Ŋúnuyi 99:3 - Cebaara Bible 2010

³ Mɔ mɛ́ɛkpɔɔgi n yɛlɛ paa gi kpɔ̀ʔɔrɔ́ ki lè fyáara wóʔo ní! Yawe n nyɔɔ!

Ŋúnuyi 99:3 Iomraidhean Croise

Nehemii 1:5

A mii jo: «Ee Yawe mɔ wi lè nyɛ̀ʔɛni Kolocɔlɔɔ, Kolocɔlɔɔ, mɔ wee wi kpɔ́ʔɔ lè ní i nyɛ fyáara yáriga, mɔ wee wi joogaanni ní funjǎngi kɔngi lè bele kàbaan na mɔ kéeli dɛ́nɛ lè, á be mɔ kajoodɛɛngèle kɔn,

Nehemii 4:14

Yele ga tòmaagi wìimɛ lóʔo tɛ́ɛgee ni lè, ye kpóʔoro yaà beè wolo ma. Wolo Kolocɔlɔw a ra kapɛɛnni kpúmɔn bàā kaangi wolo ma.»

Nehemii 9:32

Tɔ́ɔliw ni doò, ee wolo Kolocɔlɔw, mɔ wi lè Kolocɔlɔɔ wogbɔɔw, ní séew fɔ́lɔ, ní fyáara yáriga, mɔ wee wi joogaanni, ní funjǎngi sámaga n cò lè, fɔ̀rɔgbɔɔgee gi nan lè mɔ syɛ́ɛnbèle myɛ na, pe nyɛ lè wolo ní wolo fànʔafɔbèle, ní wolo syɛɛnkpolobèle, ní wolo sáriga-wòlobèle, ní wolo kanyaajoobèle, ní wolo tóolɛɛbèle, nlaa yaà Asirii fànʔafɔbèle làla ni fwɔɔ n baa nan níjanʔa na, mɔ a kɔ́ gi córo kapiipiile í.

Nehemii 9:5

Levii ye be lè Zyozuwe, ní Kadimyɛli, ní Banii, ní Hasyabinya, ní Syerebya, ní Hodiya, ní Syebanya, ní Petahiya, a poro gi joo níì jo: «Ye yìri ye yére yáā Yawe yele kwɔ́ɔmɔ fun Kolocɔlɔw kpɔ̀ʔɔrɔ́. «Mɔ nijangbɔɔri mɛ́ʔɛ n yɛlɛ kaa kpɔ̀ʔɔrɔ́, koro gee gi sɔ̀lɔ lè dùbaw myɛ, ní sòololi myɛ na.

Ŋúnuyi 100:4

Yaa jǐn wi kpàánweegèle ni ní bariga kaanna ní, yaa jǐn wi kadàágèle ni ní sòololo ní! Yaa bariga kaangi wi ma, yáā wi mɛ́ɛgi kpɔ́ʔɔgi,

Ŋúnuyi 103:1

Davidi ŋúnugi. Ni fungo, da kpɔʔɔrɔ taari Yawe na! Mii fúngi myɛ n yɛlɛ bàā kpɔʔɔrɔ taari wi mɛ́ɛcǎngi na!

Ŋúnuyi 111:9

Wi n syɔɔli tórigo wi syɛ́ɛnbèle ma, wi n wi joogaanni télege li kòro beè làla o làla. Wi mɛ́ɛgi n nyɔɔ, ní i nyɛ fyáara yáriga.

Ŋúnuyi 145:17

Yawe n sín wi kóloyi myɛ ni, wi i nyɛ funjànga fɔ́lɔ wi kapyegèle myɛ ni.

Ŋúnuyi 66:3

Yaa gi nyuu Kolocɔlɔɔ ma ye wi pye: «Mɔ kapyegèle i nyɛ bìngaara kele! Mɔ nigoobèle i peyɛɛ gaangi mɔ ma pe nyɔ́ɔyi ni, mɔ séekpɔɔw kapyegèlē báriga ni.

Ŋúnuyi 76:1

Ŋúnuŋùúbèle kùndigi wóʔo. Ní kɔ̀ríw ní. Azafi ŋúnugi. Kpɔ̀ʔɔrɔli ŋúnugo.

Ŋúnuyi 76:12

Yaa nyɔɔfaliyi kpéʔele Yawe yele Kolocɔlɔw ma, yáā yi forogi! Syɛɛnfeleyi myɛ yi tɛ́ɛn n wi màʔa lè, ki n yɛlɛ yaa maa ní kpɔ́ʔɔri yárira ní wee má wi nyɛ lè fyáakpɔɔrɔ Kolocɔlɔw!

Ezayi 6:3

A seerafɛɛnbèle i yákpogèle wáa ni gi nyuu peyɛɛ ma níì jo: «Yawe wi lè Nyɛ̀ʔɛni Sùlasiibéle Kafɔlɔ, woro wi nyɛ Wojanw, Wojanw, Wojanw. Tári myɛ n nyìn wi nìjangbɔɔri na.»

Zyeremii 20:11

Kàjáa Yawe i nyɛ ní mii ní àmɛɛ fànnɛʔɛgɛ sanbali nyɛ lè. Koro na mii wɔʔɔfɔbèle a kpírige, pe a fànʔa taa í. Fɛ̀ɛrɛ a tɔ̀nɔ́ be taa àmɛɛ gi nyɛ lè be fanʔa ga taa í. Ki a pye bàngwɔɔ nyáʔamina, lee li lè syɔɔn a fɛ̀ʔɛ li na í.

Zyan 17:11

Mii a ní pye naa dulunyanw ni í, poro si i naa dulunyanw ni, mii si i syée mɔ ma. Mii Tofɔjǎnw, maa be kpáaw wéle mɔ mɛ́ɛgi báriga ni, gee mɔ le mii na lè, jàngó be pye nibin àmɛɛ wolo nyɛ lè nibin.

Làlwaw Kaanziin 28:58

Mɔ ga pye mɔ ga làlwaw naa syɛ́ɛnrɛ myɛ cò ní i di kpéʔele í, toro dee di sɛ́bɛ lè sɛ́bɛw naa ni, mɔ ga pye mɔ o fɛ̀ɛgí nìjangbɔɔrɔ, ní fyáakpɔɔrɔ mɛ́ɛgi naa na í, ki lè Yawe mɔ Kolocɔlɔw,

Làlwaw Kaanziin 7:21

Mɔ a kɔ́ ra fɛ̀ɛgí be kéeli na í, níì cán Yawe mɔ Kolocɔlɔw i nyɛ yele níngi ni, woro wi nyɛ Kolocɔlɔɔ wi lè wogbɔɔw, ní i nyɛ fyáara yáriga.

Zyozuwe 24:19

A Zyozuwe syɛ́ɛnmi pye: «Yele a gbǎn ra báara Yawe ma í, níì cán woro wi nyɛ Kolocɔlɔw wojaɔn. Wi i nyɛ yejaʔa Kolocɔlɔɔ. Wi a fɔ̀lɔ́ da yele kakoloyi ní yele kapeegèle kùsulugo syoo í.

Tɛ̀ɛnnɛ 4:8

Fókaanya kɔrɔni kɔrɔni maa pye sìi yáriyi bee sicɛrɛ na, á yi nyìn nyapiigèle na fúnyi ní kàdoyi na. Yi si i gi nyuu làla o làla canʔa ní yébilige níì jo: «Kàfɔw Kolocɔlɔɔ wi lè Séew Myɛ Kàfɔlɔ, wi n sín, wi n sín, wi n sín, woro wee wi da pye yaà lè, ní woro wee wi yaà lè, ní woro wee wi maa lè.»

1 Samyɛli 2:2

Wàa o wojaɔn ní àmɛɛ Yawe nyɛ lè í, wàa o yaà kapye mɔ ban í, fálagaa o yaà àmɛɛ wolo Kolocɔlɔw nyɛ lè í.