Oze sɛ́bɛw 11:2 - Cebaara Bible 2010

² Bele si pe da ni be yiri lè, a be i canʔana bele bee na. Pe n sárigaw wòlo Baalibèle ma, níì nùndaanni yáriga sórigo yasunyi ma.

Oze sɛ́bɛw 11:2 Iomraidhean Croise

1 Fànʔafɔbèle 12:33

A Zyerobowami lúgu sáriga-wòlo-yafaangi na wi da sámaga lè Betɛli ni yɛ́ɛli yeye kɔrɔtaanri wóʔo canya kɛɛ ní kagunɔ wógi na, yégi bee wi tiimaw da kɔ̀rirɔ n nyɛ́nɛ n wòlo lè. A wi fɛ́tii kpéʔele Isirayɛli yòdaʔayi ma, níì lúgu sáriga-wòlo-yafaangi na bi nùndaanna yárira sórigo.

1 Fànʔafɔbèle 18:19

Tɔ́ɔliw ni tun be Isirayɛli ye myɛ yeri be kpóʔoro mii ma Karimɛli nyanbelegi na, n fàra Baali kanyaajoobèle saala siin ní togoye siin ní kpɔrigɔ, ní Asyera kanyaajoobèle saala siin na, poro bele be líi ní Zyezabɛli ní lè.»

Nehemii 9:30

Mɔ n be kpàraco yɛ̀ʔɛlɛ saʔa fúngo ni, níì mɔ kanyaajoobèle láa n mɔ Pili tɛ́ʔɛ n be kɛɛlɛ, kàjáa pe ga lóʔo í, lǎli bee ni a mɔ be le tátɛɛyaa syɛɛnfeleye kɔ́yɔ ni.

Ezayi 65:7

wi lè yele kolomi wóo, ní yele tóobèle kolomɔ wóo,» Yawe wi jo nya. «Bele pe da ni nùndaanni yáriga sórogi lè nyanbeleyi na, ní i mii kanibɛɛngèle kpéʔele dǎndamayi na, mii a be sàraw foro bi kaan be ma, wee be yɛlɛ bi taa lè!»

Zyeremii 18:15

A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.

Zyeremii 35:13

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Da syée mi sa gi joo Zyuda nǎnbèle, ní Zyerusalɛmi ye ma, mí be pye: Yele a tamani cò ì, li lè bi yére mii syɛ́ɛnri ni ì?› Yawe wi jo nya.

Zyeremii 44:5

Kàjáa pe ga lóʔo í, pe ga líiyi cáan í. Pe ga kapeegi yaʔa, gee be kpéʔele lè í, pe ga láʔa nùndaanni yáriga sórigolo na kolocɔlɔbèle pèle nikwɔɔlɔ ma í.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Oze sɛ́bɛw 2:13

Mii a wi fundaanri myɛ kwɔ́ɔ, ní wi fɛ́tiibèle, ní wi yevɔnyi, ní wi cândɛnɛyi, ní wi kpóʔorojǎngèle myɛ ní.

Oze sɛ́bɛw 4:13

Pe i sárigaw wóo nyanbeleyi ǹjoyo ni, pe i nùndaanni yáriga sórogi dǎndamayi na, ní syɛni tíiyi, ní pupiliye tíiyi, ní terebɛnti tíiyi láara ni, yoro yee nyínmɛ bi tɛ́nɛ lè! Koro na yele calipiigèle keyɛɛ gbéʔele nànjaacabala, á yele pìíbèle càbala si i kanɔnʔɔri kpéʔele.

Oze sɛ́bɛw 4:17

Efirayimi n wiyɛɛ bwɔɔ yasunyi na. Wi yaʔa yaà!

Zakarii 1:4

‹Yele a kɔ́ pye àmɛɛ yele tóolɛɛbèle da pye lè í, poro bele má booma kanyaajoobèle da ni gi nyuu lè níì jo: Yawe wi lè Nyɛ̀ʔɛni Sùlasiibéle Kafɔlɔ wi n jo: Ye láʔa yele kóbeeyi, ní yele nàʔabeemi na. Kàjáa pe ga lóʔo í, pe ga líiyi cáan n lóʔo mii ma í, Yawe wi jo nya.

Zakarii 7:11

Kàjáa a be cée, pe ga fɔ̀lɔ bi lóʔo í, a be céemɛ fókaannyunyo nyɛ́ʔɛ níì be líiweegèle pɛɛn jàngó poro a kɔ́ lóʔo í.

Luki 13:34

Zyerusalɛmi, Zyerusalɛmi, mɔ wee wi kanyaajoobèle kúu lè, ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.

Zyan 3:19

Wee naa wi nyɛ kútiiw, gbɛ̀ɛ́nmi n pan dulunyanw ni, koro ní ki myɛ ní a yébilimi baa syɛ́ɛnbèle dɛ́nɛ n sɔ̀lɔ gbɛ̀ɛ́nmi na, níì cán be kapyegèle ga nyɔɔ í.

Kapyegèle 7:51

Yele nyùngbowaayi syɛ̀ɛnnɛ, yele bele ye nyɛ lè sìngɛnɛbéle yele fúnyi ni, ní yele líiweegèle kàbaan na, ní wɔ́ɔ i Pìicǎnni kábala làla o làla, àmɛɛ yele tóolɛɛbèle da pye lè, ànbée yele wɔ́ɔ̄ nyɛ.

Jàbɔbèle 10:6

Gee gi pee Yawe nyɛ́nɛ na lè, a Isirayɛli ye ní i koro kpéʔele. Pe maa ni Baalibèle ní Asitaritebèle kpɔ̀ʔɔrɔ́, ni Sirii ye kolocɔlɔbèle, ní Siidɔn ye kolocɔlɔbèle kpɔ̀ʔɔrɔ́, n fàra Mowabi ye wóbèle, ní Amɔn ye wóbèle, ní Filisitini ye wóbèle na, níì Yawe yaʔa pe ní o báara wi ma í.

Jàbɔbèle 2:13

Pe n Yawe yaʔa ní i Baali ní Asitaritebèle kpɔ̀ʔɔrɔ́.

Jàbɔbèle 3:7

Gee gi pee Yawe nyɛ́nɛ na lè, a Isirayɛli ye i koro kpéʔele. Pe maa fɛ̀ʔɛ Yawe be Kolocɔlɔw na, ní i Baalibèle ní Asyerabèle kpɔ̀ʔɔrɔ́.