Ŋúnuyi 127:3 - Cebaara Bible 2010

³ Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

Ŋúnuyi 127:3 Iomraidhean Croise

Sélimɛ 1:28

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Sélimɛ 24:60

A be dùbaw naa kpéʔele Erebeka ma níì jo: «Wo senyɛnnɛ, ki n yɛlɛ mɔ í ba pye syɛ̀ɛnnɛ selebingéle kagunɔ kagunɔbèlē tɛ́ɛyɛ sirakamayɛ saʔa. Mɔ piibèle si wɔ́ɔ pe nigoobèle kpàánweegéle fáliga syɔɔ taa.»

Sélimɛ 33:5

A Ezau ga wi yɛ́ɛgi yìrige n wéle n cébèle ní pìíbèle nyaa, a wi Zyakɔbi yíbe níì jo: «Bɛ̀lɛ́ be nyɛ bele ní mɔ ní?» A Zyakɔbi wi yari: «Pìíbèle bele Kolocɔlɔɔ kaan mɔ falipyew ma lè, poro bɛɛ.»

Sélimɛ 4:1

A Adami wi céw Ɛvi cán wi cɔɔ̀, a wi fícɛnnɛ taa n Kayɛn see. A wi jo: «Mii n nàɔn see Yawe bárigaw ni.»

Sélimɛ 48:4

níì gi joo mii ma níì jo: ‹Wéle, mii a tɔ̀nɔ́ pìinɛʔɛrɛ kaan mɔ ma bi mɔ kpéʔele syɛɛnnɛʔɛmɛ. Mɔ a pye syɛɛnfele-nɛʔɛgɛ, si wɔ́ɔ tári naa kaan mɔ yodaʔayi ma naa mɔ kadoʔo ma di pye be worò làla o làla kwɔ́ɔmɔ fun.›

2 Samyɛli 3:5

Kɔrɔni wów si i nyɛ Yitireyami, Davidi céw wi lè Egila, woro pyà wi pye. Bele naa si Davidi see Heburɔn ni.

1 Cányi kèlē 28:5

Wi n jaafɔɔlɔ saʔa kaan mii ma, níì mii jáaw Salomɔn nyɛ́nɛ n wòlo mii jáabèle myɛ ni, koro ga pye wi tɛ́ɛn Yawe fǎngi fàngolo na, Isirayɛli ye nyúngi na.

1 Cányi kèlē 8:40

Ulami jáabèle n pye sànbalipɔɔlɔ, bele be pye lè sedeŋɔɔbéle. Pe maa jaafɔɔlɔ saʔa ní pìinyanbiiye saʔa taa, pe n pye togoye kɔrɔsiin ní kpɔrigɔ. Bele bee myɛ n pye Bɛnzyamɛ yòdaʔaya.

Zyɔbi 1:2

Wi maa nànbiigéle kɔrɔsiin ní calipiigèlē taanri see.

Ezayi 13:18

Poro a be sedeyi tɛ́ʔɛ bi wojáribèle ŋɔɔn bi cáan tári na, pe a nyinimɛ taa sàánnyɛɛngèle na í, pe nyapiigèle a tée pìíbèle nyaa nyinimɛ wòolo ní í.

Ezayi 8:18

Mii wéle wee ní pìíbèle ní, bele Yawe kaan mii ma lè. Wolo i nyɛ fɛ̀ɛbēle ní sàmina yáriya Isirayɛli ni, Yawe mɛ́ɛgi na, woro wee wi lè Nyɛ̀ʔɛni Sùlasiibéle Kafɔlɔ, wi nyɛ lè wodɛ́ɛɔn ní Siyɔn nyanbelegi na.

Làlwaw Kaanziin 28:11

Yawe a mɔ tín yacanri na. Wi a mɔ láagi pìibēle nɛʔɛ, bi wɔ́ɔ mɔ yaweeri pìibēle, ní mɔ tásaligi yaliifálara nɛʔɛ tári ni, dee kéele na Yawe kàli mɔ tóolɛɛbèle ma níì jo woro a di kaan mɔ ma lè.

Làlwaw Kaanziin 28:4

Dùbaw a pye mɔ láagi pìibēle, ní mɔ tásaligi yasanra na, bi wɔ́ɔ pye mɔ yaweeri pìibēle na, gee bee n jo mɔ yaweekpologèle sériye, ní mɔ yaweeyiligèle búgulo.

Jàbɔbèle 12:9

Wi maa taa nànbiigéle toko ní kpɔrigɔ ní calipiigèlē toko ní kpɔrigɔ. A wi wi calipiigèle kaan kàfugo ma wóbèle pèle ma, níì kàfugo ma pìcaabèle pèle toko ní kpɔrigɔ pɔri n kaan wi jáabèle ma. Wi n pye jàbɔlɔ Isirayɛli ni yɛ̀ʔɛlɛ kɔrɔsiin fúngo ni.

1 Samyɛli 1:27

Nànbili naa kéele na mii da ni nyɛ́ɛri. Gee mii da ni nyɛ́ɛri Yawe ma lè, wi n gi kaan mii ma.