Oze sɛ́bɛw 1:4 - Cebaara Bible 2010

⁴ A Yawe wi pye: «Wi mɛ́ɛgi le paa wi yiri Zyizireyɛli. Níì cán cɛɛri ga pye mii a keele tɛ́ʔɛ Zyehu kpáagi wòolo na sìsyaanw kéele na be wo Zyizireyɛli ni lè, mii a Isirayɛli kpáagi fànʔa kwɔ́ɔ.

Oze sɛ́bɛw 1:4 Iomraidhean Croise

2 Fànʔafɔbèle 10:1

Akabi jàala togoye taanri ní kpɔrigɔ maa pye Samarii ni. A Zyehu sɛ́bɛbèle sɛ́bɛ n tórigo Samarii ma kěgi kùndigibéle ní wolɛɛbèle ma, n fàra Akabi jáabèle nàʔafɔɔlɔ na. Ki maa sɛ́bɛ be ni n jo:

2 Fànʔafɔbèle 10:17

Lǎli ni wi sáà nan Samarii na lè, Akabi wóbèle bele pe da kòro Samarii ni lè, a wi poro kpúmɔn n kpóo, n be kálagi n kwɔ́ɔ n yɛlɛ ní syɛ́ɛnri ní Yawe da tɛ̀ɛn Elii na a wi joo lè.

2 Fànʔafɔbèle 15:29

Isirayɛli fànʔafɔw Peka lǎli ni Asirii fànʔafɔw Tigilati-Pilezɛɛri pan n baa Iyɔn, ní Abɛli-Bɛti-Maaka, ní Yanowa, ní Kedɛsyi, ní Hasɔɔri syɔɔ n pye wi woyò. Wi maa Galaadi, ní Galile syɔɔ, gee bee n joo Nɛfitalii tári myɛw níì yi syɛ́ɛnbèle cò n kári Asirii ma.

2 Fànʔafɔbèle 15:8

Zyuda fànʔafɔw Azariya fǎngi yɛ̀ʔɛlɛ toko ní kpɔrigɔ ní kɔrɔtaanri wóli na Zyerobowami jáaw Zakarii tɛ́ɛn fǎngi na Isirayɛli ye nyúngi na yeye kɔrɔni Samarii ni.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Ezayi 8:3

A mii pye ní kanyaajoocew ní, a wi yére fícɛnnɛ na n baa nànbile see, a Yawe mii pye: «Pìíw mɛ́ʔɛ le paa wi yiri Mayɛri-Syalali-Yasyi-Bazi.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Zyeremii 20:3

Kàjáa ki nyǐndaligi na a Pasyihuri be pye a be Zyeremii yirige yakparagi na. A Zyeremii wi pye: «Yawe a ní da mɔ yiri Pasyihuri í, kàjáa wi a ra mɔ yiri Magɔri-Misabiibi.

Zyeremii 23:2

Gee bee na Yawe syɛ́ɛnri naa joo, wi lè Isirayɛli Kolocɔlɔw, bànaʔabèle kéele na, poro bele be mii syɛ́ɛnbèle náari lè, wi n jo: «Yele n mii bǎbèle cariga, yele n be nɛnɛ, yele ga be kɔ̀rɔsíi í. Wéle, mii a keele tɛ́ʔɛ yele na, yele péemi nàʔabeemɛ kéele na,» Yawe wi jo nya.

Zyeremii 3:8

Alí àmɛɛ mii Isirayɛli yaʔa lè, wi lè cêkalagiga, wi kanɔnʔɔbyeri myɛ kéele na, níì wi ceyaʔa-sɛ́bɛw kaan wi ma, a mii gi nyaa wi senyɛnjew Zyuda wi lè námarafɔw, woro ga téè fyáa í, a woro wɔ́ɔ̀ kári n sáà kanɔnʔɔrɔ kpéʔele.

Ezekyɛli 23:10

Poro be wi níboriw múgu. Pe n wi nànbiigèle ní wi calipiigèle koli, pe n wi tiimaw kpóo ní ŋɔséew ní. Wi kéeli n pye fɛ̀ɛ cébèle ma. Pe n kútiiw kèlē kpéʔele n foro wi na.

Ezekyɛli 23:31

Mɔ n tánʔa mɔ senyɛnjew kólogo ni, mii si a wi yagbaali le mɔ kɔ́gi ni.

Oze sɛ́bɛw 1:6

A wi níì yére fícɛnnɛ na n calipile see. A Yawe Oze pye: «Wi mɛ́ɛgi le paa wi yiri Lo-Uruhama. Níì cán mii a ní kòro bàā nyinimɛ taagi Isirayɛli kpáagi wòolo na í bàā be kùsulugi syoo da syée làla o làla í.

Oze sɛ́bɛw 1:9

A Yawe jo: «Wi mɛ́ɛgi le paa wi yiri Lo-Amii. Níì cán yele o nyɛ mii syɛ̀ɛnnɛ í, mii si wɔ́ɔ o nyɛ yele wóo í.»

Oze sɛ́bɛw 2:13

Mii a wi fundaanri myɛ kwɔ́ɔ, ní wi fɛ́tiibèle, ní wi yevɔnyi, ní wi cândɛnɛyi, ní wi kpóʔorojǎngèle myɛ ní.

Oze sɛ́bɛw 2:22

Mii a mɔ cò mii pìcaa ní tágala ní, mɔ si a Yawe cán.

Oze sɛ́bɛw 9:17

Mii Kolocɔlɔw a be cée, níì cán pe ga lóʔo wi ma í, pe a ra curugu da máari syɛɛnfeleyi nínge ni.

Amɔsi 9:8

«Wéle, Kàfɔw Yawe nyɛ́nɛ i nyɛ fǎngee na gi kolomi kèlē kpéʔele lè. Mii a gi kálagi bi yirige tári ni, koro ní ki myɛ ní mii a Zyakɔbi kpáagi wòolo myɛ kálagi kwɔ́ɔ péw í,» Yawe wi jo nya.

Matye 1:21

Wi a pyà see nàɔn. Mɔ si a ra wi mɛ́ɛgi yiri Zyezu, níì cán woro wi a ba wi syɛ́ɛnbèle syɔɔ pe kapeebyeri ma.»

Luki 1:13

A nyɛ̀ʔɛni tunduɔn wi pye: «Zakarii, mɔ a kɔ́ ra fɛ̀ɛgí í. Níì cán Kolocɔlɔɔ n mɔ nyɛ́ɛrigi lóʔo. Mɔ céw Elizabɛti a pyà see mɔ ma nàɔn, mɔ a ra wi mɛ́ɛgi yiri Zyan.

Luki 1:31

Wéle, mɔ a fícɛnnɛ taa bi pyà see nàɔn. Mɔ a ra wi mɛ́ɛgi yiri Zyezu.

Luki 1:63

A wi kàlagolo nyɛ́ɛri be ma n mɛ́ɛgi sɛ́bɛ li na níì jo: «Pe i wi yiri Zyan.» A pe myɛ i káama gi na.

Zyan 1:42

Níì fala n Siimɔn kɔ́ri n kári Zyezu ma. A pe ga sáà nan wi na, a Zyezu i wi wéle ní kɔ́ɔ̀ jo: «Pe i mɔ yiri Siimɔn, Zyan jáaw, mii si a mɛ́ɛgaa le mɔ na paa mɔ yiri Sefasi.» (Gee bee n jo Pyɛri.)

Zyozuwe 19:18

Pe láʔagologi maa nan kěyi naa na yi lè Zyizireyɛli, ní Kesulɔti, ní Sunɛmi,