Oze sɛ́bɛw 1:2 - Cebaara Bible 2010

² Syɛ́ɛnri sélimɛ bi bee naa, dee Yawe joo Oze ma a wi joo lè, Yawe n Oze pye: «Da syée mi sa kanɔnʔɔbyecewaa láa mi kanɔnʔɔrɔ piibéle see. Níì cán tári n Yawe yaʔa níì kòro kanɔnʔɔbyeri na!»

Oze sɛ́bɛw 1:2 Iomraidhean Croise

2 Cányi kèlē 21:13

fwɔɔ a mɔ i táanri Isirayɛli fànʔafɔbèle kólogo ni, ní àmɛɛ mɔ Zyuda, ní Zyerusalɛmi ye kɔ́ri n wáa kanɔnʔɔbyeri na lè, àmɛɛ Akabi kpáagi wòolo gi kpéʔele lè, ní àmɛɛ mɔ mɔ senyɛnbèle kpóo, poro bele pe da sɔ̀lɔ mɔ na lè, pe lè mɔ tóow kpaʔa wòolo tiimaa,

Ŋúnuyi 106:39

Pe n peyɛɛ nɔ́nʔɔ ní be kapyegèle ní, pe n peyɛɛ kàriga kanɔnʔɔbyebèlē pe nàʔami báriga ni.

Ŋúnuyi 73:27

Wéle, syɛ́ɛnbèle bele be peyɛɛ léeli mɔ na lè, pe i kúu. Bele myɛ si be lè pe o nyɛ tágala syɛɛnnɛ mɔ ma í, mɔ i bele bee kwóo.

Zyeremii 2:13

«Níì cán kapeeye siin mii syɛ́ɛnbèle kpéʔele. Pe n mii yaʔa, mii wee wi lè sìíw lɔ́ʔɔ pùnweele, ní sa ni lɔ̀ʔɔ wéeyaa túru peyɛɛ ma, lɔ̀ʔɔ wéeyaa, yee yi páʔala páʔala lè, yee yi lè lɔ̀ʔɔ a gbǎn kòro yi ni í.

Zyeremii 2:20

«Nlaa yaà làridɔɔnnɔ ni mii n mɔ zúuw kabi, níì mɔ yapwɔɔri cɛnɛ. A mɔ gi joo níì jo: ‹Mii ní o caa bi pye puloo í.› Kàjáa mɔ i lɛ̀ɛlɛ́, dǎndama-tɔ́nɔyi myɛ na, ní tiipiriyi myɛ láara ni àmɛɛ nànjaacɔɔ̀ nyɛ lè.

Zyeremii 2:23

«Mɛ̀ɛ́ mɔ a gbǎn gi joo si jo: ‹Mii ga niyɛɛ nɔ́nʔɔ í. Mii ga niyɛɛ bwɔɔ Baalibèle kpɔ̀ʔɔrɔlɔ na í.› Mɔ nyɔngèle wéle jǐnlɔgi ni. Ki cán gee mɔ kpéʔele lè fàlibaacaa-faʔala, lee li nyaari ni máari lè.

Zyeremii 3:9

Isirayɛli n tári nɔ́nʔɔ ní wi fɛ̀ɛrɛ fun nàʔabeemi ní, wi n kanɔnʔɔri pye ní kàdɛnɛgi, ní tíigi ní.

Ezekyɛli 6:9

Lǎli bee ni bele pe ga kòro yele ni lè syɛɛnfeleyi nínge ni, beè pe a pye lè pulobèlē, pe a sɔ̀ngí taa mii kéeli na, níì cán mii a be kanɔnʔɔbye-fúnyi tɔ́nʔɔnɔ, yoro yee yi da wàli n léeli mii na lè, á be kanɔnʔɔri nyapiigéle kòro kanɔnʔɔri na ni kpéʔele ní be yasunyi ní. A be wéle láagi kwɔ́ɔ peyɛɛ ni kapeeyi myɛ kéele na, yee be kpéʔele lè pe yanɔnʔɔyi báriga ni.

Oze sɛ́bɛw 2:7

Pe nɔ́ɔw n wiyɛɛ gbéʔele nànjaaɔ. Céw wi be see lè, wi n fɛ̀ɛrɛ wáa wiyɛɛ na. Ncan wi n jo: ‹Mii a kári nǎnbèle kurugo bele mii kéeli da dɛ́nɛ lè, poro bele be mii lìíli ní mii lògbaagi kaangi mii ma lè, n fàra mii bàsiiri, ní mii lɛnw, ní mii sǐnmi, ní mii yagbaagi na.›

Oze sɛ́bɛw 3:1

A Yawe mii pye: «Ní maa syée mí sa tàmaga le ní céw ní, wee kéele li nànwaa dɛ́nɛ lè, wi si i nyɛ kanɔnʔɔbyeo, tàmaga le ní wi ní àmɛɛ Yawe tàmaga le ní Isirayɛli ye ní lè, àlí bi gi taa pe i kàragí ni syée kolocɔlɔbèle pèle nikwɔɔlɔ kurugo, á ɛrɛzɛn kàgbalayi kéele be dɛ́nɛ.»

Oze sɛ́bɛw 5:3

Mii n Efirayimi cán, Isirayɛli ga làra mii na í. Níì cán tɔ́ɔliw ni, Efirayimi, mɔ n kanɔnʔɔrɔ kpéʔele, Isirayɛli n wiyɛɛ nɔ́nʔɔ.»

Mariki 1:1

Kolocɔlɔɔ Jáaw wi nyɛ lè Zyezu Kirisi Syɛɛnjóocǎnri di joo lè wi kéeli na, di sélimi bi nyɛ bee naa.

Làlwaw Kaanziin 31:16

A Yawe Mowizi pye: «Wéle, mɔ wi a kùu wee, táree ni syɛ́ɛnbèle naa a jée lè, pe a yìri bàā kanɔnʔɔri kpéʔele ní kolocɔlɔ-nibɔnbèle ní. Pe a mii cée si wɔ́ɔ mii joogaanni kálagi, lee mii kpéʔele ní be ní lè.

2 Pyɛri 2:14

pe o cébèle wéle kapye ní wélebeele ní ban í, pe o tíngi kapeebyeri na í, pe i fûngabalayi syɛ̀ɛnnɛ lɛ́ɛlɛ ni có. Pe fúnyi n tàli n kwɔ́ɔ nyabɛɛnni na. Pe i nyɛ dángaw pìibēle.

Tɛ̀ɛnnɛ 17:5

Mɛ́ʔɛ maa pye wi gbáali na wozɛbɛgɛ ní, gee gi nyɛ lè kalarala wóʔo, a gi jo: «Kèkpɔɔgi Babilɔni, nànjaacebèle ní dulunyanw kapeebyere nɔ́ɔ.»