw jóomɔ sámagi ni lúro, ní i gi kpéʔele gee gi sín mii nyɛ́nɛ na lè, níì yele líiyi cáan ni mii kajoodɛɛngèle lúro, níì mii làlwaw kèlē myɛ kɔn ní i ge kpéʔele, yáamee mii cáan Ezyipiti ye na lè, mii a tée bi pàa cáan yele na í. Níì cán mii wi nyɛ Yawe, wee wi yele poori lè.»

Yirile 19:4

‹Gee mii kpéʔele Ezyipiti na lè, ní kánmee na mii yele láa n pan mii tɛ́ʔɛ ma lè àmɛɛ nyɔɔdàdaga gi pìibēle lée gi fókaanyi na lè, yele tiimaa n gee bee nyaa.

Yirile 23:25

Yele a ra Yawe yele Kolocɔlɔw kpɔ̀ʔɔrɔ́. Wi a dùbaw taʔa mɔ yaliiri ní mɔ logbaagi na. Mii a yáami nɛnɛ bi léeli mɔ tɛ́ɛgi na.

Ezayi 1:2

Nyɛ̀ʔɛgèle, ye lóʔo! Tári, mɔ líiyi cáan! Níì cán Yawe i nyuu, wi n jo: «Mii n jaafɔɔlɔ gbóo a be lɛɛ, kàjáa pe n mii cée.

Ezayi 30:26

Cángee na Yawe ga ni wi syɛ́ɛnbèle kpàliya sámagi lè, ní i kpumɔnnamiyi poori, yee yi kúun be na lè, cángi bee na yégi gbɛ̀ɛnmɛ a pye àmɛɛ cángi wómɔ nyɛ lè, cángi gbɛ̀ɛnmɛ si kpɔ́ʔɔ ki tɛɛyɛ kɔrɔsiin, àmɛɛ canya kɔrɔsiin gbɛɛnmɛ nyɛ lè.

Ezayi 46:3

«Zyakɔbi kpáagi wòolo, ye lóʔo mii ma, yele bele myɛ ye kòro lè Isirayɛli kpáagi wòolo ni, yele bele mii láa lè n pye mii túgoro sáni pe yele see lè, yele bele mii láa lè mii túgoro yele canzeegi na!

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Zyeremii 30:17

Níì cán mii a ní mɔ céri kàriga wovɔnrɔ ní, mii a mɔ námiyi pɔʔɔ,› Yawe wi jo nya. ‹Níì cán pe i mɔ yiri céw be nɛnɛ lè, Siyɔn wii, wàa o caa wi na í.›

Zyeremii 8:22

Céyaa-sìnmɛ ní o nyɛ Galaadi ni ì? Lɔ̀ʔɔtɔrɔɔ ní o yaà ì? Nyàʔá na kàa o taari mii calipili pɔʔɔlɔ na í li lè mii syɛ́ɛnbèle?

Oze sɛ́bɛw 14:4

Asirii ye wów a wolo syɔɔ í. Wolo a ní lúgu kapɛɛnkpumɔn-syɔ́ɔnyɔ na í, wolo a ní gi joo wolo kɔ́yi fáli ma í si jo: ‹Wolo Kolocɔlɔw í!› Níì cán mɔ taana círiw ba ni nyinidaara nyaagi.

Oze sɛ́bɛw 2:8

Gee bee na wéle, mii a wi kólogi tɔ́n ní wúuro tiipiire ní, mii a gi faan sùlu ní gungo ní jàngó wi a ní kɔ́ wi kobiigèle caa nyaa í.

Oze sɛ́bɛw 7:1

«Lǎli ni mii da ni caa bi Isirayɛli pɔʔɔ lè, a Efirayimi kolomi, ní Samarii kanaa-sìnbyeri tiyɛɛ dɛ̀ɛn, níì cán pe n námara kpéʔele. Kàyuuw i jǐn kpáagi ni, kàyuu-fànʔafɔbèle i yáriri nɛnɛ ni syoo kàfugi na.

Oze sɛ́bɛw 7:15

Mii wi be tama, mii n fànʔa le be kɔ́yi ni. Kàjáa pe i kapeʔe tímana mii kánmi na.

Kapyegèle 13:18

ní i be kpàracó fìími tára ni n yɛ̀ʔɛlɛ togoye siin félege kwɔ́ɔ,

Làlwaw Kaanziin 1:31

ní fìími tára ni, beè yele gi nyaa lè a Yawe yele Kolocɔlɔw yele láa àmɛɛ nàɔn wi jaà lée lè, n sɔ̀lɔ yele tɛɛsɔ̀lɔyi myɛ ni fwɔɔ n taa a yele baa nan tɛ́ɛgi naa na.›

Làlwaw Kaanziin 33:27

Bàngwɔɔ Kolocɔlɔw i nyɛ tɛɛlaraga. Bàngwɔɔ kɔ́yɔ n mɔ tɔʔɔ n yérige. Wi i nigoow nɛnɛ mɔ yɛ́ʔɛ ma, ní i gi nyuu níì jo: ‹Wi kálagi péw.›

Làlwaw Kaanziin 8:2

Sɔ̀ngi mi taa kólogi myɛ na, gee Yawe mɔ Kolocɔlɔw mɔ kɔ́ri a mɔ tánʔa lè yɛ́ɛgèle naa togoye siin fúngo ni fìími tára ni, koro ga pye wi mɔ tìrige táàma si mɔ sɛʔɛ wéle, bi gi cán gee ki da pye yaà mɔ zɔnw na lè, kapye mɔ a woro kajoodɛɛngèle cò wàlá mɔ a ge cò í.